2 PETER NIHNA 2:12 - Tedim Bible

¹² Hih mite ahih uh leh, ngaihsut pilna nei lo ganhingte bangin ahi uh a, siatna a thuak ganhingte taktak bangin amaute in a theih tel loh uh nate kosia-in, a siatsak uh hangin, kisiatna a man takin tungin,

Tedim Bible Revision 2017

¹² Ahi zongin mat ding le thah dingin a piang gamlak ganhing gilote bangin a pianpih lungsim uh zui-in gamta uh a, a theih loh uh thute a gen sia uh hi. Tua ganhingte mah bangin amaute kisusia dinga,

2 PETER NIHNA 2:12 Referans Kwoze

Juda 1:10

Tua mite in ahih uh leh, amau theih loh na peuhpeuh a kosia uh hi. A ngaihsun thei lo ganhingte bangin ngeina bangin a theihtheih nate uh hangin, amau pumpi uh a siasak uh hi.

Jeremiah 12:3

Ahih hangin Topa aw, nangmah in kei nong thei a, ka gamtatnate nong mu a, nang bang zah-a hong it cih nong entel hi. Amaute gawh dinga kikoih tuu bangin kaikhia in la, a kigawh ni a tun’ mateng tuam koih in.

2 PETER NIHNA 2:19

Amaute pumpi uh kisiatna’ sila ahi napi-in, “Suahtakna ka hong pia ding uh hi,” a ci uh hi. Bang hang hiam na cih uh leh, mi a zo thei na in tua mi’ topa ahi hi.

Galati 6:8

Ama pumpi ading khaici a vawh mi in ama ci-le-sa hangah muatna a at ding hi. Kha Siangtho hangah khaici a vawh mi in Kha Saingtho hangah nuntak tawntungna a at ding hi.

Late 92:6

Migilote lopa bangin selkhia-in, siatna bawl khempeuh a pun’ hangin, amaute pen a tawntungin siatna a thuak ding ahi uh hi; ahih hangin, Topa aw, nang pen asangna-ah a om tawntung na hihna thu, lungsim mawl mi in theithei lo a, lungsim tei lo mi in tel thei lo hi.

Jeremiah 10:21

Bang hang hiam cih leh makaite hai khin uh a, Topa’ deihna dong lo uh hi; tua hangin amaute maapai lo uh a, a mite uh kikhenthang mang hi.

Jeremiah 10:8

A mi pilte uh mihai mimawl ahi uh hi; sing milim in amaute bangci hilh theih mah ding ahi hiam?

Jeremiah 4:22

Topa in, “Ka mite hai uh a, kei hong thei lo uh hi; naupang haite bang uh a, bangmah thei lo uh hi. Siatna bawl siam bek uh a, hoihna, bawl thei lo uh hi,” a ci hi.

Paunak 14:32

Migilopa, ama tatsiatna in puksak a, mihoihpa, ama hoihtatna in hu hi.

2 PETER NIHNA 1:4

Tuate hangin zong a manpha a lian mahmah thuciamnate eite hong pia zo hi. Bang hang hiam na cih uh leh, hih thuciamnate suangin deihgawhna hangin hih leitungah a om kisiat gawpna tawh note in kipelhin, Pasian’ nuntakna tawh kizom mi na suah nading uh ahi hi.

Johan 8:21

Tua ahih ciangin khatvei Zeisu in, “Kei ka ciah ding hi. Note in nong zon’ uh hangin nomau mawhna sungah na si ding uh hi. Ka paina mun nong tung zo kei ding uh hi,” a ci hi.

Ezekiel 21:31

Note tungah ka hehna kong khah ding a, mei-am kuang hong bang ding hi. Mi thah a siam, migilote khut sungah note kong pia ding hi.

Jeremiah 5:4

Tua ciangin keimah in, “Hih mite mihai hi a, a hehpih huai uh hi: Topa’ lampi thei lo uh a, amau’ Pasian’ deihna a thei kei uh hi.

Late 94:8

Thei tel un, mi lungsim mawl pente aw! Lung pillote aw, cik ciangin pil ding na hi uh hiam?

Late 49:10

Hi hi, amah in a pilte nangawn a si mu ding a, a haite leh a teilote a kibangin sia-in, amau neihsate midangte’ tungah nusiat uh hi.

Marka 7:22

mi’ sum gukna, mi thahna, mi’ zi tungah mawhna, huaihamna, gitlohna, mi kheemna, kihhuai deihna, een’na,

Kolose 2:22

Tua nate khempeuh zatna hangin muat nading a piang ding hi.