2 SAMUEL NIHNA 1:11 - Tedim Bible

¹¹ Tua ciangin David in ama puante lenin balkeek hi; amah tawh a om mite khempeuh in tua mah bangin hih uh hi.

Tedim Bible Revision 2017

¹¹ Tua ciangin David in ama puante lenin bal kek a, amah tawh a om mite khempeuh in zong tua bangmahin a hih uh hi.

2 SAMUEL NIHNA 1:11 Referans Kwoze

2 SAMUEL NIHNA 13:31

Tua ciangin kumpipa ding a, a puante balkeekin lei lakah lum hi; a kianga ding a nasemte khempeuh in a puan uh balkek uh hi.

2 SAMUEL NIHNA 3:31

Tua ciangin David in Joab leh amah tawh a om mi khempeuh kiangah, “Na puan uh balkeekin puanham silh un la, Abner’ mai-ah kap un,” a ci hi. Kumpipa David in hankuang zui hi.

Piancilna 37:29

Reuben dum-ah pai kikin dum sungah Josef a om lohna a muh ciangin, amah in a puan balkeek a,

Piancilna 37:34

Tua ciangin Jakob' in ama' puan balkeekin, a kawng-ah puanhampi teng a, a tapa' hangin ni tampi sung kap hi.

ROM (Romans) 12:15

Mi lungdamte tawh kibangin na lungdam khawm un. A kapte tawh na kap khawm un.

Sawltak 14:14

Sawltakpi Paul leh Barnabas-te in a zak uh ciangin a puan balkek uh a, mihonpi lakah tai-in

Joshua 7:6

Tua ciangin Joshua in dahna lim-in ama puante balkeekin nitak mateng Topa thuciamna singkuang mai-ah, amah leh Israel upate boksuk uh hi; amaute in a lu tung uh ah leivui koih uh hi.

Piancilna 44:13

Tua ciangin amaute in a puan uh balkeek-in, a late uh a van suan ciatin, amaute khuapi-ah hong paikik uh hi.

2 SAMUEL NIHNA 13:19

Tua ciangin Tamar in a lu tungah vut koihin ama silh puantualpi bansau balkek hi; tua ciangin a lutungah a khut koihin paikhia a, a pai kawmin a gingin kap hi.

2 KHANG TANGTHU NIHNATE 34:27

hih mun leh a tunga teengte langpan’na ama kammal na zak ciangin na lungsim kisikin Pasian mai-ah na kiniamkhiat a, keima mai-ah nang kiniamkhiatin na puante balkekin ka mai-ah kap na hih manin, kei zong nang kong za hi, Topa in ci hi.

Ezra 9:3

Hih thu ka zak ciangin dah mahmahin ka puante balkekin, ka sam leh ka khamul botin, cih nading thei loin ka om hi.

Esther 4:1

Mordekai in hih thu piang teng a theih ciangin a puan balkekin puanhampi silhin vut kibuak a, nakpi takin kap kawmin khua sungah vak kawikawi hi.

Jeremiah 36:24

Ahih hangin kumpipa ahi zongin hih thute a za khin a nasemte khat beek ahi zongin lau tuan loin, kisikkik lo uh ahih manin a puan uh balkek lo uh hi.

Joel 2:13

Na dah taktakna uh lungkhamna tawh langsak un la, na puan uh a balkeek bek hi kei un,” hong ci hi. Topa, note’ Pasian kiangah ciahkik un. Amah migi-in hehpihna a nei hi a, a lung duai-in hong huh nuam tawntung a, daan hong tat loin hong maisak nuam tawntung hi.

2 KUMPI NIHNATE 5:7

Israel kumpipa in a laikhak a sim ciangin amah in a puante balkekin, “Mi khat a phakna damsak dingin hih mipa in kei tungah hih thu hong puak nadingin a that ding leh a nungtasak dingin keimah in Pasian ka hi hiam? Ngaihsun dih un la, kei tawh kitot nading a zon’na thei un,” a ci hi.