Amos 1:14 - Tedim Bible

¹⁴ Tua ahih ciangin Rabbah khuapi kulh ka hal ding a, a mun muanhuai teng kangtum ding hi. Gal do-a kikona aw ging ding a, tua kidona awging khuapi huih nung bang ding hi.

Tedim Bible Revision 2017

¹⁴ Tua ahih ciangin Rabbah khuapi kulh ka hal tum dinga, a mun muanhuai teng khempeuh kaang tum ding hi. Galdo a kikona aw ging dinga, tua kidona awging khuapi huihnung bang ding hi.

Amos 1:14 Referans Kwoze

Amos 2:2

Tua ahih ciangin Moab gamsung ka kangsak ding a, Kerioth khuapi munmuanhuai teng kangtum ding hi. Galkapte’ otna leh peengkul kitumna lak, gal kidona gamlum sungah Moab mite si ding uh hi.

Jeremiah 49:2

Tua ahih manin, en un, Topa in kong cih-inah, Ammon gam Rabbah khua kisim a, galdona aw a kizak hun ka tung sak ding hi. Tua khuapi kisusia mang ding a, khuaneute kihaltum ding hi. Tua ciangin Topa in kong cih-inah, Israel mite in a gam uh a lak sak mite kiang panin a gam uh a ngah kik ding uh hi.

Thu-hilhkikna 3:11

(Bang hang hiam cih leh Bashan kumpipa Og bek Refaim gam sung panin a om lai ahi hi; en in, ama lupna a han in suang han ahi hi; Ammon mite’ khuapi Rabbah ah tua han om lai hilo ahi hiam? Tong gual-in, a sauna tongkua hi a, a zaina tongli ahi hi.)

Isaiah 30:30

Topa in heh mahmahna leh a kangtum thei meikuang sung panin vanging leh huihpi leh gialpi tawh, ama liatna minthan’na aw kizasakin, ama khut a viik sukna kimusak ding hi.

2 SAMUEL NIHNA 12:26

Tu-in Joab in Ammon khuapi Rabbah simin a khuapi tuikhuk la hi.

Zekhariah 7:14

Tua ahih manin Topa in “Huihpi’ mut khiat bangin amaute thehthang gawpin, a theih ngei lohna uh gam dangah amaute teeng ding uh hi. Amau’ nusiat leitang hoih in zong gamkhing suak ding a, a sungah kuamah om nawn loin daicip ding hi,” a ci hi.

Daniel 11:40

Siria kumpipa hun a bei dektak ciangin, Izipt kumpipa in amah a sim ding hi. Siria kumpipa in a tha neih teng siit loin tuikhang bangin, sakol tawh, sakol galkapte tawh, teembaw tampi tawh Izipt a do ding hi.

Ezekiel 25:5

Rabbah khuapi pen kalaoh khawk ka suah ding a, Ammon khuapi dangte zong tuukhawk ka suaksak ding hi. Tua ciangin Topa ka hihna thu nong thei ding uh hi.

Isaiah 9:5

Gal kikapna sunga gal hangte’ khedap khempeuh leh si a baang puan khempeuh mei-in kicih ding hi.

Late 83:15

nangmah in na khuapihuih tawh amaute delh in la, na huihpi tawh amaute lausak in!

JOB (Job) 39:25

Peengkul a kitum ciangin ham uh a, gal nai a tun’ ma-un galgim za uh a, galkapmangte’ thupiakna awging za uh hi.

2 SAMUEL NIHNA 11:1

Galdo dingin kumpite a kuankhiat hun tua kum phalbi sungin David in Joab, leh amah tawh a om a nasemte, leh Israelte khempeuh sawl hi; amaute in Ammon mite sugawpin Rabbah umcih uh hi. Ahih hangin David Jerusalem ah om hi.

1 KHANG TANGTHU MASATE 20:1

Kumpite in khuakhal sungin galsimin kuankhia zel uh hi. Tua hun hoih khuakhal hong tun’ ciangin Joab in galkapte pai khiatpihin Ammon mite’ gam sugawp a, hong pai-in Rabbah khua umcih hi. Ahih hangin Jerusalem ah David om hi. Tua ciangin Joab in Rabbah khua vatin lumlet hi.

Isaiah 29:6

Vanglianpen Topa in vanging, zinliing, a ging lianpi, pingpei leh huihpi, leh a kangtum thei meikuang tawh hong pai ding hi.

Jeremiah 23:19

En un, Topa’ huihpi nung! A hehna hong kinuai nainai-in hong paikhia ta a, mi gilo pa’ lutang hong kiden’na ding hi.

Ezekiel 21:20

Tua lamka khat in Ammon mite khuapi Rabbath-ah kumpipa a tun’ theihna dingin lak ding a, a khat pen in Judah gam sunga om Jerusalem khuapi sung teek a tun’ nadingin lak ding hi.

Ezekiel 21:22

Jerusalem ah a pai ding ai a phatna a lak a thaltangte a taklam khutah tawi hi. Tua ai in Jerusalem ah a pai nading, gal nan’ nading phung a cian’ nading galsim nadingin a kiko nading, kulhpite satkham nading molhtumte a bawl nading, kidal nading phung bawlin dumte a tawh nading gen hi.

Ezekiel 25:7

Hih bangin gamta se na hih manun note’ nate hong sut gawp ding minamte khut sungah kong pia ding hi. Note hong sumaimang ding ka hih manin a minam-in ahi a, a gam-in ahi zongin na ding zo nawn kei ding uh hi. Tua ciangin Topa ka hihna na thei ding uh hi, ci-in gen in,” hong ci hi.

2 SAMUEL NIHNA 12:31

Amah in a sunga om mite paikhiatpihin sing-atnate leh tuzumte leh heite tawh na a sem dingin koih a, leisek sekna-ah amaute nasem sak hi; tua bangin Ammon mite’ khuapi khempeuh ah hih hi. Tua ciangin David leh mi khempeuh Jerusalem ah ciah uh hi.

Ezekiel 21:25

A gilo, a siangtho lo, Israel gam uk mi gilopa aw, nang’ hun zong hong tung ta a, na daantuah ni ding hita hi.