Amos 3:2 - Tedim Bible

² Leitung minam khempeuh lakah note bek hong thei-in, note bek ka hong don hi. Tua ahih manin na khialhna khempeuh uh hangin, note daan ka hong pia ding hi.

Tedim Bible Revision 2017

² Leitung minam khempeuh lakah note bek hong thei-in, note bek ka hong don hi. Tua ahih manin na khialhna khempeuh uh hangin note gim kong pia ding hi.

Amos 3:2 Referans Kwoze

Thu-hilhkikna 7:6

“Bang hang hiam cih leh note in Topa note’ Pasian tungah a siangtho mi na hi uh hi; lei maitang-a om mite khempeuh sung panin a neih manpha ama mi ahi dingin Topa na Pasian un note hong teel zo hi.

1 PETER MASA 4:17

Bang hang hiam na cih uh leh, Pasian’ innkuante a masa belin thukhen nading hun a tung zo hi. Eite a masa-in thu hong khen leh, Pasian’ Lungdamna Thu a mang lo mite bang suak ding ahi hiam?

Thu-hilhkikna 10:15

tua hi napi-in Topa in itna tawh ama lungsim na pu na pate uh tungah koihin, tu ni-a mah bangin midangte khempeuh sangin nomau’ suan leh khakte hong teel hi.

ROM (Romans) 2:9

A masabel Judah mi, a nung ciangin Grik mi, gitlohna ahihte khempeuh a kha tung uh ah gimna leh dahnate a tung ding uh hi.

Daniel 9:12

Na gensa bangin kote tung leh ko hong ukte tungah a nasia gimna nong tungsak zo hi. Leitunga om khuapi dang khatpeuh na hih ngei loh pen Jerusalem tungah na hih hi.

Ezekiel 9:6

Puteek, nungak tangval, numei naupang dong takin va that un la, ahi zongin a taltangah ciamtehna a nei peuhmah su kei un. Hih ka biakinn mahmah panin kipan pah un,” a cihna ka za hi. Tua ahih manin tua biakinn sunga ding Israel makaite, kipatna in nei pah uh hi.

Jeremiah 14:10

Hih mite tawh kisai-in Topa in hih bangin a gen hi: “Amaute in hih bangin kei kiang panin vakkhia kawikawi nuam uh a, a kidek kei uh hi. Tua ahih manin Topa in amaute ka sang kei a, a khialhnate uh phawk-in, a mawhnate uh ka daantat ding hi.”

Jeremiah 13:21

Nangma’ lawm ding a, na bawl mite teekteek in nang hong uk ni ciangin bang na ci ding hiam? Numei nau suakte in na a sak uh bangin nang zong na na sa ding hi.

Jeremiah 11:22

a vanglian Topa in “En un, amaute ka daantat ding hi. A tangvalte uh namsau-in a si ding uh a, a tapate leh a tanute uh kial-in a puksi ding uh hi.

Jeremiah 10:25

Nangmah hong thei lo gamte tung leh nangma’ min a hong lo ngeilo mite’ tungah na hehna sungsuk in; bang hang hiam cih leh amaute in Jakob’ suan leh khakte that mangin a ma’ teen’na susia khin uh hi.

Jeremiah 9:25

“En un, Topa in kong cih-inah, vun ki-at hi napi-a vun ki-at taktak lote khempeuh ka daantah ni hun hong tung ding hi.

Jeremiah 1:15

Bang hang hiam cih leh leilu-a om gam khempeuh keimah in ka sam a, amaute hong pai-in Jerusalem khua kongpite-ah ahi zongin, khua kimkot-a kulh kimte-ah ahi zongin, Judah gam khuapi khempeuh kimte-ah ahi zongin a kumpi tokhomte uh hong phut ciat ding uh hi.

Isaiah 63:19

Kote pen, nangmah in cik mah a, na uk ngei loh mite, nangma mi ahi ngei lo mite tawh a kibang ka suakkhin uh hi.

Late 147:19

Amah in Jakob tungah ama thu gen a, Israel tungah ama ngeina kipte leh ama biakna ngeina kipte a gen hi.

