Amos 2:7 - Tedim Bible

⁷ Amaute in mi zawngte’ lutang leivui lakah tuancil uh a, keima min siangtho a ninsak dingin, biakinn-a numei paktatte kiangah tangvalte leh papite pai uh hi.

Tedim Bible Revision 2017

⁷ Amaute in mizawngteʼ lutang leivui lakah tuancil uh a, keima min siangtho a ninsak dingin biakinn-a numei paktatte kiangah tangvalte le papite a pai uh hi.

Amos 2:7 Referans Kwoze

Amos 5:12

Bang hang hiam cih leh na khialhna tampite uh, leh na mawhna tampite uh ka thei khin a, thuman mite gimsakin, sumgolh na la uh a, thukhenna zumah mi zawngte’ thu a manin na khen kei uh hi.

Ezekiel 22:11

Pawlkhat in midangte’ zi tawh nu-le-pa mawhna bawl uh a, pawlkhat in a mote mawhpihin, pawlkhat in a sanggamnu ahi a pa’ tanu mawhpih hi.

1 KORIN MASA 5:1

Numei tawh mawhna tham lo a pa’ zi, zi-a a nei Gentailte lak nangawn ah a kiza ngei lo mawhna, note lakah a om thu a kithang zo hi.

Micah 2:9

Ka mihingte’ numeite amau’ inn nuam panin na hawlkhia uh a, a tate un a ngah ding keima thuphate na taan paisuak sak uh hi.

Micah 2:2

Lo deih le uh, mi’ aa sut uh a, inn deih le uh, mi’ aa mah sut uh hi. Mite bawlsia-in, a inn leh a neihsa sut uh hi.

ROM (Romans) 2:24

Bang hang hiam na cih leh, Lai Siangtho sungah a kigelh mah bangin, nangmah hangin Gentailte lakah Pasian’ min kigensia hi.

Zefaniah 3:3

A uliante, a hawk thei humpinelkai gilkial bang a, a thukhente, keivom gilkial bang uh hi. Zing khuavak mateng a saguh nek a nusia nuam lo, a huaiham gamsate tawh kibang uh hi.

Amos 8:4

Mi cimawhte tuancil gawpin, gamsung mi zawngte a susia gawp mite aw, hih thu ngai un.

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Ezekiel 36:20

Ahi zongin midangte in, ‘Hih mite pen Topa’ mite hi napi-in, Pasian in amaute tungah a piak gam panin taikhia uh hi,’ ci-in a paina peuhpeuh uhah na kigen ahih manin, ka min siangtho hong daisak uh hi.

Paunak 28:21

Mi langbawlna hoih lo a, ahi zongin letsong neucik khat hangin thukhente gamta khial thei zel hi.

1 KUMPI MASATE 21:4

Tua ciangin Jezre-el khuami Naboth in ama tungah a thugenna hangin hehna leh maikhin’na tawh Ahab a innah ciah hi; bang hang hiam cih leh amah in, “Ka pu ka pate’ gamh nang tungah kong pia kei ding hi,” a ci hi. Amah a lupna tungah lumin a mai hei a, an ne lo hi.

2 SAMUEL NIHNA 12:14

Ahi zongin, hih bang gamtatna tawh Topa thusim peuhmah lo na hih manin nang sungpan hong piang naungek si ding hi,” a ci hi.

Siampi Laibu 20:3

Keimah mah in tua mipa ka maisiat ding a, ama mite lak panin ka hawlkhia ding hi; bang hang hiam cih leh amah in a tate Molek tungah pia-in, ka biakinn ninsakin, ka min siangtho daisak hi.

Siampi Laibu 18:15

Nangmah in na monu na mawhpih kei ding hi; tua nu in na tapa’ zi ahi hi; na mawhpih kei ding hi.

Siampi Laibu 18:8

Nangmah in na pa’ zi na mawhpih kei ding hi; tua in na pa’ maizum nading ahi hi.

Hosea 4:14

Na tanute uh a paktat manun daan ka pia kei ding a, na mote uh midang tawh a mawh manin zong daan ka pia tuan kei ding hi; bang hang hiam cih leh note mahmah numei paktatte tawh na mawh uh a, biakinn numeite tawh nu-le-pa mawhna biakna na bawl uh hi. Paunak-ah, “Thu hoih phawk theihna a nei lo mite in siatna thuak ding hi,” kici hi.

Siampi Laibu 18:21

Nangmah in Molek tungah mei halna tawh biakpiak nadingin na tate khatpeuh peuh napia kei ding a, tua bangin Pasian’ min na daisak kei ding hi; keimah in Topa ka hi hi.

Isaiah 3:14

Topa in, upate leh ama mite’ uliante tawh thukhen dingin kipan a; “Leenggui lo a ne tumte pen note na hi uh a, mizawngte’ na a kisutte note’ inn sungah om hi.

Isaiah 3:15

Ka mite sucip-in, mi zawngte na gawina uh, bang na cih nopna uh ahi hiam? Vanglianpen Topa Pasian in ci hi.

Isaiah 10:1

A cimawh ka mite thutang heikhiat sakin, keima mite sungah a zawngte’ thuneihna sutkhia-in, meigong numeite’ neihsate amau’ aa suaksakin, pa nei lote’ neihsa a sut a man lo thukhensatna pia a, nenniamna thu lai-a, a gelhte in gimna ngah ta hen!

Amos 5:11

Note in mi zawngte tuancilin, a an teng uh laksak na hih manun, suangseek inn na lam hangun a sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.