2 PETER NIHNA 2:1 - Tedim Bible

¹ Ahih hangin mite lakah kamsang zuau hong piang mah bangin a kikhenthang thei up khialhna ngeina, kheemna tawh guangin, amau pumpi uh a lei Topa nangawn nialin, amau tungah a manlangin kisiatna a tungsak thu zuau hilh siate in note lakah zong a om ding uh hi.

Tedim Bible Revision 2017

¹ Mite lakah kamsang man lo a omngei mah bangin note lakah sia man lo hong om ding hi. Siatna a piangsak thei thuhilhna a man lo hong lutpih simin, amaute mahmah a tan khia Topa nangawn nial ding uh hi. Tua ahih manin thakhat thu-in siatna thuak lawh ding uh hi.

2 PETER NIHNA 2:1 Referans Kwoze

Mattiu 7:15

“A sungah hangsan ngia hi napi-in tuuvun silh a, no kiangah hong pai thuzuau hilhte na kingaihsun un.

Juda 1:4

Bang hang hiam na cih uh leh, eite Pasian’ hehpihna thupha in kihhuai tat nopna suaksakin, eite hong uk khat bek ahi Topa Zeisu Khazih nialin, Pasian’ thu a deih lo mite in hih thutanna thuak dingin tanglai pek a, a kiciamtehsa mi kimkhat in note’ lakah hong lutsim uh hi.

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.

2 TIMOTI NIHNA 4:3

Bang hang hiam cih leh, mite in thu hilhna pha mang loin, a bil uh thakin, amau deihgawhna bang thuhilh a tampi, amau ading a koih ding uh a,

Mattiu 24:11

Kamsang zuautheite hong piang ding uh a, mi tampi a khem ding uh hi.

Galati 2:4

Khazih Zeisu hangah i ngahsa suahtakna thu en simin eite sila hong suahsak nadingun kheemna tawh a hong tumsim ute naute banga kibawl mite’ thu hangin tua bang hong bawl uh hi.

1 KORIN MASA 11:19

Note lakah miphate a kilat nadingin pawlpi sungah kikhenna a om ding hi.

1 JOHAN MASA 4:1

Ka itte aw, kha khempeuh um kei un. Khate in Pasian tawh kipawl hiam, kipawl lo hiam dongtelin, en un. Bang hang hiam na cih uh leh, zuauthu a gen kamsang tampi leitungah a paikhia zo uh hi.

Kolose 2:8

Khazih thu zui lo mite’ tangthu leh leitung thungeek zui-in, leitung pilna leh mawkna khempeuh hangin note kuamah in hong sut, hong bawlsiat theih loh nadingin kikem un.

Titu 3:10

Thu nial a, kikhenthang mi, khatvei, nihvei bang taai-in na hilh khit ciangin,

Titu 1:11

Tua mite kam kihu cip ding hi. Bang hang hiam na cih leh, amaute in sum siangtho lo hangin ahilh tuak lo thu hilhin, innkuanpih khempeuh lumlet thei uh hi.

Filippi 3:19

Tua mite in kisiatna-ah a tung ding uh hi, amaute’ pasian in a gilpi uh ahi hi; amaute in a maizumhuai a gamtatnate uh ah a kiphasak uh hi. Amaute in leitung nate a lunggulh uh hi.

1 KORIN MASA 6:20

Bang hang hiam na cih uh leh, man tawh a kilei zo na hi uh hi. Tua ahih ciangin na pumpi sung uhah Pasian na phat un.

Marka 13:22

Bang hang hiam na cih uh leh, kamsang zuautheite leh Khazih zuautheite hong piang ding uh a, a teelsate nangawn a kheem zawh leh, a kheem nadingun lim leh nalamdang a lian hong lak ding uh hi. Na kikeem ta un.

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,

Mangmuhna 2:9

“Nangmah in gimna na thuakna, na hau napi-in na zawnna-a kipan Judah mipawl hi lo napi-in ‘Judah mipawl ka hi uh, a kici Satan pawlte in hong kosiatna thute ka thei hi.

