2 PETER NIHNA 2:2 - Tedim Bible

² Amau kihhuai gamtatnate mi tampi in mangin, thuman thutak lampi kosiatna a thuaksak ding uh hi.

Tedim Bible Revision 2017

² Tua bang hi napi-in mi tampi tak in amauʼ gamtat hoih lohna zui ding uh a, tua bangin amau gamtatna hangin mite in thuman lampi gensia ding uh hi.

2 PETER NIHNA 2:2 Referans Kwoze

ROM (Romans) 2:24

Bang hang hiam na cih leh, Lai Siangtho sungah a kigelh mah bangin, nangmah hangin Gentailte lakah Pasian’ min kigensia hi.

Juda 1:10

Tua mite in ahih uh leh, amau theih loh na peuhpeuh a kosia uh hi. A ngaihsun thei lo ganhingte bangin ngeina bangin a theihtheih nate uh hangin, amau pumpi uh a siasak uh hi.

Mangmuhna 13:14

Sahang mai-ah amah lah theih ding a ngah nalamdangte hangin amah in leitungah a om mite kheemin, tem satna ma a om, a nungta sahang’ milim khatpeuh peuh bawlsak in ci-in leitungah a om mite kiangah a cih khit ciangin,

Juda 1:15

Pasian’ thu a deih lo mi khempeuh in Pasian deih loh a bawlna uh na khempeuh akipan Pasian’ thu a deih loh uh mawhna a neite in, Topa tungah gensiatna kam khempeuh a kilangsak ding ahi zongin, Topa in a kisim zo lo misiangthote tawh hong paikhawm ding hi,” ci-in a genkhol hi.

2 PETER NIHNA 2:15

Amaute in thuman thutak lam pan pialin, a mangthang uh a, Beora’ tapa Balaam’ lampi a zui uh hi. Tua Balaam in a hoih lo gamtatna thaman deihgawh a,

1 PETER MASA 2:12

Gentailte in gitlohna a bawl mite ci-in note hong kosiat uh hangin Pasian in hong en a, thu a khen ni ciangin na gamtatna uh a pha amaute in a muh uh ciangin Pasian’ min a phat nadingun, amaute mai-ah a kilawm a kituakin na gamta un.

Titu 2:8

Tua bang na hih leh, lang khatah a om mi in eite hong gensiat nading thu ngah loin a maizum ding hi.

Sawltak 24:14

Ahih hangin amaute in biakna pawl tuam a cih uh Lampi thu bangin ka pute ka pate’ Pasian ka bia hi ci-in kong pulak hi. Thukham lai leh Pasian’ kamsangte’ Lai Siangtho sungah a kigelh khempeuhte ka um hi.

Sawltak 16:17

Tua nungak in Paul leh komau hong zui a, “Hih mite in gupna Lampi eite hong hilh, Sang Pen Pasian’ nasemte ahi uh hi,” ci-in a kiko hi.

Mattiu 24:24

Bang hang hiam na cih uh leh, zuauthu gen kamsangte leh Khazih zuautheite hong piang ding uh a, a teelsate nangawn a khem zawh leh a khem nadingun, lim leh nalamdang a liante hong lak ding uh hi.

Mangmuhna 12:9

Leitung khempeuh a kheem Dawimangpa, Satan kici tang lai gulpi pen ama nungzuite tawh leitungah a kikhiasuk hi.

2 PETER NIHNA 2:21

Dikna thu lampi a theih khit uh ciangin thukham siangtho a paaikhia kik sangin tua lampi thei loin a om uh leh, amau ading a pha zaw hi.

Titu 2:5

a khuaval zulhtat loh ding, mi siangtho hi ding, a inn sung khempeuh a keem ding, migi ding, a pasal’ ukna a mang ding, thu a hilh theih nadingun na hilh in.

1 TIMOTI MASA 5:14

Tua ahih ciangin a khangno meigongnute in pasal a neih nading, ta zong a neih nading, a inn sung a uk nading, i galte in hong gensiat theih loh nading ahih nadingun ka deih hi.

Sawltak 19:9

Mi kimkhat in lungkhauh a, um loin a om uh a, Lampi thu mite mai-ah a kosia uh ahih ciangin Paul in amaute kiang pan paikhia a, nungzuite atuamin a khen khit ciangin Tirannas laihilhna sanginn ah ni simin thu a kikum uh hi.

