Amos 2:8 - Tedim Bible

⁸ Biakna tau gei khempeuhah lum uh a, sum leitawi tang-a a puan kepsakte uh phah uh hi. Amaute in a Pasian uh biakinn sungah, leibate kiangpan a laksak uh leenggahzu dawn uh hi.

Tedim Bible Revision 2017

⁸ Biakna tau gei khempeuh ah amaute lum uh a, sum leitawina hangin a puan kepsakte uh a phah uh hi. Amaute in a Pasian uhʼ biakinn sungah leibate kiang pan a laksak uh leenggahzu a dawn uh hi.

Amos 2:8 Referans Kwoze

Amos 6:6

Leenggahzu, hai lianpi pi-in na dawn uh a, sathau hoih pente tawh na kizut uh hi. Ahi zongin Josef minamte’ siatna hangin, them khat zong na dah het kei uh hi.

1 KORIN MASA 10:21

Topa’ hai leh dawigilote’ hai na dawnkhawm zo kei ding uh hi. Topa’ sabuai leh dawigilote’ sabuai-ah an na nekhawm zo kei ding uh hi.

1 KORIN MASA 10:7

“Mite in an ne, tui dawnin a tu uh a, a nung ciangin laam dingin a ding uh hi,” ci-in a kigelh mah bangin tuate kimkhat in milim a biak uh mah bangin bia kei ni.

1 KORIN MASA 8:10

Bang hang hiam na cih uh leh, lungpilna a nei nangmah in milim biakna inn sungah tu-in an ne-in na om, lungsim thanem-a kithei midang khat in hong muh ciangin milim biakna sa nek ding a hang ding hilo ahi hiam?

Amos 6:4

Saiha kibawl lupna tungah a lum hithiat, tutphah nip tungah a kizia hiathiat, tuuno sa leh bawngno sa, duhduha a ne, note in gimna na thuak ding uh hi.

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Hosea 4:8

Ka mite’ mawhna hangin amaute in hauh lawh uh a, ka mite a mawh semsem uh ut uh hi.

Ezekiel 23:41

Lupna hoih mahmah tungah tu-in a mai uhah sabuai limtakin koih uh hi. Tua sabuai tungah keima piaksa paknamtui leh oliv thaute koih uh hi.

Ezekiel 18:12

Mizawng mi cimmawhte khem-in, mi’ na sut a, sum leitawi a lapa in khapna-a a piak nate pia kik loin kem suak hi. Milim bia-in a zumhuai-in gamta hi.

Ezekiel 18:7

Kuamah khem lo a, kuama’ na zong sut lo hi. Sum leitawi a lapa in khapna van a apte zong pia kik hi. Gilkialte an vakin, puan nei lote puan guan hi.

Thukhente 9:27

Amaute lo-ah kuanin a leenggui lo uh panin leenggah khawmin cil uh a, pawi khamin amaute’ pasian’ inn-ah pai uh a, anne tuidawnin omin Abimelek zahko uh hi.

Isaiah 57:7

A lian a sang mual tungah nu-le-pa mawhna na bawl uh a, tua munah biakna pia dingin na paito uh hi.

Hosea 7:14

Amaute in lungsim takpi tawh kei tungah huhna hong ngen lo uh a, a lupna tung panun phunphun bek uh hi. An leh leenggahzu hong ngen loin milimte a bia uh hi. Amaute in kei hong lehdo uh hi.

Amos 3:14

Amau’ khialhna hangin Israelte daan ka piak ni ciangin, Beth-el a, biakna taute zong ka susia ding a, biakna tau kite kitanin lei-ah kia ding hi.

Paikhiatna 22:25

“Note tawh a om, a zawng keima' mite khat peuhpeuh' tungah sum leitawi na piak uh leh, ama' tungah sum leitawi a piapa bangin na om kei ding uh a, ama' tung panin a meet na dok kei ding uh hi.