Amos 1:4 - Tedim Bible

⁴ Tua ahih manin Hazael innkuante mei tawh ka hal ding a, a meikuang in kumpi Benhadad’ munmuanhuaite kangtum ding hi.

Tedim Bible Revision 2017

⁴ Tua ahih manin Hazael innkuante mei tawh ka hal dinga, a meikuang in Kumpi Benhadadʼ mun muanhuaite kaang tum ding hi.

Amos 1:4 Referans Kwoze

Jeremiah 49:27

Damaskas khua kulhpi mei tawh kihal ding a, Benhadad kumpipa’ inn zong a kangtum ding hi,” a ci hi.

Jeremiah 17:27

Ahih hangin ka thu nong ngaih kei uh a, sabbath ni siangthosak loin, sabbath ni-in Jerusalem khua kongpite pan van pua-in nong lutpih uh leh, tua kongpite ka hal ding hi. A mei in Jerusalem khua kumpi innte lawhin a kangtum ding a, mei a kiphelh zo kei ding hi,’ va ci in,” hong ci hi.

2 KUMPI NIHNATE 13:25

Tua ciangin a pa Hehoahaz’ tung panin gal sungah Hazael in a laksak khuapite, Hazael’ tapa Benhadad tung panin Jehoahaz’ tapa Jehoash in la kik hi. Jehoash in amah thum vei zoin Israel khuapite ngah kik hi.

2 KUMPI NIHNATE 13:3

Tua ciangin Israelte tungah Topa heh a, amah in Siria kumpipa Hazael khut sung leh Hazael’ tapa Benhadad khut sungah amaute pia tawntung hi.

2 KUMPI NIHNATE 6:24

Tua khit ciangin Siria kumpipa Benhadad in a galkap buppi khawmin paito a, Samaria umcih hi.

Amos 2:5

Tua ahih ciangin Judah gamsung ka kangsak ding a, Jerusalem munmuanhuai teng kangtum ding hi.

Amos 2:2

Tua ahih ciangin Moab gamsung ka kangsak ding a, Kerioth khuapi munmuanhuai teng kangtum ding hi. Galkapte’ otna leh peengkul kitumna lak, gal kidona gamlum sungah Moab mite si ding uh hi.

Amos 1:14

Tua ahih ciangin Rabbah khuapi kulh ka hal ding a, a mun muanhuai teng kangtum ding hi. Gal do-a kikona aw ging ding a, tua kidona awging khuapi huih nung bang ding hi.

Amos 1:12

Tua ahih ciangin Teman gamsung ka kangsak ding a, Bozrah khuapi mun muanhuai teng kangtum ding hi.

Amos 1:10

Tua ahih ciangin Tai-ar khuapi kulh ka kangsak ding a, a mun muanhuai teng kangtum ding hi.

Amos 1:7

Tua ahih ciangin Gaza khuapi kulh ka kangsak ding a, a mun muanhuai teng kangtum mang ding hi.

Hosea 8:14

Bang hang hiam cih leh Israel mite in amau a Piangsakpa mangngilh uh a, inn lianpipite lam uh hi. Judah mite in zong kulh nei khuapi tampi lam thuah uh hi. Keimah in tua khuapite mei tawh halin a inn lianpite uh ka kangtumsak ding hi, ci hi.

Ezekiel 39:6

Kuamah in nawngkaisak loin nuam takin mite a om hithiatna Magog gam sung leh tuipih gei-a gamte ka hal ding a, tua ciangin Topa ka hihna thu mi khempeuh in hong thei ding uh hi.

Ezekiel 30:8

Izipt gam hal tumin, a gam a hute khempeuh a bei khit ciangin, Topa ka hihna thu hong thei ding uh hi.

2 KHANG TANGTHU NIHNATE 16:2

Tua ciangin Asa in Topa’ inn leh kumpipa’ inn-a van manpha koihnate panin ngun leh kham la-in, Damaskas-ah a teeng Siria kumpipa Benhadad kiangah tuate puakin,

1 KUMPI MASATE 19:15

Tua ciangin Topa in ama kiangah, “Pai in, Damaskas gamlak na lampi-ah ciahkik in; na tun’ ciangin Siria tungah kumpi dingin Hazael sathau na nilh ding hi;

Thukhente 9:57

Pasian in Shekhem mite khempeuh’ gitlohna amau’ lu tungah tusak kik hi; tua bangin Jerubbaal’ tapa Jotham’ samsiatnate amau tungah a tung hi.