Amos 4:1 - Tedim Bible

¹ Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Tedim Bible Revision 2017

¹ Bashan gam bawngpi bangin a thau mahmah, mizawngte nengniamin mi cimawhte a su gawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un:

Amos 4:1 Referans Kwoze

Late 22:12

Bawngtal tampi in kei hong umcih a, Bashan gam bawngtal hatte in kei hong umcih uh hi;

Amos 6:1

Israel minamte in muan-a hong neih, minam laka ulian ahi, Zion-ah nuntak nuama a om hithiat, Samaria-ah lungmuang taka a om note’ adingin, zumhuai mahmah hi.

Amos 5:11

Note in mi zawngte tuancilin, a an teng uh laksak na hih manun, suangseek inn na lam hangun a sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Ezekiel 39:18

Bashan panin tuutalte, tuunote, keelte leh bawngtal thaute a kigawh bangin a kigo ahi galkapte’ sate ne-in, leitung gam ukte’ site a dawn ding ahi uh hi.

Thuhilh-sia 4:1

Leitungah thuman lo-a a kigamtatnate khempeuh ka ngaihsun kik leuleu hi. Nenniamna a thuak mite kap uh a, ahi zongin kuamah in amaute hehnem lo hi. A nengniam mite thahat lua uh ahih manin kuamah in thuk ngam lo hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Joel 3:3

A gal matte uh kua in ngah ding, ci-in ai saan uh a, zu leh numei lei nadingin, numeino leh naupangnote, sila-in zuak uh hi.

Ezekiel 22:29

Mi cithei-a kineite in mi khemin a na sut uh hi. Mizawng mi cimawhte bawlsia-in, peemtate tungah nuamtak sa-in khualna mel nei loin a ut ut-un gamta uh hi.

Ezekiel 22:27

A kumpi uliante uh pen a samatsa uh a bal gawpgawp ngia hon tawh kibang hi. Sum ngah theihna dingin mi that uh hi.

Ezekiel 22:12

Pawlkhat in sum deih manin mi that uh hi. Pawl khatte in a Israel mipih sum leitawi late tungah nuamtak sa-in a met lakna tawh hauh lawh uh hi. Amaute in kei hong mangngilh uh hi, Topa Pasian in ci hi.

Ezekiel 22:7

A nu a pa a zahtakbawl kuamah om lo hi. Peemtate kikhen gawp a, meigong leh tagahte zong kihih thothop hi.

Jeremiah 51:34

“Babilon kumpipa Nebukhadznezzar in Jerusalem khua hong valhtum a, hong sukham gawp hi. Beel hawm bangin a hawmin hong koih a, gulpi bangin hong nawm valh hi. Ka neihsa a lim nono tawh amah kivak kham a, kei a hong hawlkhia hi.

Jeremiah 50:27

A galkap hangte khempeuh uh thahsak un. Amaute in gimna a thuak ding uh hi, a thuak ni ding uh hun hong tung zo hi.

Jeremiah 7:6

nam dang mite, pa nei lote leh meigongte na nuaisiah kei uh a, hih munah mawh nei lo mite that nawnloin, note’ gim nading mah ahi pasian dang peuh na biak nawn kei uh leh,

Jeremiah 6:6

Bang hang hiam cih leh a vanglian Topa in, “A singte phuksak un la, Jerusalem khua sim nadingin phungin ciang un. Hih khuapi daantah kul hi, bang hang hiam cih leh kinet niamna bekbek tawh a dim hi.

Isaiah 58:6

“Kei’ deih antan’na pen hih bang ahi hi! Gitlohna khaute phelin, hakkol savun khaute phel a, a kinengniam mite khahkhia-in, hakkol khempeuh suktan ding ahi hi.

Isaiah 5:8

Leitang tungah amau guak a teeng zah dongin midang’ adingin mun khempeuh a bei matengin inn khat leh khat, lo khat leh khat, gawmin a la thuah tawntung mite in gimna ngah ta hen.

Thuhilh-sia 5:8

Kumpite in mizawngte gim ngah sakin, thuman thutangin na a kisep kei leh, lamdang sa kei in. Uliante pen amau’ tunga uliante in en uh a, tuate tungah a en sawn a lianzaw khat om lai hi.

Late 140:12

Topa in a thuak mite’ thu a panpihna, mi cimawhte’ adingin thu a manin a khenna ka thei hi.

Late 12:5

Topa in, “Mizawng mi a neihsa kihawkkhia a, mi cimawh mi thuum ahih ciangin, tu’n ding-in, ama lunggulh lungmuan’na munah amah ka koih ding hi,” ci hi.

JOB (Job) 20:19

Bang hang hiam cih leh amah in mizawngte bawlsia-in don lo a, midangte’ inn lamsate sutin a tang hi.

1 KUMPI MASATE 16:24

Amah in Shemer’ tung panin ngun talen nih-in Samaria mual lei hi; amah in kulh tawh a mual um a, tua mual a neipa Shemer’ min tamin a lamsa khuapi min Samaria phuak hi.

Thu-hilhkikna 28:33

Na theih nai loh uh minam khat in na leitang panun a gahte leh na nasepsa khempeuh uh netum ding hi; note hong kinengniamin hong kisugawp tawntung lel ding hi;

Jeremiah 50:11

“Babilon mite aw, note in ka gamh ahi, Israel mite na luhgawp uh a, lungdamin na kipah uh hangin, lopa kham bawngno bangin omin sakol bangin na ham uh hangin,

Thu-hilhkikna 24:14

“A zawng a cimawh a kicial nasempa, na sanggamte khat ahi a, na gam sung na khuapite sunga om peemta khatpeuh peuh ahi zongin, na nengniam kei ding uh hi;

Ezekiel 18:12

Mizawng mi cimmawhte khem-in, mi’ na sut a, sum leitawi a lapa in khapna-a a piak nate pia kik loin kem suak hi. Milim bia-in a zumhuai-in gamta hi.

Amos 6:6

Leenggahzu, hai lianpi pi-in na dawn uh a, sathau hoih pente tawh na kizut uh hi. Ahi zongin Josef minamte’ siatna hangin, them khat zong na dah het kei uh hi.

Gamlak-vakna 21:33

Tua ciangin amaute kihei-in Bashan lamah paito uh hi; Bashan kumpipa Og leh a mite khempeuh Edrei-ah amaute do dingin kuan uh hi.

JOB (Job) 24:4

Mizawngte’ ngah theih dingte khaktan uh a, mizawngte notkhia uh ahih manin amaute bucip uh hi.

Paunak 22:7

Mihaute in mizawngte uk a, leitawi a late in a piate’ sila suak hi.

Isaiah 28:1

Efraim minam zukhamte’ kisaktheihna leihoih zangkuam i lutunga kisuang, a vulgawp paak ahi, a vanglian ama hoihna tawh zukham a, a pukte’ kisak theihna tua kumpi lukhu in gim ngah ta hen!

Isaiah 56:12

Amaute in, “Hong pai un leenggahzu la ni, kham theih zu ne-in gilvah ni; zing ciangin zong tu ni mah bangin gen zawh lohin nuam ding hi,” ci uh hi.

Ezekiel 34:16

Keimah in a mangte zongin, a lam pialte kaikhawmin, a liamte a liamna tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh keimah in a manin a gamta tuucingpa ka hi hi.

Amos 3:1

Israel mite aw, note lang khata Topa’ thugen, hih thu lim takin ngai un: Izipt gam panin na minam bup-un note kong paikhiatpih hi.

Amos 3:3

Mi nih thukimna om masa lopi-in, lampi-ah tonkhawm ahi hiam?