Hebru 10:29

Tua bang tham loin, Pasian’ Tapa, a khe tawh sik a, amah a siangthosak thuciamna si a siangtho lo ci-in ngaihsun a, thupha a pia Kha Siangtho a simmawh mi in bang zah a lianzaw daantatna a thuak ding na um uh hiam?

Kolose 2:18

Lutang suang loin, pumpi ci-le-sa tawh kipawl ama lungsim tawh kisathei mawkin, ama theih loh a muh loh thute kantelin lungsim kiniamsakna-ah ahi zongin, vantungmi biakna-ah ahi zongin, nuamsa-a a om mi khat nangawn note lungdamna kisutsak kei un.

Efesa 4:14

Bang hang hiam na cih uh leh, mi dangte in mi kheemna mawhna lamah zol dingin, kheemna thu gen ahih ciangun, eite in a nung ciangin thuhilhna khempeuh ah huih in a let kawikawi naupang suak loin,

Mattiu 24:24

Bang hang hiam na cih uh leh, zuauthu gen kamsangte leh Khazih zuautheite hong piang ding uh a, a teelsate nangawn a khem zawh leh a khem nadingun, lim leh nalamdang a liante hong lak ding uh hi.

Mattiu 10:33

Mite mai-ah hong nial peuhmah, vantungah ka Pa mai-ah ke’n zong ka nial ding hi.”

Mangmuhna 13:14

Sahang mai-ah amah lah theih ding a ngah nalamdangte hangin amah in leitungah a om mite kheemin, tem satna ma a om, a nungta sahang’ milim khatpeuh peuh bawlsak in ci-in leitungah a om mite kiangah a cih khit ciangin,

Mangmuhna 2:13

“Nangmah in Satan’ tokhom omna-ah na om thu ka thei hi. Ka min len cipin, Dawimangpa’ teen’na munah note lakah thahna a thuak ka teci, ka midik pa Antipas’ khan’ lai nangawnin keima upna thu na nial kei hi.

Juda 1:18

Amaute in, “A nunung bel hunin Pasian’ deihlohna tawh kipawl amau pumpi uh deihgawhnate bangin zui-in, a kosia thei mite hong kilang ding uh hi,” ci-in note kiangah hong gen zo uh hi.

1 JOHAN MASA 2:26

Note hong kheem mite thu uh hih bangin kong gelh hi.

1 PETER MASA 1:8

Tua Topa note in na muh ngeiloh uh hangin na it uh hi. Tu-in zong na muh theih loh uh hangin umin, vangliatna tawh kipawl a kigen thei lo nopna lungsim tawh lungdamin, na kha uh gupkhiatna ahi note upna’ tupna mun na ngah uh hi.

Efesa 1:7

Pilna khempeuh leh phawktheih pilna khempeuh tawh kituak, eite tungah hehpihna a kicin’sak mah bangin tua Zeisu’ sisan hangin mawh maisakna ahi tatkhiatna thupha ama sungah eite in i ngah hi.

Galati 5:20

milim biakna, mibumna, kitot na’ng bawlna, kitotna, kidemna, hehna, kiseelna, kithutuah lohna, kipawl khenna

Galati 4:17

Tua mite in note a kilawmin hahkatin hong zo lo tham loin, note in amaute na zon’ nadingun a pua lamah note hong koih nuam ahi uh hi.

ROM (Romans) 16:18

Bang hang hiam na cih uh leh, eite Topa Khazih’ na sem loin amau gilpi na bek a sem uh a, kamsiam leh kamzol tawh a pha mite a kheem thei uh hi.

Luka 21:8

Zeisu in, “Note kuamah in hong kheem zawh loh nadingin na kikem un. Bang hang hiam na cih uh leh, mi tampite in, ‘Kei tua pa ka hi hi. A hun hong tung dektak hi,’ ci-in keima min tawh hong pai ding uh hi.

Luka 6:26

Mi khempeuh in note hong phat ciangin, gimna na thuak ding uh hi. Bang hang hiam na cih uh leh, a pute a pate un thuzuau kamsangte tungah tua bangin a bawl uh hi.

Mattiu 24:5

Bang hang hiam na cih uh leh, mi tampi in, ‘Kei Khazih ka hi hi,’ ci-in keima min tawh hong pai-in mi tampi a khem ding uh hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Micah 3:11

Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Micah 3:5

Sum a pia zo mite kiangah thunuam gen a, a pia lo mite kiangah, gal tuah ding a gen, kamsangte in mite lam khialsak uh hi. Topa in tua bang kamsangte kiangah,

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.

Galati 3:13

“Sing khuam tungah kikhaina a thuak mi khempeuh in hamsiatna a thuak mi ahi uh hi,” ci-in Lai Siangtho sungah a kigelh mah bangin Khazih in eite tang dingin hamsiatna a thuak ciangin Thukham’ hamsiatna pan eite a hong tankhia zo hi.

1 KORIN MASA 7:23

Note in man tawh a kilei zo mi na hi uh hi. Tua ahih ciangin mite’ sila suak kei un.

Micah 2:11

Zuau genin khemna tawh thu gen kawikawi a, “Note adingin leenggahzu leh kham theih zu tampi tak hong om ding hi,” a hong ci kamsangte pawl note’ deih kamsangte ahi hi.

Hosea 9:8

Ama mi Israelte a vil dingin kamsang nasemin Pasian in kei hong sawl hi napi-in, ka paina khempeuh ah vasa bangin thang nong siah uh a, Pasian’ gam sung teekteek mahmah ah mite pen kamsangpa’ gal suak mawk hi.

Jeremiah 37:19

Nang’ kiang a, ‘Babilon kumpipa in nang leh hih gam hong sim lo ding hi,’ ci-a thu a hong genkhol, na kamsangte tu-in koiah om uh ahi hiam?

Isaiah 9:15

Upate leh a zahtak huai mite pen a lutang hi a, zuauthu a hilh kamsangte pen a mei ahi hi;

1 KUMPI MASATE 22:6

Tua ciangin Israel kumpipa kamsangte mihing zali bang khawmin amaute tungah, “Ramoth-gilead a sim dingin ka kuan ding hiam, ahih kei leh ka thuak ding hiam?” a ci hi. Amaute in, “Kuanto in; bang hang hiam cih leh Topa i kumpipa’ khut sungah hong pia ding hi,” a ci uh hi.

Mangmuhna 3:8

En in, kuama khak zawh loh ding kong na mai-ah ka hong hi. Na gamtatnate ahi zongin, nang in tawmkha thahatna nei-in, ka thute zui-in, ka min nial loin, na om thu ahi zongin ka thei hi.

Luka 12:9

Mite mai-ah hong nialte Pasian’ vantungmite mai-ah kinial ding hi.

Thu-hilhkikna 32:6

A hai, ngaihsutna nei lo mite aw, tua bangin Topa thuk ding na hi uh hiam? Amah in, note a hong piangsak, note hong bawlin a hong kipsak, na Pa uh hilo ahi hiam?

Paikhiatna 15:16

Launa leh kihtakna amau' tungah tung a, nangmah' thahat vangliatna hangin amaute suangtum bangin taang loin om uh a, Topa aw, nangma' mite in a khen’ mateng, nangma' leisa mite in a khen’ mateng, amaute khikcip uh hi.

Jeremiah 6:13

Bang hang hiam cih leh a neupen pan a lianpen dongin, thuman lopi tawh sum zongin a huaiham uh hi. Kamsangte-a kipan siampite dongin thuman lo khin uh hi.

Jeremiah 29:21

A vanglian Topa, Israel mite’ Pasian in kei’ min tawh note’ kianga zuauthu a hong hilh Ko-laiah’ tapa Ahab leh Ma-aseiah’ tapa Zedekiah-te tawh kisai-a kong gen-inah: En un, keimah in amaute Babilon kumpipa Nebukhadnezzar’ khut sungah ka pia ding a, amah in no’ muhin amaute a thatlum ding hi.

1 TIMOTI MASA 5:8

Mi khat in ama mite, ahi takpi gen leeng ama innkuanpihte, a kep kei leh, thu-upna nial a, a um lo mite sangin a gilo zaw hi.

Mangmuhna 6:10

Amaute in zong, “A siangtho, a dik Vanglianpen Topa aw, leitungah a om mite, kote’ sihna sisan hangin thu khenin daantat loin bang tan vei sawtpi na om ding hiam?” ci-in nakpi a kiko uh hi.