Amos 3:1 - Tedim Bible

¹ Israel mite aw, note lang khata Topa’ thugen, hih thu lim takin ngai un: Izipt gam panin na minam bup-un note kong paikhiatpih hi.

Tedim Bible Revision 2017

¹ Israel mite aw, noteʼ lang khat a Topaʼ thugen, hih thu limtakin ngai un: Egypt gam panin na minam bupun note kong paikhiatpih hi.

Amos 3:1 Referans Kwoze

Amos 2:10

No ka mihingte, Izipt gam panin hong paikhiatpihin, gamlakah kum sawmli sung kong makaih a, note’ adingin Amor mite’ gam kong pia hi.

Micah 3:1

Israel a uk makaite aw, hih thu ngai un. Note in thutang thuman a deih dinga kilawm hi napi-in,

Jeremiah 8:3

Hih a gilo minamte’ laka a omlai sun teng in ka hawlkhiatna munah nuntak ding sangin sih ding a teelzaw ding uh hi, a vanglian Topa in kong ci hi.

Hosea 4:1

Israel mite aw, Topa’ thugen ngai un. Hih gamsung a a teeng mite tungah Topa lungkim lo a, hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Jeremiah 31:1

“Topa in kong cih-inah, tua hun ciangin keimah in Israel mi khempeuhte’ Pasian ka hi ding a, amaute in ka mite ahi ding uh hi.”

Isaiah 48:12

“Jakob leh keima hong sap Israelte aw, ka thu ngai un! Kei in amah ka hi a, keimah in a masa hi-in, keimah in a nunung zong ka hi hi.

2 KHANG TANGTHU NIHNATE 20:15

Tua ciangin amah in, “Judah gam khempeuh leh Jerusalem a, teeng khempeuh leh kumpi Jehoshafat aw, ngai un: Topa in hih bangin note tungah hong gen hi, ‘Kihta kei un la, hih a tam mi honpi hangin lungkia kei un; bang hang hiam cih leh galdona in note’ aa hi loin Pasian aa ahi hi.

Mangmuhna 2:29

Kha Siangtho in pawlpite a thupiakna bil nei mi in ngai ta hen.’”

Hosea 5:1

No siampite aw, hih thu ngai un! No Israel mite aw, thu don un. Kumpipa’ innkuante aw, Ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih leh note in mite’ awk nadingin Mizpah mual-ah thang na hi uh a, mite’ awk nadingin Tabor mual-ah ngen thang na hi uh hi.

Isaiah 46:3

“Na suah-a kipan kong tawi, gilsung pan-a kong puak, Jakob innkuan, Israel innkuan a suakta laite khempeuh aw, keima thu hong ngai un;

Jeremiah 13:11

Bang hang hiam cih leh dialkaih in mite’ kawng tungah a belh cinten mah bangin Israel mi khempeuh leh Judah mi khempeuh kei tungah hong belh cinten dingin ka bawl hi. Tua hi leh amaute ka mi ahi ding uh a, ka minthan’na, ka hoihna leh ka vangliatna ding ahi ding uh hi. Ahih hangin amau in ka thu hong mang lo uh hi, Topa in kong ci hi,” hong ci hi.

Micah 2:3

Tua ahih ciangin Topa in hih bangin ci hi: Note tungah gimna tun’sak ding ka ngaihsun a, tua gimna tawh na kipelh thei kei ding uh hi. Note’ adingin hun hoih lo hi ding ahih manin, na kiphatsak gamtat nawn kei ding uh hi.

Zefaniah 2:5

Tuipi gei-a gual teen, no Filistia gam mite aw, gimna na ngah ding uh hi. Filistia mite’ ten’na Kanaan leitang aw, Topa in nang tungah thu hong khen zo hi. Mi khempeuh a bei mang dongin, hong susia ding hi.

1 KHANG TANGTHU MASATE 16:13

Ama nasem Abraham’ suante, Jakob’ suante, ama teel tuamte aw!

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Amos 5:1

Israel mite aw, kap kawm-a kong thugenna, lim takin na ngai un: