Amos 2:13 - Tedim Bible

¹³ Tu-in, a puak buhlomte in bawngleeng a netcip suk bangin, note na omna mun uhah kong nengcip suk ding hi.

Tedim Bible Revision 2017

¹³ Tu-in buhlomte in a pua bawngleeng a netcip suk bangin note na omna mun uh ah kong nengcip suk ding hi.

Amos 2:13 Referans Kwoze

Isaiah 1:14

Note’ khadet nite leh na pawite uh ka mudah hi; tuate pen kei’ adingin van gikpi khat suak khin a, tuate ka puakna-in ka gim hi.

Malakhi 2:17

Na thugen genna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-a gamtate a hoihin ngaihsun a, zong itin amaute tungah lungkim takpi hi,” na cihna khawng uh leh, “A thutang gen Pasian koi lai-ah om ahi hiam?” ci-in na dotnate uh tawh na gimsak uh hi.

Ezekiel 16:43

Na neu lai-a kong bawlna teng na mangngilh a, hih bang tenga na gamtatnate tawh kei nong hehsak hi. Tua ahih manin na gamtatna tawh kizui-in kong thuk hi. A muhdahhuai na gamtat dangte banah bang hangin hih paktatna gamta thuah na hi hiam, Topa in ci hi.

Ezekiel 6:9

salin om ding uh hi. Tua bangin sal-a a omna uh mun panin, amau’ lungsim cihtak lohna hangin kei hong nusiatna uh leh keimah sangin milim a deih zawkna uh hangin a maizum nadingun a daantat ka hih lamtak thei-in kei hong phawk ding uh hi. Amau’ gitlohna leh a haitatnasate uh hangin amau mahmah kimudah tawm ding uh hi.

Isaiah 43:24

Kei’ adingin sum tawh paknamtui nong lei sak nai kei a, nangmah in biakna sa a thaute tawh nong taii sak nai kei hi. Ahih hangin nang in na khialhna tawh kei tungah vangik nong suan khin a, na mawhna tawh kei nong gimsak khin hi.

Isaiah 7:13

Tua ciangin Isaiah in, “David innkuan aw, ngai un! Mite na lunggim sakna uh thu neu sa a, ka Pasian zong lunggim sak na hi uh hiam?

Late 78:40

Amaute in gam lakah amah lehdo zelzelin, sehnel gam sungah amah dahsak uh hi!

Piancilna 37:7

en un, eite in lo lai-ah buhlom i hen a, en un, keima' buhlom tho-in ding tang hi; en un, tua kiim-ah note’ buhlomte kikhawm a, keima' buhlom mai-ah kun uh hi,” ci hi.

Gamlak-vakna 7:3

buk a nei leeng guk leh bawngtal sawm-le-nih Topa’ mai-ah paipih uh hi; leeng khatah makai nih, mi khatah bawngtal khat ciatin seh-in a biakna uh pia uh hi; amaute in biakbuk mai-ah tuate pia uh hi.

JOB (Job) 39:12

Lo-a na an piangte hong kaihkhopsakin, na ancilna-ah an khawm dingin um na hi hiam?