2 PETER NIHNA 1:6 - Tedim Bible

⁶ lungpilna tungah noptat khamna, noptatna khamna tungah thuakna, thuakna tungah Pasian biakna lamah nopsakna,

Tedim Bible Revision 2017

⁶ na thutheihna uh pumpi ki-uk zawhna tawh na behlap unla, na pumpi ki-uk zawhna uh thuak zawhna tawh na behlap un; na thuak zawhna uh Pasianʼ deih bangin gamtatna tawh na behlap unla,

2 PETER NIHNA 1:6 Referans Kwoze

2 PETER NIHNA 1:3

Tua mah bangin ama minthan’na leh ama dikna tawh hong sam Pasian’ theihtel pilna hangin, eite nuntakna leh Pasian lamah nopsakna tawh kipawl na khempeuh ama vangliatna siangtho a hong pia zo hi.

Hebru 10:36

Bang hang hiam na cih uh leh, Pasian’ deihna bang na nasep khit uh ciangin ama kamciamna na ngah nadingun thuakzawhna lungsim na kisam uh hi.

Luka 21:19

Lung kipna tawh nuntakna na ngah ding uh hi.”

Hebru 12:1

Tua ahih ciangin hih zaha tam teci pan’nate in ei hong uum ahih ciangin, eite in van khempeuh ahi zongin, hong bawlsia thei mawhna ahi zongin, paaikhia-in

1 KORIN MASA 9:25

Pawikhamna sungah a kidemte khempeuh in na khempeuh ah a pumpi uh a kham cip thei uh hi. Tuate in a vulgawp thei pahtakna lukhu a ngah nop manun a kidem uh hi. Eite i hih leh, a vul thei lo, a sia thei lo pahtakna lukhu ngah nadingin i kidem hi.

Titu 2:2

A teek pasalte in a pumpi deihna khaam nading, a khuaval zulhtat loh nading, a lungkip nading, upna lamah a kip nading, itna a neih nading, a thuak zawh nading na hilh in.

Galati 5:23

lungnemna, pumpi’ deihna khamna te ahi uh hi. Tua bangin a gamta mite thukham in a kham kei hi.

Mangmuhna 14:12

Hih na-ah Pasian’ thukhamte leh Zeisu upna a zui misiangthote thuakna a om hi.

Mangmuhna 2:2

“Nangma gamtatna ahi zongin, na hahkatna leh na thuakzawhna ahi zongin, mi gilote na thuak zawh loh tham loin, amau sawltak hi lopi ‘Sawltak ka hi uh’ a ci mite dongtel entelin, a man lo mi ahih uh thu na muh ahi zongin,

Titu 1:8

Zindo a siam thei mi, a hoih lam a deih mi, khuaval zulhtat lo mi, a dik mi, a siangtho mi, a pumpi a kikeem zo mi ahi ding hi.

Kolose 1:11

thahatna tawh dimin ahi zongin Topa tawh a kilawmin gamta-in, na khempeuh ah a hong theihsak nadingin Pasian tawh kipawl theihna leh pilna apawlpawl tawh, ama deihna khempeuh na tel nadingun thu ka ngen uh hi.

2 KORIN NIHNA 6:4

Bawlsiat thuakna, zawn’khal thuakna, a kipelh zo lo gimna thuakna,

ROM (Romans) 8:25

I muh loh nate i lamet leh, tuate lungnemna tawh ngakin i om hi.

ROM (Romans) 2:7

A pha lamsang ah gamta a, minthan’na, zahtakna, leh muat lohna a zong mite nuntak tawntungna a pia ding hi.

Sawltak 24:25

Paul in dikna thu, kidekna thu leh hong tung ding Thukhenna Ni thu a hilh ciangin Feliks Mangpa lau a, “Tu-in pai ta in. Tu nung a kilawm hun ciangin kong samkik ding hi,” a ci hi.

Luka 8:15

Lei hoih ah a kiate in, thuman leh apha lungsim tawh thu a zak khit uh ciangin keem uh a, lungkipin a gahte ahi uh hi.”

