3 JOHAN THUMNA 1:2 - Tedim Bible

² Ka it mi aw, na lungsim a nopsak mah bangin nangmah in na khempeuhah nopsakna leh cidamna na ngah nading thu ka ngen hi.

Tedim Bible Revision 2017

² Ka lawm it Gaias aw, nang na ci damin na vai khempeuh zong na maa pai ding hi, ci-in ka lamen hi. Kha thu tawh kisai lamsang ah zong bangmah lungkhamna om lo ding hi, ci-in ka thei hi.

3 JOHAN THUMNA 1:2 Referans Kwoze

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

1 PETER MASA 4:8

Hihna khempeuh tham loin, note in khat leh khat nakpi-in na ki-it un. Bang hang hiam na cih uh leh, ki-itna in mawhna tampi a seel hi.

2 THESALONIKA NIHNA 1:3

Ute naute aw, na upna uh khang mahmahin, note khempeuh khat leh khat na ki-itna uh zong khang ahih ciangin, kote in hih ding a kilawm bangin note hangin Pasian’ hehpihna ka phat tawntung uh hi.

Filippi 2:4

Nomau noptuamna bek ngaihsun loin, midangte’ noptuam nadingin khat leh khat na kingaihsun un.

Mangmuhna 2:9

“Nangmah in gimna na thuakna, na hau napi-in na zawnna-a kipan Judah mipawl hi lo napi-in ‘Judah mipawl ka hi uh, a kici Satan pawlte in hong kosiatna thute ka thei hi.

Jeim 5:12

Ka u ka naute aw, thu khempeuh tungah kiciamna pha takin na tang un; vantung tawh na kiciam kei un, leitung tawh na kiciam kei un. Bangmah dang tawh na kiciam kei un. Thukhenna tawh na kipelh theih nadingun ah, “Ahi hi,” na cih uh ahi mah hi ta hen; “Ahi kei hi,” na cih uh a hi lo mah hi ta hen.

Filippi 2:27

Amah in si dek takin a gim mahmah hi. Ahih hangin Pasian in amah a hehpih hi. Amah bek ahi kei hi, keima dahna a kibehlap sawnsawn loh nadingin kei zong hong hehpih hi.

2 THESALONIKA NIHNA 2:13

Ahih hangin Pasian in a it ute naute aw, note in Kha Siangtho’ sian’thosakna tawh, thuman thutak na upna uh tawh, gupna na ngah nadingun Pasian in a masa belin note hong teel ahih ciangin kote in hih ding a kilawm bangin, note’ hangin Pasian’ hehpihna ka phat tawntung uh hi.

Mattiu 9:12

Zeisu in a zak ciangin, “Cidamte in zato deih lo uh hi. Cinate bek in a deih uh hi.

3 JOHAN THUMNA 1:1

Upa in a man takin ka it Gaias kong zasak hi.