2 PETER NIHNA 1:4 - Tedim Bible

⁴ Tuate hangin zong a manpha a lian mahmah thuciamnate eite hong pia zo hi. Bang hang hiam na cih uh leh, hih thuciamnate suangin deihgawhna hangin hih leitungah a om kisiat gawpna tawh note in kipelhin, Pasian’ nuntakna tawh kizom mi na suah nading uh ahi hi.

Tedim Bible Revision 2017

⁴ Amah in piak dingin a hong ciam a manpha mahmah nate hih bangzia-in hong pia a, hih ama hong piak nate hangin leitungah a om siatna a piangsak thei duh luatna le deih luatnate panin na suakta uh a, Pasianʼ pian ziate na nei uh hi.

2 PETER NIHNA 1:4 Referans Kwoze

2 KORIN NIHNA 3:18

Eite khempeuh in mai sitna om loin limlang i et mah bangin Topa’ minthan’na mu-in, Kha Siangtho ahi Topa in hong sawl mah bangin eite minthan’na khang semsemin ama meel sun-in i kikheel hi.

Hebru 12:10

Bang hang hiam na cih uh leh, tua pate in a kilawm ci-in amaute ut bangin tawlkhat bek hong hilh uh hi. Pasian in a hih leh, ama siangthonate eite in i zop nadingin eite noptuamna ding ngaihsunin hong hilh hi.

1 JOHAN MASA 3:2

Ka itte aw, tu-in Pasian’ tate i hi hi. A nung ciangin bang ci mi i hi ding a kilang nai kei hi. Ahih hangin amah hong kilat ciangin eite in amah tawh i kibang ding hi ci-in i thei hi. Bang hang hiam na cih uh leh, ama pum a om bangin amah i mu ding hi.

2 KORIN NIHNA 6:17

Tua ahih ciangin: “Tua mite lak pan paikhia un la, a tuamin om un. A siangtho lote na lawng kei un.

Galati 6:8

Ama pumpi ading khaici a vawh mi in ama ci-le-sa hangah muatna a at ding hi. Kha Siangtho hangah khaici a vawh mi in Kha Saingtho hangah nuntak tawntungna a at ding hi.

1 JOHAN MASA 2:25

Eite a hong piak thuciamna in nuntak tawntungna kiciamna ahi hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

Hebru 9:15

Tua ahih ciangin thuciamna masa hun lai takin mawhna a tatkhiat nadingin, sihna thuakna om zo ahih ciangin a sap mite in a luah tawntungna tawh kipawl thuciamna ngah nading, tua Topa in thuciamna thak khamna a suak hi.

2 KORIN NIHNA 1:20

Thuciamnate in bang zahin a tam hangin Pasian’ minthan’na kilatsak nadingin, “Ahi hi,” cih ding ahi zongin, kote hangin, “Amen,” cih ding ahi zongin ahi hi.

Galati 3:16

Thuciamna Abraham leh a suan a khakte tungah a koih zo hi. “A suan a khakte,” ci-in mi tampite ngaihsunin thu a pia kei hi. “Nangma suan mi khat bek,” ci-in ngaihsunin thu a pia hi. Tua mi khat in Khazih ahi hi.

ROM (Romans) 9:4

Tua mite in Israel mite ahih uh ciangin a ta za-a kikoih nading ahi zongin, vangliatna ahi zongin, thu kiciamnate ahi zongin, Thukham koihna ahi zongin, Pasian biakna ahi zongin, thuciamnate ahi zongin,

Efesa 4:13

Bang hang hiam na cih uh leh, eite khempeuh in thu-upna lamah ahi zongin, Pasian’ Tapa theihna ah ahi zongin, kipum khatin Khazih’ kicin’na lim mun ahi, a khangham mi suahna i tun’ dongin i piang hi.

Jeim 1:27

I Pa Pasian mai-ah a nin lo, a siangtho biakna in pa nei lo naupangte leh meigong numeite a dah lai takun a en a keem thei a, ama pumpi zong leitung kihhuai nitna tawh kipelh nadingin a kikep theihna ahi hi.

2 PETER NIHNA 3:9

Mi kim khat in zekai-a a ciamteh theih uh bangin Pasian in a thuciamna-ah a zekai kei hi. Kuamah kisia loin, mi khempeuhte in kisikkikna a ngah nadingun deihin, amah in note hong thuak hi.

2 PETER NIHNA 3:13

Ama thuciamna bangin dikna a om van thak leh lei thak eite in i lamen hi.