Amos 1:9 - Tedim Bible

⁹ Topa in hih bangin ci hi: Tai-ar khuamite a khialh kikkik nilohna hangun pel loin amaute daan ka tat ding hi. Bang hang hiam cih leh amaute in, minam bup khat Edom mite tungah ap uh a, lawmta dinga a thuciamna uh zui lo uh hi.

Tedim Bible Revision 2017

⁹ Topa in hih bangin ci hi: Taia khua mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in minam bup khat Edom mite tungah ap uh a, lawmta dinga a thuciamna uh zui lo uh hi.

Amos 1:9 Referans Kwoze

2 SAMUEL NIHNA 5:11

Tua ciangin Tai-ar kumpipa Hiram in kamtaite leh taamtak singte, leh David adingin inn khat a lamsak khutsiamte leh lei-le-suang innlam siamte zong puak hi.

Mattiu 11:21

“Khorazin khuapi aw, nangmah in gimna na thuak ding hi. Bethsaida khuapi aw, nangmah in gimna na thuak ding hi. Bang hang hiam na cih uh leh, note sungah hong kilak vangliatnate in Tai-ar khuapi leh Sidon khuapi sungah kilak ngei leh, amau in sawtpi pekin khautang puan silhin, vut tawh kibuakin a kisik kik zo ding uh hi.

Amos 1:11

Topa in hih bangin ci hi: Edom mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, a sanggam uh Israelte namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Amos 1:6

Topa in hih bangin ci hi: Gaza khuamite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, minam bup khat sal dingin, manin, Edom mite tungah ap uh hi.

Jeremiah 47:4

Filistia mite khempeuh kisia-in, Tai-ar leh Sidon pana huhnate khaktan-in, suksiat ni ding hong tung ta hi. Bang hang hiam cih leh Topa in Filistia mite leh Kaftor tuipi gei-a a om laite ka susia ding hi.

Jeremiah 25:22

Tai-ar kumpite khempeuh, Sidon kumpite khempeuh leh tuipi gei-a kumpite khempeuh;

Mattiu 11:22

Ke’n aman takpi kong cih-inah thukhen ni ciangin, note in Tai-ar khuapi leh Sidon khuapi sangin na thuak zaw ding uh hi.

Luka 10:13

“Khorazin khuapi aw, nangmah in gimna na thuak ding hi. Bethsaida khuapi aw, nangmah in gimna na thuak ding hi. Bang hang hiam na cih uh leh, note sungah hong kilak vangliatna in Tai-ar khuapi leh Sidon khuapi sungah kilak ngei hi leh, amau in sawtpekin khautang puan silhin, vut tawh kibuakin a kisik kik zo ding uh hi.

Luka 10:14

Thukhen ni ciangin note in Tai-ar leh Sidon khuapi sangin gimna na thuak zaw ding uh hi.

Late 83:7

Gabal, Ammon leh Amalek mite, Filistia leh Tai-ar khua-a teeng mite tawh thuciam bawl uh hi.

Ezekiel 28:18

A man loin sum na bawl luatna hang, tua bang na mawhna hangin, na biakna munte na siasak hi. Tua ahih manin khuapi sung ka hal a, a vekpi-in kangtum mang hi. Nang hong ente khempeuh’ muhna-ah, vut leh vai kong suah hi.

Obadiah 1:11

Lang khata na gaaldin’ ni-in, Namdangte in a neihsa teng a puak khiat ni-in; gamdang mite a kongpi sungah lut-a Jerusalem ading ai a san’ ni-in, nang zong a thukimpih na hi hi.

Zekhariah 9:1

Topa’ thugenna: Hadrak gamte’ daantuah nading Topa in thukhen zo a, Damaskas khuapi in zong tuak ding hi. Israel minam khempeuh, Topa’ aa ahih mah bangin, leitung minam khempeuh zong Topa’ aa ahi hi.

Ezekiel 27:1

Topa in kei kiangah thu hong gen a,

Ezekiel 27:27

Tua bangin nang na siat ni ciangin a tam mahmah na van khempeuh, na sunga om teembaw nasem khempeuh, na innlam siamte leh na sumbukte khempeuh, na sunga om na galkap khempeuh, a vekpi-in nang tawh tuipi sungah tum mang uh hi.

Ezekiel 28:1

Topa in kei kiangah thu hong gen a,