Amos 1:13 - Tedim Bible

¹³ Topa in hih bangin ci hi: Ammon mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, huaihamin gam a deih thuah manun, Gileah gamsung simgawp uh hi.

Tedim Bible Revision 2017

¹³ Topa in hih bangin ci hi: Ammon mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in huaihamin gam a deih thuah manun Gilead gam sim gawp uh hi.

Amos 1:13 Referans Kwoze

Hosea 13:16

Israelte in a Pasian uh lehdo ahih manin a mawhna uh thuak ding uh hi. Gal sungah amaute si ding uh a, a naungeekte uh lei kiden’ nading a, a nupi naupaaite uh kikuikham ding hi, ci hi.

Ezekiel 35:10

“Keimah in Israel leh Judah mite’ Topa Pasian hi napi-in, hih minam nihte nangma’ aa in, ngaihsunin a luah dingin na kigen hi.

Isaiah 5:8

Leitang tungah amau guak a teeng zah dongin midang’ adingin mun khempeuh a bei matengin inn khat leh khat, lo khat leh khat, gawmin a la thuah tawntung mite in gimna ngah ta hen.

Amos 1:3

Topa in hih bangin ci hi: Damaskas khuamite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, angawina suang tawh gawizan bangin, Gilead gam mite gawi gawp uh hi.

Ezekiel 21:28

“Ezekiel aw, mailam thu gen in la, Topa Pasian ahi keimah in Israel mite a simmawh bawl Ammon mite tawh kisai-in ka thugen, hih bangin amaute kiangah gen in: A vatlum dingin namsau khat a baihsa-in om a, mi thah nadingin kinawtngil a, khuaphia bangin a tee zialzial dingin kibawl hi.

Nehemiah 2:19

Ahi zongin Horonaim khuami Sanballat leh Ammon mi sal ahi Tobiah leh Arab gam-a a sem Geshem in tua thu a zak uh ciangin, kote zahpihna leh simmawhna tawh, “Hih na sep uh bang ahi hiam? Kumpipa lehpan’ na hi uh hiam?” hong ci uh hi.

2 KHANG TANGTHU NIHNATE 20:10

Tu-in en in, Izipt gam panin Israelte hong paikhiat lai-in na simsak loh, amaute in pelhin a suksiat loh uh Ammon mite leh Moab mite leh Seir Mual gam mite—

2 KHANG TANGTHU NIHNATE 20:1

Hih thu khit ciangin Moab mite leh Amon mite, leh Meunim mite pawlkhat in Jehoshafat a sim dingin hong kuan uh hi.

2 KUMPI NIHNATE 24:2

Tua ciangin kamsangte ahi ama nasemte tung tawnin a gen Topa’ thugenna bangin Judah a susia dingin ama lang khatah Topa in Khaldea mihonte, Siria mihonte, Moab mihonte leh Ammon mihonte sawl hi.

Thu-hilhkikna 2:19

Ammon mite leitang khat zong na neih dingun hong pia lo ding ka hih manin, Ammon mite’ gamgi na nai uh ciangin amaute gimsak kei un la, amaute tawh kido kei un, bang hang hiam cih leh a neih dingun Lot’ suan leh khakte tungah ka pia ding hi.

Late 83:7

Gabal, Ammon leh Amalek mite, Filistia leh Tai-ar khua-a teeng mite tawh thuciam bawl uh hi.

2 KUMPI NIHNATE 15:16

Tua hun lai takin Menahem in Tappuah leh a sunga teng khempeuh leh Tirzah pana kipan a gam sung teng luh hi; bang hang hiam cih leh amaute in ama adingin a kongpite uh hong lo uh a, tua ahih ciangin amah in luhin, tua sunga om numei naupaai khempeuh phel kham hi.

Jeremiah 25:21

Edom, Moab leh Ammon mite;

2 SAMUEL NIHNA 12:31

Amah in a sunga om mite paikhiatpihin sing-atnate leh tuzumte leh heite tawh na a sem dingin koih a, leisek sekna-ah amaute nasem sak hi; tua bangin Ammon mite’ khuapi khempeuh ah hih hi. Tua ciangin David leh mi khempeuh Jerusalem ah ciah uh hi.

2 KUMPI NIHNATE 8:12

Tua ciangin Hazael in, “Bang hangin ka topa kap na hi hiam?” a ci hi. Amah in dawngin, “Bang hang hiam cih leh Israel mite tungah nangmah in na bawl ding siatna ka thei hi; nangmah in amau’ mun muanhuainate mei tawh na hal ding a, namsau tawh amau’ tangvalte thatin, amau’ naupang neute lei na den’ khap nading a, naupaai amau’ numeite na phelkham ding hi,” a ci hi.

Ezekiel 25:1

Topa in kei kiangah thu hong gen a,

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.