2 PETER NIHNA 2:4 - Tedim Bible

⁴ Bang hang hiam na cih uh leh, Pasian in a khial vantungmite pammaih sa loin, hel khua sungah a khiat khit ciangin thukhen Ni dongin khuamial khuk sungah a khum hi.

Tedim Bible Revision 2017

⁴ Bang hang hiam cih leh vantung mite nangawn in khialhna a neih ciangin Pasian in khah khong loin hell khuk sungah khia a, Thukhen Ni hun dong ngakin khuamial sungah kol bulh sa-in a omsak hi.

2 PETER NIHNA 2:4 Referans Kwoze

Juda 1:6

Amau thu ngahna uh kem lo uh a, amau omna uh pan a paikhia vantungmite zong ni lian Ni-a thukhenna dongin khuamial sungah a tawntungin hencipin a khum hi.

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

ROM (Romans) 8:32

Ama Tapa khat bek haza lo a, eite khempeuh ading a piapa in man ngen loin nate khempeuh ama Ta tawh hong pia khawm loin a om ding hiam?

Isaiah 14:12

Nang Khuavak’ ta, Zingsol, Babilon kumpipa aw, vantung panin nang bangci kiat na hi hiam! Minamte a niam koihpa ahi nangmah lei lak dongah hong bangci kiphukpai ahi hiam!

Mangmuhna 20:10

Amaute a kheem Dawimangpa in zong sahang leh thuzuau hilh kamsangte omna kat meiphual sungah khiatsukna thuakin, amaute in sun tawh zan tawh a tawntungin bawlsiatna a thuak ding uh hi.

Ezekiel 7:4

Note kong zah kei ding a, zong kong khasiat kei ding hi. A muhdahhuai na gamtatnasa uh tawh kizui-in daan kong tat ding a, tua ciangin Topa ka hih lamtak na thei ding uh hi,” hong ci hi.

Luka 10:18

Zeisu in, “Satan in khuaphia bangin vantung pan hong kiasuk ke’n ka mu zo hi.

Ezekiel 5:11

Tua ahih ciangin Topa Pasian ahi keimah in a nungta ka hih mah bangin, note in siatna nam khempeuh leh a muhdahhuai gamtatna tawh ka biakinn ninsak na hih manun cikze het loin note kong sukmang taak kei leh, ci-in ka kiciam hi.

JOB (Job) 4:18

Pasian in ama nasemte mahmah muang zo loin, a sawltakte a mawhna mu ahih leh,

1 JOHAN MASA 3:8

Mawhna a bawl mi in Dawimangpa tawh a kipawl hi. Bang hang hiam na cih uh leh, a cil panin Dawimangpa in mawhna a bawl zo hi. Dawimangpa’ bawl nate a siasak dingin Pasian’ Tapa hong kilang zo hi.

2 PETER NIHNA 2:11

Vantungmite in ahih uh leh, amaute sangin a hat zawk, a vangliat zawk uh hangin Pasian mai-ah amaute in kosiatna mawhsakna a bawl kei uh hi.

2 PETER NIHNA 2:5

Tang lai leitung zong pammaihsa loin, dikna thu a hilh Noah leh mi sagihte keem a, Pasian bia lote leitungah tuicin a tumsak hi.

Luka 8:31

A thuk leinuai-ah pai nading thu a piak loh nadingin dawite in a thuum uh hi.

Johan 8:44

Note in na pa uh dawimangpa’ suan na hi uh hi. A gilo na pa uh deihna bangin na gamta nuam uh hi. Amah in a cil panin mi thatpa hi a, thumanna nei lo ahih ciangin thuman thutak sungah a kip kei ding hi. Amah in thuzuau a gen ciangin ama thu a gen hi. Bang hang hiam na cih uh leh, amah in zuauthu gen leh thuzuaupa lah ahi hi.

Marka 5:7

“A sang bel Pasian’ Tapa Zeisu aw, nang tawh bang kikum i hi hiam? Kei nong bawlsiat loh nadingin, Pasian’ min tawh thu kong pia hi!” ci-in nakpi-in a kiko hi.

Mattiu 8:29

“Pasian’ Tapa aw, kote in nang tawh bang kikum i hi hiam? A hun hong tung nai lopi-in kote susia ding hong pai na hi hiam?” ci-in a kiko uh hi.

Juda 1:13

amau zumna thu a phuansak tui kilok gilo bang ahi zongin, khuamial pha mahmah a tawntungin amaute ading a kikoih khol a, a om aksi leeng bang ahi zongin a suak uh hi.

2 PETER NIHNA 2:9

Tua ahih ciangin Topa in Pasian a biate ze-etna sung pan gumkhia ding ahi zongin,

Ezekiel 7:9

Note kong zah kei ding a, zong kong khasiat kei ding hi. A muhdahhuai na gamtatnasate uh hangin daan a hong pia ding ka hi hi. Tua ciangin Topa ka hihna leh note a hong daantatpa ka hihna na thei ding uh hi.

JOB (Job) 21:30

Pasian hehin daan a piak ciangin, migilote peng tawntung zawsop hi.

Thu-hilhkikna 29:20

Topa in amah maisak lo ding a, Topa’ hehna tawh hazatna meikhu tua mipa’ lang khatah khu zawin, hih laibu sunga kigelh samsiatnate ama tungah tung ding a, Topa in vantung nuai panin ama min phiat ding hi.

ROM (Romans) 11:21

Bang hang hiam na cih leh, Pasian in a hiang taktakte pammaih a sak kei leh, nangmah zong pammaih hong sa ding ahi kei hi.

Late 78:50

Amah in, a sin sona ip lo a, kuamah hin’ khawilo a, pulnatna tawh amaute sisak hi.