Amos 2:11 - Tedim Bible

¹¹ Na tapate uh pawl khat kamsang dingin ka teel a, na tangvalte uh pawl khat Nazir mi dingin ka teel hi. Israelte aw, tu-a ka gen bangmah hilo ahi hiam? Topa in kong ci khin hi.

Tedim Bible Revision 2017

¹¹ Na tapate uh pawl khat kamsang dingin ka teel a, na tangvalte uh pawl khat Nazir mi dingin ka teel hi. Israel aw, tu-a ka gen bangmah hi lo ahi hiam, Topa in kong ci khin hi.

Amos 2:11 Referans Kwoze

Jeremiah 7:25

Na pu na pate uh Izipt gam pan-a a hong paikhiat ni uh-a kipan tu ni ciang dong, ni khat khit ni khat, ka nasemte ahi kamsangte ka sawl tawntung a,

Micah 2:6

Amaute in kei kiangah, “Tua bang thu hong gen kei in. Tua bang thu gen dingin kilawm lo hi. Tua bangin Pasian in hong minsiasak lo ding hi,” ci uh hi.

Kah la 4:7

Pasian’ mi dinga kipia Nazir-te in amau pumpi uh a siasak lo, vuuk banga ngo, a cidam, a thahat mite ahi uh hi.

Jeremiah 26:11

Tua ciangin siampite leh kamsangte in kumpi uliante leh mi khempeuhte’ kiangah, “Note in na bil uh tawh na zak ciat uh mah bangin hihpa in hih khuapi langpan’in thu hilh ahih manin sihdaan piak tuak hi,” a ci uh hi.

Jeremiah 11:21

Tua ahih manin hong that nuam a, “Topa’ min tawh thu hilh kei in. Na hilh leh kote’ khutlum-in na si ding hi,” a hong ci Anathoth khua mite tawh kisai-in

Jeremiah 2:31

No khangthakte aw, Topa’ kammal limtak ngai dih un. Israel mite adingin keimah in gamlak bang hi ngei ka hi hiam? A mial mahmah gam bang hi ngei ka hi hiam? Tua ahih leh bang hangin ka mite in, ‘Ko ka suakta uh hi, nang kiangah kong pai nawn kei ding uh hi,’ ci uh ahi hiam?

Jeremiah 2:5

Topa in hih bangin ci hi: “Na pute na pate un kei kiang panin gamlapi paikhia-in, bangmah-a kimang lo milim peuh bia-in, amau mahmah zong bang mah-a kimang lo a suah khit nadingun kei’ tungah bang mawhna mu uh ahi hiam?

2 KHANG TANGTHU NIHNATE 36:15

A mite leh ama teen’na mun khasiat ahih manin amau’ pute pate’ Pasian, Topa in a kamtaite amaute kiangah sawl teitei hi;

2 KUMPI NIHNATE 17:13

Ahi zongin Topa in kamsangte khempeuh leh thu-mu-te khempeuh tung tawnin Israel leh Judah hilhkhol a, “Na pu na pate uh ka thupiak thukhamte khempeuh, leh kamsangte ahi ka nasemte tung tawnin note kiangah thu kong puak bangin na gamtat siate panun kihei-in ka thupiaknate leh ka thukhamte zui un,” a ci hi.

2 KUMPI NIHNATE 6:1

Tu-in kamsangte khat in Elisha kiangah, “Thei in, nangma ukna nuai-a ka ten’na mun uh kote’ adingin neu lua hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih ding, Imlah’ tapa Mikaiah kici mi khat om lai hi; ahih hangin amah in kei’ thu a hoih gen ngei loin a sia gen ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

1 KUMPI MASATE 20:41

Tua ciangin amah in a mit panin a tuamna phel dingin nawhtat hi; tua ciangin Israel kumpipa in amah pen kamsangte khat ahih lam thei hi.

1 KUMPI MASATE 20:35

Tua ciangin Topa’ thupiakna tawh kamsangte’ tapate mi khat in a lawmte khat kiangah, “Hong sat in, kong thuum hi,” a ci hi. Ahih hangin a mipa in amah sat nuam lo hi.

1 KUMPI MASATE 20:13

Tua ciangin en in, Israel kumpi Ahab kiang nai-ah kamsang khat hong pai-in, “Topa in hih bangin ci hi; Hih mihon tampi khempeuh na mu khin hiam? En in, tu ni-in nangma khut sungah kong pia ding hi; tua ciangin keimah in Topa ka hihna na thei ding hi, ci in,” a ci hi.

1 KUMPI MASATE 19:16

tua ciangin Israel tungah kumpi dingin Nimshi’ tapa Jehu sathau na nilh ding hi; tua ciangin nangma munah kamsang dingin Abelmeholah khuami Shafat’ tapa Elisha sathau na nilh ding hi.

1 KUMPI MASATE 18:4

Jezebel in Topa’ kamsangte a hon thah lai-in Obadiah in kamsang za khat la-in sawmnga sawmnga-in leihawm sungah seel a, amaute an leh tui tawh vaak hi.)

1 KUMPI MASATE 17:1

Tu-in Gileah gamsung Tishbe khua panin Tishbe mi Elijah in Ahab kiangah, “A mai-ah ka din’na Israel Pasian, Topa in a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

1 SAMUEL MASA 19:20

Tua ciangin David a man dingin Saul in mi sawl hi; amaute in kamsang honte mailam thu genin omin amaute a makai-in Samuel a ding a muh uh ciangin, Saul’ sawltakte tungah Pasian’ kha hong tung a, amaute in zong mailam thu gen uh hi.

1 SAMUEL MASA 3:20

Tua ciangin Dan panin Be-ersheba kikal a, om Israelte khempeuh in Topa’ kamsangin Samuel a kikipsakna thei uh hi.

Thu-hilhkikna 18:18

Amau’ sanggamte lak panin nang tawh a kibang kamsang khat amaute adingin ka khangsak ding hi; ama kam sungah ka thute ka guan’ ding a, amah ka thupiak khempeuh amah in amaute tungah gen ding hi.

Sawltak 7:51

“Lungkhauh a, lungsim leh bil tawh vunat loh mite aw, note in Kha Siangtho a tawntungin na nial uh hi. Na pute na pate uh a gamtat bangin na gamta uh hi.

Sawltak 5:28

siampi ukpa in, “Tua min tawh thu na hilh loh nadingun kote in pha takpi-in kong kham uh hangin, Jerusalem khua note’ thuhilhna tawh na dimsak zo uh a, kote tungah hihpa’ si hong tun’ nading note in na hanciam uh hi,” ci-in a gen hi.

Sawltak 4:18

Tua ciangin sawltakte sam kik uh a, ‘Zeisu’ min tawh thu gen nawn peuhmah lo ding leh thu hilh nawn peuhmah lo dingin a kham uh hi.