Late 37:7

Topa mai-ah khawl dide in la, lungduai-in ngak in; a hihna a daupai-pa tung leh siatna a bawlpa tungah nangmah kilungso tawmsak kei in!

ROM (Romans) 15:4

Eite in Lai Siangtho pan i ngah thuakzawhna leh hehnepna hangah lawpna i neih nadingin, Lai Siangtho-ah nidang lai-a a kigelhsa thu in eite hong thu hilhna-in a kigelh hi.

Mangmuhna 13:10

A kiman dingte a kiman ding hi. Mi khatpeuh in namsau tawh midang a thah leh, tua in zong namsau tawh thahna a thuak ding hi. Hih thu-ah misiangthote’ thuakna leh upna a om hi.

Mangmuhna 1:9

Zeisu sungah a om gimna-a kipan gam ahi zongin, thuakzawhna ahi zongin, note tawh a thuak khawm, note’ u ahi keimah Johan in Pasian’ thu leh Zeisu tawh kipawl teci pan’nate hangin Patmos kici tuikulh gamah ka om hi.

2 PETER NIHNA 3:11

Hih na khempeuh tua bangin mangthang ding ahih ciangin, vantungte in mei hangin kisia-in, vanah a om nate in sa lua-in a tuisuak ding hun Pasian’ Ni hong tung ding ci-in note in lamenin lawpin, gamtatna siangtho gamta-in, Pasian biakna-ah nopsakna tawh na om ding uh kilawm hilo ahi hiam?

Hebru 6:15

Tua mah bangin Abraham in thuakin a ngak khit ciangin a thuciamna bangin a ngah hi.

Titu 1:1

Zuauthu a gen thei lo Pasian in tanglai hun a tun’ ma-in thuciam a, eite Honpa Pasian’ thukham bangin kei hong piak thuhilhna tawh a kilawm hunte-ah, Pasian thu a latsakna tawh a kipawl, nuntak tawntungna lamenin, Pasian biakna lamah nopsakna tawh a kipawl thuman thutak theih nading ahi zongin, Pasian’ teel mite’ up nading ahi zongin, Pasian’ sila ahi Zeisu Khazih’ sawltak keimah Paul in:

2 TIMOTI NIHNA 3:5

Pasian biakna puatham teng zui uh a, ahih hangin a vangliatna a nial mi ahi ding uh hi. Tua bang mite na peel in.

1 TIMOTI MASA 6:11

Pasian’ mi aw, nang na hih leh, tua mawhnate pel in la, dikna, Pasian biakna lamah nopsakna, upna, itna, thuakzawhna, lungnemnate na phak matengin na delh in.

1 TIMOTI MASA 6:6

Lungkimin Pasian biakna lamah nopsakna in hauhna lianpi a piangsak thei hi.

1 TIMOTI MASA 6:3

Thuhilhna tuam hilhin, i Topa Zeisu Khazih’ kam ahi, kam siangtho ahi zongin, Pasian biakna lamah nopsakna tawh a kilawm thuhilhna ahi zongin, a mang lo mi khatpeuh a om leh,

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

2 THESALONIKA NIHNA 3:5

Pasian it nading ahi zongin, Khazih bangin thuak zawh nading ahi zongin Topa in note lungsim hong hilh ta hen.

2 THESALONIKA NIHNA 1:4

Tua ahih ciangin note in bawlsiatna khempeuh ahi zongin, na thuak uh gimna ahi zongin, thuakzawhna leh upna na neih uh kote in ngaihsunin, Pasian’ pawlpi lakah note hangin ka kisathei uh hi.

Isaiah 57:1

Thuman mipa si a, kuamah in a lungsim sungah tua thu ngaihsutin nei lo hi, kuamah in a theih loh kalin thuman mite si uh hi. Bang hang hiam cih leh tuahsiatna panin thuman mipa kilakhia a;

Piancilna 5:24

Enok in Pasian tawh lam paikhawm hi; Enok kimu nawn lo hi, bang hang hiam cih leh Pasian in amah la hi.