2 PETER NIHNA 2:8 - Tedim Bible

⁸ Tua midik pa in amaute lakah a omkhawm lai takin, amaute’ gitloh gamtatna ni simin a mit tawh mu-in, a bil tawh za ahih manin ama dikna lungsim nakpi-in a buai hi.

Tedim Bible Revision 2017

⁸ Tua mihoih pa, amaute lakah teeng a, nisimin amauteʼ gamtat hoih lohnate za-in mu tawntung ahih manin lunggim mahmah hi.

2 PETER NIHNA 2:8 Referans Kwoze

Late 119:158

Thuman lo mite enin ka kih hi, bang hang hiam cih leh amaute in nangma thupiaknate zui lo uh hi.

Ezekiel 9:4

“Jerusalem khua sung khempeuh ah pai kawikawi in la, hih khuapi sungah a muhdahhuai gamtatnate a kisepna hangin dahin a lungkham mi khempeuhte’ taltang-ah ciamtehna va bawl in,” ci-in sawl hi.

Late 119:136

Mite in nangma thu zui lo ahih manin ka khitui hawk luan’in a luang hi.

Paunak 25:26

Mihoih khat in mihoih lote’ gamtatna a zuih khak ciangin, hawktui nin, ahih kei leh tui uih tawh kibang hi.

Jeim 5:16

Tua ahih ciangin khat leh khat na mawhna uh kipulaakin, na cidam nadingun khat leh khat ading thu na kingetsak un. Midik’ thungetna in nakpi vanglianin muibun mahmah hi.

Paunak 28:12

Mihoihte in vangliatna a ngah ciangin, mi khempeuh lungdam uh a, migilote a liat ciangin, adangte in gimna thuak uh hi.

Late 119:139

Ka galte in nangma thu kin lo uh ahih manin, ka hehna mei bangin a kuang hi.

Ezekiel 9:6

Puteek, nungak tangval, numei naupang dong takin va that un la, ahi zongin a taltangah ciamtehna a nei peuhmah su kei un. Hih ka biakinn mahmah panin kipan pah un,” a cihna ka za hi. Tua ahih manin tua biakinn sunga ding Israel makaite, kipatna in nei pah uh hi.

Piancilna 13:13

Tu-in Sodom mite mi gilo uh a, Topa’ tungah nakpi tak-a a khialte ahi uh hi.

Hebru 11:4

Abel in Kain’ biakna sangin a hoihzaw biakna, upna tawh Pasian a bia hi. Tua ahih ciangin dik hi ci-in teci pan’na a ngah hi. Bang hang hiam na cih uh leh, ama piaknate Pasian in a sang hi. Tua ahih ciangin Abel in a si napi-in a upna hangin thu a hilh lai hi.