Sawltak 18:26

Amah in kikhopna inn sungah lau loin thu a hilh hi. Prisilla leh Akuila in ama thu a zak uh ciangin, a sam uh a, Pasian’ ngeina thu a tel zaw-in a hilh uh hi.

Sawltak 14:2

Thu-um lo Judah mite in unaute a huat bawlna dingun Gentailte a hansuah uh hi.

Sawltak 13:10

“Thuzuaute leh kheemna pawl khempeuh tawh a dim, dawimangpa’ ta, thuman thutak’ gal aw, Pasian’ Lampi tang siasak dingin tawp lo ding na hi hiam?

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Marka 13:22

Bang hang hiam na cih uh leh, kamsang zuautheite leh Khazih zuautheite hong piang ding uh a, a teelsate nangawn a kheem zawh leh, a kheem nadingun lim leh nalamdang a lian hong lak ding uh hi. Na kikeem ta un.

Marka 12:14

Tuate in ama kiang a tun’ uh ciangin, “Sia aw, nang thutak genpa na hi hi. Kuamah na kihta kei a, mi maitang zahtak loin Pasian lam thu a tang takin na hilh cih ka thei uh hi. Kaisar kumpipa siah piak tuak ahi hiam, piak tuak lo ahi hiam?

Mattiu 22:16

amau’ nungzuite leh Herod’ nungzuite, Zeisu kiangah sawlin, “Sia aw, nang in thutak genpa na hi hi. Kuamah na kihta kei a, mi maitang zahtak loin Pasian thu a tangtakin na hilh cih ka thei uh hi.

Mattiu 7:14

Bang hang hiam na cih uh leh, nuntakna mun tun’ nading kong kawciik a, lam neu a, mi tawmcik a lut uh hi.”

Late 18:21

Bang hang hiam cih leh Topa’ lampite ka tawn khin a, ka Pasian kiang panin gitlohna tawh ka paikhia kei hi.

Mangmuhna 13:8

Leitung a cil panin thahna a thuak khin Tuuno’ nuntakna laibu sungah a min uh a kigelh lo leitung mi khempeuh in sahang a bia ding uh hi.

2 PETER NIHNA 2:12

Hih mite ahih uh leh, ngaihsut pilna nei lo ganhingte bangin ahi uh a, siatna a thuak ganhingte taktak bangin amaute in a theih tel loh uh nate kosia-in, a siatsak uh hangin, kisiatna a man takin tungin,

Jeremiah 6:16

Topa in mite tungah, “Lamka bomah ding un la, khuadak un. Lam hoih ahi, lampi luite dong un la, tawn un. Na kha uh ading tawldamna na mu ding uh hi,” a ci hi. Ahih hangin amau in, “Ka tawn kei ding uh hi,” a ci uh hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi; a siang lo mite in tua tung tawn ngei lo ding a, mi haite in tua lam a zui mite khialsak nawn lo ding hi.

Piancilna 19:5

amaute in Lot sam a, “Tu nitak-a nang’ kianga hong tung mite koi-ah om ahi hiam? Amau’ taw ka luk theih nadingun ko kiangah amaute hong paikhiatpih in,” ci uh hi.

Sawltak 22:4

Hih lampi a zui numei leh pasal henin, thong sungah khumin, a sih dongin ka bawlsia hi.

2 PETER NIHNA 2:7

Tua lai takin mi gilote’ kihhuai gamtatna hangin bawlsiatna a thuak, midik Lot a gumkhia hi.

2 PETER NIHNA 2:18

Bang hang hiam na cih uh leh, khialhna ahih thei mite sung pan a taisuak dek takte tungah kisaktheihna kam mawkna genin pumpi deihna lunggulh luatna tawh, mawhna-ah a zol thei uh hi.

Juda 1:4

Bang hang hiam na cih uh leh, eite Pasian’ hehpihna thupha in kihhuai tat nopna suaksakin, eite hong uk khat bek ahi Topa Zeisu Khazih nialin, Pasian’ thu a deih lo mite in hih thutanna thuak dingin tanglai pek a, a kiciamtehsa mi kimkhat in note’ lakah hong lutsim uh hi.

Juda 1:7

Tua mah bangin Sodom leh Gomorrah khuapi akipan a kimkot ah a om khuapite zong tua mite bangin a kihhuai noptatna ah gamta-in, a man lo pumpi’ deihna lungsim zui uh ahih maninah, meikuang tawntung daan thuakin, thu hilhkholh nading lim ahihna uh a kilang hi.