2 PETER NIHNA 3:1 - Tedim Bible

¹ Ka itte aw, hih nih veina lai kong gelh hi.

Tedim Bible Revision 2017

¹ Ka itte aw, hih ka hong laigelh a nih veina hi a, lungsim siangtak tawh thu na ngaihsut phatkik theih nadingun a nih vei mahin ka hong phawksakkik hi.

2 PETER NIHNA 3:1 Referans Kwoze

2 TIMOTI NIHNA 1:6

Tua ahih ciangin nangma tungah ka khut ngakna tawh, nang, Pasian in hong piak letsong thupha na kuan’sak det nadingin kei in ka hong phawksak hi.

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

1 TIMOTI MASA 5:22

Thu ngaihsun masa loin kuama tungah a manlangin khutngakna nei kei in. Midangte mawhna tawh na kikum kei in, nangma nuntakna siangtho sak in.

Mattiu 5:8

“Lungsim siangthote in thupha a ngah ding uh hi. Bang hang hiam na cih uh leh, amau in Pasian a mu ding uh hi.”

Late 73:1

A lungsim sung a siangtho, thutangte tungah Pasian hoih takpi hi.

Late 24:4

Khut siangtho leh lung siangtho a nei, a man lo-ah a nuntakna pia loin, khemna tawh a kiciam lo mite ahi hi.

2 KORIN NIHNA 13:2

Khat vei kong tun’ ciangin ka hong dawm kei ding hi ci-in a masa-a mawh neite-a kipan a om lai mite khempeuh kiangah nidang a, ka gen tham loin, tu-in zong no tawh ka omkhawm loh hangin, nih veina-a omkhawm lai mah bangin khat vei kong genkhol hi.

Hebru 6:9

Ka itte aw, tua bang ka cih hangin note in gupna tawh kipawl na leh a hoihzaw nate tawh na kizom uh ci-in kote in ka lungkim uh hi.

1 PETER MASA 2:11

Ka itte aw, kha tawh a kido thei pumpi tawh kipawl deihgawhnate khempeuh na tan’ nadingun, khualzinte, mi peemte bang ahi note ka hong thuum hi.

2 PETER NIHNA 3:8

Ahih hangin ka itte aw, Pasian ading ni khat in kum tul khat bang ahi zongin, kum tul khat in ni khat bang ahi zongin, hih thu khat na mangngilh kei un.

2 PETER NIHNA 3:14

Tua ahih ciangin ka itte aw, note in hih nate lamenin na om uh ahih ciangin, ama mai-ah mawhsakna om lo, ninna tawh kinuh loin nuam takin na om nadingun na hahkat un.

2 PETER NIHNA 3:17

Tua ahih ciangin ka itte aw, mi gilote khialhna note in zui-in note lungkipna uh pan na puk loh nadingun, tua nate thei khol na hih ciangun na kikem un.

Juda 1:5

Note in na khempeuh thakhatin na theih uh hangin note ka hong phawksak nop thu in: Topa in Izipt gam sung mi pawlkhat a gupkhiat khit ciangin, a nung nihveina ah a um lo mite a siasak hi.