2 PETER NIHNA 3:2 - Tedim Bible

² Note in a siangtho kamsangte in nidang lai-inah a gensa thute ahi zongin, note sawltakte tungah hong piak Topa leh Honpa’ thupiakna ahi zongin, na ngaihsut nadingun, hih laikhak nihna sungah note lungsim siangtho uh hong phawksakin ka hong hansuah hi.

Tedim Bible Revision 2017

² Tanglai pek a kamsang siangthoteʼ thugen kholhte le note lakah sawltak na a semte in Topa le Honpaʼ thupiakte a hong gen sawn uh thute na phawkkik ding uh ka deih hi.

2 PETER NIHNA 3:2 Referans Kwoze

Juda 1:17

Ka itte aw, note na hih uh leh, i Topa Zeisu Khazih’ sawltakte in a masa-in a genkholh thute na phawk un.

2 PETER NIHNA 2:21

Dikna thu lampi a theih khit uh ciangin thukham siangtho a paaikhia kik sangin tua lampi thei loin a om uh leh, amau ading a pha zaw hi.

Luka 1:70

Eite in i galte’ khut sung pan i kikhahkhiat khit ciangin, Ama mai-ah i khan’ tawntung sian’thona leh thumanna in,

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

Mangmuhna 19:10

kei in tua vantungmi’ khe kiangah bokin bia dingin ka kisak leh, amah in, “Kei hong bia kei in! Kei in nang tawh ahi zongin, Zeisu’ teci pan’na a sang na sanggamte tawh ahi zongin sila ka hi khawm hi, Pasian bia in! Bang hang hiam na cih leh, Zeisu’ teci pan’na thu in kamsangte lungsim ahi hi,” ci-in kei kiangah hong gen hi.

Efesa 2:20

Bang hang hiam na cih uh leh, sawltakte-a kipan kamsangte ahi, khuam tungah note in zomin a kilam mi na hi uh hi. Khazih in tua innkiunuai suang ahi hi.

Sawltak 28:23

Kimuh nading ni a seh uh ciangin mi tampite in Paul’ omna-ah hong pai uh a, Paul in Pasian’ Gam thu teci pang a, tuate in Zeisu thu a up nadingun Moses’ Thukham lai leh Pasian’ kamsangte lai paulamin thu hilhin, zingsang akipan nitum dongin a zol hi.

Sawltak 10:43

Amah a um mi khempeuh in ama min hangin mawhna maisakna a ngah ding hi ci-in Pasian’ kamsangte khempeuh in teci a pang zo uh hi,” ci-in thu a hilh hi.

Sawltak 3:21

Tanglai panin ama kamsang siangthote’ kam uh tawh a genkholh mah bangin na khempeuh a bawl thak kik hun matengin, vantung in Zeisu a sang ding hi.

Sawltak 3:18

Amah Khazih in gimna a thuak ding hi ci-in Pasian in kamsang khempeuhte’ kam tawh a genkholh bangin a tungsak khin zo hi.

Luka 24:27

Moses leh kamsangte khempeuh pan akipan, Lai Siangtho sungah amah a cihnopna thute tel takin a hilh hi.

1 JOHAN MASA 4:6

Eite i hih leh, Pasian tawh i kipawl hi. Pasian a thei mite in eite thu a thei uh hi. Pasian tawh a kipawl lo mi in eite thu a ngai thei kei uh hi. Tua bangin thuman thutak kha leh zuau kha eite in i thei thei hi.

2 PETER NIHNA 3:15

I it i sanggampa Paul in a ngah lungpilna bangin no kiangah gelhin hong piak lai ahi zongin, ama thuhilhna lai khempeuh ah ahi zongin, hih nate tawh kizomin a gelh mah bangin i Topa’ thuakna in gupna thu ahi ci-in na ciamteh un.

Galati 6:2

Van puak ding a omte khat leh khat kihuhin na pua un la, Khazih’ thukham na zui un.

Efesa 3:5

Tua thuthukte in a siangtho sawltakte leh Pasian’ kamsangte kiangah tu lai taka Kha Siangtho hangin a kilat mah bangin, nidang lai-inah mihingte kiangah a kilang ngei kei hi.

2 PETER NIHNA 3:16

Tua laite sungah a tel hak thu zong a om hi. A siam lo mi, a kip lo mite in tua thute-a kipan a om lai Lai Siangtho khiatna lumletin amau pumpi uh a siasak uh hi.