Amos 3:9 - Tedim Bible

⁹ Assiria gam mun muanhuaina sunga om mite, leh Izipt gam mun muanhuainna sunga om mite tungah thu zasak un la, “Samaria-ah hong kikhawm un la, tua lai-a buaina lianpite, kinen’niamnate hong mu in,” ci un.

Tedim Bible Revision 2017

⁹ Samaria gam munmuanhuai ah a om mite le Egypt gam munmuanhuai ah a om mite tungah thu zasak unla, “Samaria ah hong kikhawm unla, tua lai-a buaina lianpite le kinenniamnate hong mu un,” ci un.

Amos 3:9 Referans Kwoze

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Amos 6:1

Israel minamte in muan-a hong neih, minam laka ulian ahi, Zion-ah nuntak nuama a om hithiat, Samaria-ah lungmuang taka a om note’ adingin, zumhuai mahmah hi.

Amos 1:8

Ashdod khuapi-a teeng mite ka lakhia ding a, Ashkelon khuapi ukte ka beisak ding hi. Ekron khuapi ka sugawp ding a, Filistia mi a om laite si ding uh hi.

Amos 8:6

Khedap bu khat man dingin, mizawngte sila-in i zuak nuam a, i mangbuh hoih lote, sum tampi i khawng nuam hi,” na ci uh hi.

Jeremiah 50:2

“Gam khempeuh ah genin tangko un; dial khai un la, im kei un. ‘Babilon’ khuapi kila ta hi. Bel pasian maizum ta, a Merodak pasian kitangawp ta hi. A milimte uh maizum ta a, a pasiante uh kisiagawp ta hi,’ ci-in tangko un.

Jeremiah 31:5

Samaria gam mualtung tengah leenggah na suan kik ding a, huan bawlte in suan-in a gah ne-in nuam a sa ding uh hi.

1 SAMUEL MASA 5:1

Filistiate in Pasian’ thuciamna singkuang a mat uh ciangin Ebenezer panin Ashdod-ah pua uh hi,

Ezekiel 37:22

Israel mual tung gamah, amaute minam khatin ka gawmkik ding hi. Amaute in a uk ding khat nei ding uh a, amaute minam nih-in kikhen nawn lo ding uh a, kumpi nih-in kikhen nawn lo ding uh a, kumpi gam nih-in zong kikhen nawn lo ding uh hi.

Ezekiel 36:8

Ahi zongin Israel mualtung gamte-ah no ka mi Israelte’ adingin singkungte in teh leh gah hong nei kik ding a, a sawt loin note, inn-ah a hong ciah kik ding na hi uh hi.

Jeremiah 46:14

“Izipt gam leh Migdol khua-ah va gen un; Memfis khua leh Tahpanhes khua-ah va tangko un: ‘Kigalging sa leh kithawi sa-in om un, bang hang hiam cih leh namsau-in note hong kithat khin ding hi,’ va ci un.

2 SAMUEL NIHNA 1:20

Gath khua sungah gen kei in, Ashkelon kongzing ah genthang kei in; Filistia numeite lungdam kha ding, dawibia numeite nuamin diang kha ding.

Amos 5:11

Note in mi zawngte tuancilin, a an teng uh laksak na hih manun, suangseek inn na lam hangun a sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Paunak 1:13

Na a manpha a namkimin i sut ding a, tua bang nate i inn dimin i nei ding hi.

Paunak 11:16

A dik numei kizahtak a, dikna nei lo numei in mindaina hi. A thadah mi in sum nei ngei lo a, a hahkat mi in sum hau hi.

Thuhilh-sia 4:1

Leitungah thuman lo-a a kigamtatnate khempeuh ka ngaihsun kik leuleu hi. Nenniamna a thuak mite kap uh a, ahi zongin kuamah in amaute hehnem lo hi. A nengniam mite thahat lua uh ahih manin kuamah in thuk ngam lo hi.

Hosea 7:1

Israelte a ci uh damsak kik ning, ci-in ka ngaihsut ciangin, amau’ mawhna leh amau’ siatna bekbek kimu thei hi. Amaute in mi khemin, inn luhin na gu uh a, konglak nangawn-ah mi’ na sut uh hi.

Amos 6:3

Note tungah siatna hong tun’ ni ding, a kipelh theih nading na hanciam uh a, ahi zongin tua bang na hihnate un, siatna khangsak semsem zawsop hi.

Micah 6:10

Thuman lopi-in a ngah uh, migilote’ inn sunga van omte, leh ka deih loh tawitehna man lo zatnate, mangngilh thei ding ka hi hiam?