2 PETER NIHNA 3:9 - Tedim Bible

⁹ Mi kim khat in zekai-a a ciamteh theih uh bangin Pasian in a thuciamna-ah a zekai kei hi. Kuamah kisia loin, mi khempeuhte in kisikkikna a ngah nadingun deihin, amah in note hong thuak hi.

Tedim Bible Revision 2017

⁹ Mi pawl khatteʼ ngaihsut bangin Topa in a kamciamna a hong tungsak hak hi zenzen lo hi. Note khat beek in siatna na thuakkhak ding uh deih loin na vekpi-un na kisik ding uh deih ahih manin hong pai nai lohna pen note hong khualna hizaw hi.

2 PETER NIHNA 3:9 Referans Kwoze

1 TIMOTI MASA 2:4

Tua Pasian in mi khempeuh in gupna ngahin, thuman thutak a theih nading a deih hi.

ROM (Romans) 2:4

Pasian’ hehpihna thupha in nang kisikna lamah hong zol ciamteh loin na om lai takin, a kicing hehpihna leh lungduaina leh itnate don lo na hi hiam?

Habakkuk 2:3

Hih thu a tun’ nading hun hi pah nai lo ahih manin, lai-in ciamteh in. Ahi zongin hong tung baih ta ding a, kong lah khempeuh a manin hong tung ding hi. A tung hak tawh a kibang kha ahi zongin ngak keikai in. Ka seh hun a cin’ ciangin hong tung takpi ding a, hong zekai lua nawn lo ding hi.

Late 86:15

Ahih hangin Topa aw, nangmah in a hehpih thei, a dik Pasian na hi a, heh hak-in, itna kip leh thumanna tawh a kidim na hi hi.

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

Mangmuhna 2:21

Tua numei a kisikkik nading hun ka hehpih zawh hangin, amah in a gitloh gamtatna a kisik nuam kei hi.

2 PETER NIHNA 3:15

I it i sanggampa Paul in a ngah lungpilna bangin no kiangah gelhin hong piak lai ahi zongin, ama thuhilhna lai khempeuh ah ahi zongin, hih nate tawh kizomin a gelh mah bangin i Topa’ thuakna in gupna thu ahi ci-in na ciamteh un.

1 TIMOTI MASA 1:16

Ahih hangin nuntak tawntungna ngah ding, a nung ciangin a um ding mite’ zuih ding lim ka hih nadingin mawhna a lianbel a nei keima tungah, Khazih in ama thuakzawhna lungsim khempeuh hong lah nadingin kei hong hehpih zo hi.

Hebru 10:37

“Bang hang hiam na cih uh leh, A hong pai dingpa in khawl loin, Tawlno khat khit ciangin a hong tung ding hi.

Paikhiatna 34:6

Ama' mai-ah Topa pai-in, “Topa, Topa, hehpihna nei-in a dik Pasian, lungduai-in itna kip leh thutakna tawh a dim,

ROM (Romans) 9:22

Pasian in ama hehna hong lak a, a vangliatna a kitheihsak nading a deih maninah a kisia ding a bawlsa, hehna a thuak beelte a lungneemna tawh a thuak leh, bang gen ding a om lai hiam?

Isaiah 46:13

Ka dikna kong tungsak ta a, gamla nawn lo hi; ka hotkhiatna zekai lo ding hi; keima minthan’na ahi Israel adingin, Jerusalem ka honkhia ding hi.”

Paikhiatna 18:23

Hih bangin hih lecin Pasian in thahatna hong pia ding a, nangmah in na sem paisuak zo ding hi; tua tham loin hih mite khempeuh zong amau' omna-ah lungnuam takin ciah thei ding uh hi,” a ci hi.

1 PETER MASA 3:20

Tua khate in nidang lai-inah Noah a khan’ lai-in tawmkhat ahi, mi giatte tui tawh a gup nading teembaw a bawl lai takun, Pasian in thuakin a ngak lai takin, thu a ngai lo khate ahi uh hi.

Paikhiatna 32:32

Ahih hangin tu-in nangmah in amau' khialhna maisak in; tua ahih kei leh, hong thum ing, nangma' gelhsa laibu panin keimah hong phiat in,” a ci hi.

Paikhiatna 33:11

Tua bangin, mi khat in a lawmpa a hopih bangin maitang kituahin Topa in Moses hopih zel hi. Giahphual-ah Moses a ciahkik ciangin, Nun’ tapa, ama' nasem tangval Joshua, puanbuk panin hong ciahkik lo hi.

Late 77:8

Ama itna kip bei paisuak ding ahi hiam? Ama thuciamte a bei paisuak ding ahi hiam?

Thuhilh-sia 8:11

A mawhte kidaantat pahpah lo ahih manin, mihingte in khialh ding haksa sa lo uh hi.

Ezekiel 33:11

Amaute kiangah hih bangin gen in: Keimah in a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deihna hi zaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Daniel 4:29

Tua zawh khasawm leh khanih khit ciangin kumpipa in Babilon khua kumpi innkhum zang huan sungah vak a,

ROM (Romans) 13:11

Tua tham loin, eite hong gupna in eite upna ni tawh a nai sangin, tu-in hong naizaw ahih ciangin note in ihmutna pana khan’lawh nading hun hong tung zo hi ci-in na thei un.

ROM (Romans) 13:12

Zan a bei dektak hi, sun hong nai zo hi. Tua ahih ciangin khuamial gamtatna paaikhia-in khuavak galnan’na silh ni.

2 PETER NIHNA 1:4

Tuate hangin zong a manpha a lian mahmah thuciamnate eite hong pia zo hi. Bang hang hiam na cih uh leh, hih thuciamnate suangin deihgawhna hangin hih leitungah a om kisiat gawpna tawh note in kipelhin, Pasian’ nuntakna tawh kizom mi na suah nading uh ahi hi.