Thu-hilhkikna 26:18

tu ni-in Topa in note pen amah in note tungah hong ciamsa bangin ama neih ding a manpha mi na hihna uh, leh note in ama thupiaknate khempeuh na zuih nading uh,

Piancilna 10:32

Hihte in Noah’ tapate’ innkuan, a khangsimna tawh kizui-in amau’ minam ahi uh hi; tuiciin khit ciangin hihte’ tung panin leitungah minamte kizelthang hi.

Sawltak 17:26

Amah in leitung mi khempeuh minam khat bek pan bawl a amaute nuntak nading hun ahi zongin, amau omna atuam atuam ahi zongin a ciamteh zo hi.

Nahum 3:4

Nineveh khuapi in a paktatna hangin daan thuak hi. Ngaih baang mel pua-in bum siamna nei a, minamte zolin a khem hi.

Hosea 9:9

A gamtatna uh gen theih lohin siahuai uh a, Gibeah khua-a a gamtat ngeite uh tawh kibang hi. Pasian in amau’ mawhnate thei-in daan tat ding hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhna phawkin tua mawhnate hangin amaute daan ka pia ding hi. Izipt-ah amaute ka sawl kik ding hi.

Hosea 2:13

Kei hong mangngilh tan vei sung, Baal pasian tungah paknamtui a hal tan vei sung, leh a pasal it dangte tawh kikhawl dingin a manpha kizepna a tuamtuamte tawh a kizep hun tan vei sung zah mah daan ka pia ding hi.

Thu-hilhkikna 32:9

Ahi zongin Topa’ tanh in ama mite hi a, Jakob suante pen a kipia ama luah ahi hi.

1 KORIN MASA 8:3

Mikhat in Pasian a it leh, Pasian in tua mi a thei hi.

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tun’sak theih nadingin ama' khit-a a tate leh a innkuanpihte in thuman leh thutang-a nasepna tawh Topa’ thupiakte a zuih theih nadingun a hilh dingin amah ka teel khin hi,” ci hi.

Thu-hilhkikna 4:32

“Pasian in leitungah mi a pian’sak ni-a kipan, no pian’ ma-a hun beisa thu tu-in kan un la, van mong khat pan mong khat kikal thu zong kan un, hih bang na lian piang ngei-in a kiza ngei peuhmah hiam?

Ezekiel 5:9

Ka deih loh hih nate khempeuh na gamtatna hangin cikmah-in ka hih ngei loh, cikmah ciangin zong ka hih nawn loh ding thu tawh nang Jerusalem kong daantat ding hi.

Hosea 5:3

Israelte’ gamtatna khempeuh ka thei khin a, kei tungah bangmah hong iim thei lo ding uh hi. Kei tungah hong citak lo uh a, amaute, misia suak khin uh hi, a ci hi.

Amos 2:4

Topa in hih bangin ci hi: Judah mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, ka thukhamte nialin ka thuhilhnate zui lo uh hi. A pu a pate un a na biaksa pasian man lote mah in amaute lam pialsak hi.

Amos 3:3

Mi nih thukimna om masa lopi-in, lampi-ah tonkhawm ahi hiam?

Amos 6:1

Israel minamte in muan-a hong neih, minam laka ulian ahi, Zion-ah nuntak nuama a om hithiat, Samaria-ah lungmuang taka a om note’ adingin, zumhuai mahmah hi.

Micah 2:3

Tua ahih ciangin Topa in hih bangin ci hi: Note tungah gimna tun’sak ding ka ngaihsun a, tua gimna tawh na kipelh thei kei ding uh hi. Note’ adingin hun hoih lo hi ding ahih manin, na kiphatsak gamtat nawn kei ding uh hi.

Paikhiatna 32:34

Ahih hangin tu-in pai in, nang' tunga kong gensa mun-ah mite paipih in; en in, na mai-ah ka vantungmi pai ding hi. Ahi zongin ka thukkik ni ciangin amau' khialhna amau' tungah ka thuk ding hi,” a ci hi.