Amos 2:10 - Tedim Bible

¹⁰ No ka mihingte, Izipt gam panin hong paikhiatpihin, gamlakah kum sawmli sung kong makaih a, note’ adingin Amor mite’ gam kong pia hi.

Tedim Bible Revision 2017

¹⁰ No ka mihingte, Egypt gam pek panin hong paikhiat pihin, gamlak ah kum sawm li sung kong makaih a, note adingin Amor miteʼ gam kong pia hi.

Amos 2:10 Referans Kwoze

Thu-hilhkikna 2:7

Bang hang hiam cih leh khut tawh na sepna khempeuh uhah Topa na Pasian un note thupha hong pia hi; hih a zai gamlakah na paina uh amah in hong thei hi; hih kum sawmli sung Topa na Pasian uh no tawh hong om hi; bangmah na kisam kei uh hi, ci-in gen in,’ hong ci hi.

Paikhiatna 12:51

Tua ni teekteekin Topa in Israel mite a honpi-un Izipt gam panin paikhiatpih hi.

Amos 3:1

Israel mite aw, note lang khata Topa’ thugen, hih thu lim takin ngai un: Izipt gam panin na minam bup-un note kong paikhiatpih hi.

Sawltak 13:18

Kum sawmli tawntung gampa lakah naungeek bangin kemin a vaak hi.

Sawltak 7:42

Pasian’ kamsangte’ laibu sungah: ‘Israel mipawlte aw, note in ganhingte gawhna tawh, biakna-in Gampalakah kum sawmli tawntung kei hong bia na hi uh hiam?

Micah 6:4

Bang hang hiam cih leh, Izipt gam panin note kong paikhiatpih a, salsuahna panin note ka hong tankhia hi. Note hong makai dingin, Moses, Aaron, leh Miriam ka hong sawl hi.

Amos 9:7

Topa in hih bangin ci hi: Israel mite aw, Ethiopia mite tawh a kibangin note ka hong bawl a, Izipt panin note ka hong paikhiatpih bangin, Kaftor gam panin Filistia mite ka paihkhiatpih a, Kir gam panin Siria mite ka paikhiatpih hi.

Paikhiatna 3:8

Izipt mite’ khut sung panin amaute khahkhia-in, tua leitang panin amaute lakhia-in a hoih a tanzau leitang, bawngnawi leh khuaizu a luan’na leitang, Kanaan mite, Hit mite, Amor mite, Perez mite, Hiv mite leh Jebus mite’ omna-ah amaute paipih dingin kong paisuk hi.

Ezekiel 20:10

Tua ahih ciangin Izipt gam panin amaute pai khiatpihin gamlak ka tun’pih a,

Late 95:10

Kum sawmli sung tua minam ka kih a, “Amaute in a lungsim sungah a khial mi hi a, amaute in ka thupiakte mang lo uh hi,” ka ci hi.

Nehemiah 9:21

Kum sawmli tawntung gamlakah amaute na vak a, amaute in bangmah tangsapna nei lo uh hi; a puante uh zong sia lo a, a khe uh zong bawk beek lo hi.

Thu-hilhkikna 1:39

Tua tham loin galte’ mimat suak ding hi na cih uh na taneute uh leh, tu hun lai taka asia leh apha a khen thei nai lo na tate uh, tua gamah pai ding a, amaute tungah tua gam ka pia ding a, amaute in tua gam luah ding uh hi.

Paikhiatna 20:2

“Keimah in salsuahna, Izipt leitang panin nang a hong paikhiatpih Topana Pasian ka hi hi.

Gamlak-vakna 21:25

Israelte in hih khuapite khempeuh la-in, Heshbon gam sunga Amor mite’ khuapite khempeuh leh khua neute khempeuh ah teeng uh hi.

Joshua 13:4

leitaw lamah, Kanaan mite leitang khempeuh, leh Sidon mite gam ahi Mearah gam Amor mite' gamgi ahi Afek ciang,

Gamlak-vakna 13:32

Tua ahih ciangin amaute in amau’ vaansa gam thu Israel mite tungah a sia lamin hong puak uh a, “Kote in a vaan dingin ka va paina uh gam in a tunga teeng mite a valhtum thei ding gam ahi hi; tua lai-a ka muh uh mite khempeuh mi tha liante ahi hi.

Gamlak-vakna 32:13

Israel mite tungah Topa’ hehna so a, Topa’ muhna ah siatna a gamta tua khang mi khempeuh a bei mateng kum sawmli sung gam lakah amaute vak kawikawi sak hi.

Joshua 24:8

Tua ciangin Jordan galkhatah a teeng Amor mite’ leitangah note kong paipih hi; amaute in note hong doin, note khut sungah amaute kong pia a, note in amau’ leitang na luah uh a, note mai-ah amaute ka susia hi.

Jeremiah 2:6

Amaute in, ‘Izipt gam panin eite hong paikhiatpih-a sehnel lak leh dum lak, leikeu lak leh a lauhuai khuamial bekbak lak, kuama’ pai ngei lohna mun, kuama’ teen’ lohna gamlak-ah a hong makaih Topa koi-ah a om hiam?’ ci beek lo uh hi.