2 SAMUEL NIHNA 1:2 - Tedim Bible

² a ni thum ni-in, en in, a puan kikeekin a lu tungah lei omin Saul’ giahphual panin mi khat hong pai hi. David kiangah amah hong tun’ ciangin lei lakah pukin zahtakna bawl hi.

Tedim Bible Revision 2017

² A ni thum ni-in, a puan kikekin a lu tungah lei omin Saulʼ giahphual panin mi khat hong pai hi. David kiangah amah hong tun ciangin leilak ah pukin zahtakna a bawl hi.

2 SAMUEL NIHNA 1:2 Referans Kwoze

1 SAMUEL MASA 4:12

Galphual panin Benjamin mi khat hong tai-in a puan kikeek leh a lu tungah lei khu-in Shiloh hong tung hi.

2 SAMUEL NIHNA 4:10

mi khat in kei kiangah, ‘En in, Saul si hi,’ ci-in hong gen ciangin, amah thuhoih puakin kingaihsun a, ama thupuak thaman ka piakna-in amah manin Ziklag-ah ka that hi.

1 SAMUEL MASA 25:23

Abigail in David a muh ciangin kinawh a, la tung panin tuakin David mai-ah maipuk a, lei lakah kun hi.

Joshua 7:6

Tua ciangin Joshua in dahna lim-in ama puante balkeekin nitak mateng Topa thuciamna singkuang mai-ah, amah leh Israel upate boksuk uh hi; amaute in a lu tung uh ah leivui koih uh hi.

Mangmuhna 3:9

En in, ‘Judah mipawl khat ka hi uh,’ a ci zuau thu a gen mipawl ahi, Satan pawlte ahi mite kong pia a, amau in nang khe kiangah bia-in, nang kong it, ci-in amaute ka theisak ding hi.

Mattiu 16:21

Zeisu in Jerusalem khuapi pai dinga upate, siampi liante laitheite khut tungah gimna tampi a thuak khit ciangin, thahna zong thuak ding a; ni thum ni-in a thokik ding hi, ci-in tua huna kipanin a nungzuite kiangah a pulak hi.

Mattiu 12:40

Jonah in ngapi’ gil sungah ni thum a om mah bangin, Mihing Tapa in ni thum lei sungah a om ding hi.

Joel 2:13

Na dah taktakna uh lungkhamna tawh langsak un la, na puan uh a balkeek bek hi kei un,” hong ci hi. Topa, note’ Pasian kiangah ciahkik un. Amah migi-in hehpihna a nei hi a, a lung duai-in hong huh nuam tawntung a, daan hong tat loin hong maisak nuam tawntung hi.

Hosea 6:2

Ni nih sungin eite hong thahatsak ding a, ni thum sungin i ngei hong bangsak ding hi. Tua ciangin amah tawh i kikhawl ding hi.

Late 66:3

Pasian’ tungah hih bang ci un, “Nangma bawlnate bangzah takin dipkuat huai! Na vanglian mahmah ahih manin na mai-ah na galte in nang hong mai-et uh hi.

Esther 5:1

A ni thum ni-in Esther in a kumpi puan silhin kumpipa’ inntual sung nungah ding-in kumpi inn lam nga hi; kumpi inn sung a kumpi tokhom tungah kumpipa tu-in kongpi lam nga hi.

Esther 4:16

“Pai-in Susa khua sunga om Judah mi khempeuh khawm in la, keimah ngaihsutna-in an na tang un; a sun a zan ci loin ni thum sung an ne lo, tui dawn loin na om un. No tan’ mah bangin kei leh ka nasem numeite in zong ka na tang ding uh hi. Tua khit ciangin ngeina ahih loh hangin kumpipa kiangah ka va pai ding hi; ka sih leh zong a si ka hi ding hi,” a ci hi.

2 SAMUEL NIHNA 15:32

Pasian a kibiakna mun mual dawnah David a tun’ ciangin, en in, Arkhi mi Hushai amah dawn dingin a puantungsilh balkeksa leh a lu tungah lei baang tawh hong pai hi.

2 SAMUEL NIHNA 14:4

Tekoa numei kumpipa kiangah a pai ciangin lei-ah mai pukin zahtakna bawl a, “Hong huh in, Aw kumpipa,” a ci hi.

1 SAMUEL MASA 20:41

Naupang a paikhiat khit phetin suangcian pang panin David ding-in lei-ah maipuk a, thumvei kun hi; Jonathan sangin David nakpi takin dahzaw a, amau khat leh khat kinamin, khitui luangin khat leh khat kikah uh hi.

1 SAMUEL MASA 4:16

Mipa in Eli kiangah, “Keimah in galphual panin hong ciahpa ka hi hi; tu ni-in galphual panin kong tai hi,” a ci hi. Tua ciangin amah in, “Ka tapa aw, bangci ahi hiam?” a ci hi.

Piancilna 43:28

Amaute in, “Nangma' nasem ka pa uh dam hi, amah nungta lai hi,” ci uh hi. Amaute in a lu uh kun uh a, zahtakna pia uh hi.

Piancilna 37:34

Tua ciangin Jakob' in ama' puan balkeekin, a kawng-ah puanhampi teng a, a tapa' hangin ni tampi sung kap hi.

Piancilna 37:29

Reuben dum-ah pai kikin dum sungah Josef a om lohna a muh ciangin, amah in a puan balkeek a,

Piancilna 22:4

A ni thum ni ciangin Abraham khuadak to-in a gamla-ah tua mun mu hi.

2 SAMUEL NIHNA 1:3

David in ama kiangah, “Koi panin hong pai na hi hiam?” a ci hi. Tua ciangin amah in ama kiangah, “Israel giahphual panin kong suakta hi,” a ci hi.

Ezekiel 27:30

Nangma hangin nakpi takin kap uh a, a lu uh leivui thehin, vut lakah bual uh hi.

2 SAMUEL NIHNA 13:19

Tua ciangin Tamar in a lu tungah vut koihin ama silh puantualpi bansau balkek hi; tua ciangin a lutungah a khut koihin paikhia a, a pai kawmin a gingin kap hi.

2 SAMUEL NIHNA 24:20

Araunah a khuadak suk ciangin kumpipa leh a nasemte ama lamah hong pai mu hi; Araunah paikhia-in amai lei ngatin kumpipa zahtakna bawl hi.