Amos 1:1 - Tedim Bible

¹ Tekoa khua-a teeng tuucingte lakah Amos a kici mi khat om hi. Uzziah in Judah kumpi hi-in, Joash’ tapa Jeroboam in Israel kumpi a sep laitak, zinlin’ ma kumnih hun lai takin, Pasian in Amos tungah hih thute kilangsak hi.

Tedim Bible Revision 2017

¹ Tekoa khua-a a teeng tuucingte lakah Amos a kici mi khat om hi. Uzziah pen Judah kumpi hi-in Joashʼ tapa Jeroboam in Israel kumpi a sep laitak, zinlin ma kum nih hun laitakin Pasian in Amos tungah hih thute kilangsak hi.

Amos 1:1 Referans Kwoze

Zekhariah 14:5

Hinnom kuam sung kivukcip ding a, Judah kumpi Uzziah’ hun lai-a zin lin-a kivukcip mah bang ding hi. Tua ciangin Topa ka Pasian hong pai ding a, a mi siangthote khempeuh hong tonpih ding hi.

Amos 7:14

Amos in Amaziah dawng a, “Keimah in kamsang ka hi kei a, kamsangte’ ta zong ka hi beek kei hi. Keimah in tuucing ka hi a, theiba huan puah tawh a thuah ka hi hi.

Jeremiah 6:1

Benjamin’ suante aw, na suahtak nadingun tai un! Jerusalem khua taisan un! Tikoa khua-ah peengkul mut un la, Bethhakkherim khua-ah theihsakna meikhu suaksak un. Bang hang hiam cih leh leilu lam panin, gimna leh siatna lianpi a hong pai ding hi.

2 KHANG TANGTHU NIHNATE 20:20

Tua ciangin zingsangin amaute tho baihin Tekoa gamlakah paikhia uh hi; amaute a paikhiat lai takin Jehoshafat ding-in, “Judah leh Jerusalem a, teengte aw, ka thugen za un! Topa na Pasian uh um un, tua hi leh note na kip ding uh hi; ama kamsangte um un, tua hi leh na mavang ding uh hi,” a ci hi.

2 KHANG TANGTHU NIHNATE 11:6

Amah in Bethlehem, Etam, Tekoa,

1 KUMPI MASATE 19:19

Tua ahih ciangin tua lai panin amah paikhia a, ama mai-ah bawngtal kap sawm-le-nih tawh lo a kho Shafat’ tapa Elisha mu a, amah a sawm-le-nihna tawh na om hi. Elijah in ama gei nawkin ama tungah a puan lawn hi.

2 SAMUEL NIHNA 14:2

Tua ciangin Joab in Tekoa-ah mi sawlin tua panin numei pil khat la-in ama kiangah, “A thuum mi bangin kineih in la, thuumna puante silh in; nangmah in sathau nilh kei in la, misi hangin ni tampi a thuum khin numei bangin gamta in;

Jeremiah 1:1

Benjamin gam Anathoth khua-a siampi khat ahi, Hilkiah’ tapa Jeremiah thu gente hih bang ahi hi.

Isaiah 1:1

Judah gam kumpite ahi Uzziah, Jotham, Ahaz leh Hezekiahte’ hun lai in, Amoz’ tapa Isaiah in Judah gam leh Jerusalem khua tawh kisai a muh mangmuhnate in:

2 KUMPI NIHNATE 14:23

Judah kumpipa, Joash’ tapa Amaziah’ kum sawm-le-ngana kumin, Israel kumpipa, Jehosh’ tapa Jeroboam in Samaria ah uk ding kipan a, amah in kum sawmli-le-khat sung uk hi.

1 KORIN MASA 1:27

Pasian in lungpilte zumsak nadingin leitung mihaite a teelkhia hi. A thahatte a zumsak nadingin leitungah a thanemte a teelkhia hi.

Micah 1:1

Judah gam kumpi Jotham, Ahaz, leh Hezekiahte’ hun laitakin, Moresheth khuami Mikah tungah Topa in hih bangin thupia hi. Samaria leh Jerusalem tawh kisai-in Topa in Mikah tungah hih thute lak hi.

Hosea 1:1

Judah kumpite Uzziah, Jotham, Ahaz, Hezekiah, leh Israel kumpi Joash’ tapa Jeroboam’ hun lai-in Be-eri’ tapa Hosea tungah Topa in thu na gen hi.

2 KUMPI NIHNATE 14:21

Tua ciangin Judah mite khempeuh in kum sawm-le-guk a pha Uzziah la-in a pa Amaziah’ tangin kumpi-in koih uh hi.

Jeremiah 7:27

“Tua ahih manin Jeremiah aw, hih thute amau kiangah na va gen ding hi; ahih hangin amau in a hong ngai kei ding uh hi. Amaute na sap hangin a hong dawng kei ding uh hi.

Paikhiatna 3:1

Tu-in Moses in Midian siampi ahi, a sungpa Jethro’ tuuhon kem hi; amah in a tuuhon gamlak nisuahna lamah paipih a, Pasian’ mual ahi Horeb tung hi.

Mattiu 4:18

Galile tuili gei lamah a pai lai-in, Piter kici Simon leh Andru te unau, ngabengte ahih uh ciangin tui sungah ngen paai-a om uh a mu hi.

Jeremiah 28:8

Nang leh kei’ ma-a a om, tang lai-a kamsangte in gam tampi leh gam liante tungah gal ahi zongin, kial ahi zongin, pulnatna ahi zongin hong tung ding hi, ci-in a gen khol zo uh hi.