2 SAMUEL NIHNA 1:10 - Tedim Bible

¹⁰ Tua ahih ciangin ama pangah dingin amah ka that hi; bang hang hiam cih leh amah a tuk khit ciangin nungta lo taktak ding hi, ci-in ka thei hi; tua ciangin a lu tungah a om kumpi lukhu leh a baan tungah a om a banbulh kong la a, tuate hih lai ka topa kiangah kong paipih hi,” a ci hi.

Tedim Bible Revision 2017

¹⁰ Tua ahih ciangin ama pangah dingin amah ka that hi; bang hang hiam cih leh amah a tuk khit ciangin nungta zo lo taktak ding hi, ci-in ka thei hi. Tua ciangin a lu tungah a om kumpi lukhu le a ban tungah a om a banbulh kong la a, tuate hih lai ka topa kiangah kong paipih hi,” a ci hi.

2 SAMUEL NIHNA 1:10 Referans Kwoze

Mattiu 7:2

Bang hang hiam na cih uh leh, midangte tungah na khen uh bangin note in thukhenna na thuak ding uh hi. Midangte na piakna uh seeng bangin no zong seengin hong kipia kik ding hi.

Thukhente 9:54

Tua ciangin Abimelek in ama hiam a tawisak tangvalpa nawh sapin ama kiangah, “Na namsau dok in la kei hong that in, tua hi kei leh mite in, ‘Numei khat in, amah that hi,’ hong ci kha ding uh hi,” a ci hi. A tangvalpa in amah sun letin amah si hi.

2 KUMPI NIHNATE 11:12

Tua ciangin amah in kumpipa’ tapa paikhiatpihin, ama tungah kumpi lukhu koih a, tecipan’na amah pia hi; tua ciangin amaute in amah kumpi hi, ci-in tangko-in amah sathau nilh uh hi; tua ciangin amaute in a khut uh bengin, “Kumpipa khan’ sau hen!” a ci uh hi.

Kah la 5:16

Kisak theih nading bang mah om nawn lo-a, mawh i hih manin gimna i thuak hi.

2 SAMUEL NIHNA 12:30

Tua ciangin amah in amau’ kumpipa’ kumpilukhu a lu tung panin la hi; kumpilukhu a gihna in kham talen khat hi a, a sungah suangmanpha khat om hi; tua lukhu David’ lu tungah kikoih hi. Tua ciangin amah in khuapi sunga van kinusiate, tampi tak paikhiatpih hi.

1 SAMUEL MASA 22:18

Tua ciangin kumpipa in Doeg kiangah, “Kihei in la siampite hih in,” a ci hi. Edom mi Doeg kihei-in siampite hih a, tua ni-in saiha dial siampi puan a silh mihing sawmgiat leh nga that hi.

Thukhente 1:7

Tua ciangin Adonibezek in, “A khutpite leh a khepi a ki-attan kumpi sawmsagihte in ka sabuai nuai-ah anneng kia tawm ngei uh hi; ka gamtatnasa bangin Pasian in kei hong thuk hi,” a ci hi. Tua ciangin amaute in Jerusalem-ah amah paipih uh a, tua mun-ah amah si hi.

2 SAMUEL NIHNA 1:9

Amah in kei kiangah, ‘Ka pangah ding in la, kei hong that in; bang hang hiam cih leh gimna ka thuak a, ahi zongin ka naang lai hi,’ hong ci hi.

2 SAMUEL NIHNA 1:16

Tua ciangin David in ama kiangah, “Nangma mawhna nangma lu tungah tung ta hen; bang hang hiam cih leh nangma kam in nang lang khatah teci pangin, ‘Topa’ sathau nilhpa ka that khin hi,’ na ci hi,” a ci hi.