2 PETER NIHNA 1:16 - Tedim Bible

¹⁶ Kote in i Topa Zeisu Khazih’ vangliatna ahi zongin, a hong paikikna thu ahi zongin, note kiangah kong gen uh ciangin pilna tawh kibawl tangthu zui loin, a thupitna leh a liatna mu-in teci ka hi uh hi.

Tedim Bible Revision 2017

¹⁶ I Topa Jesu Khris a vangliatna le a hong paikik nading thute note kiangah kong gen uh ciangin mihingteʼ phuahtawm tuanthute siksanin a hong gen hi loin, ka mit mahmah uh tawh ka muh uh a vangliatnate a hong gen ka hi uh hi.

2 PETER NIHNA 1:16 Referans Kwoze

1 JOHAN MASA 4:14

Pa in a Tapa leitungmite’ Gumpa a suah nadingin hong sawl thu kote in thei-in teci ka pang uh hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

1 TIMOTI MASA 4:7

Numei teekte in a gen theih uh ahi mawkna tangthute paaikhia in. Pasian biakna lamah nuamsa a, na om nadingin na kiseksak in.

1 KORIN MASA 2:4

Note’ upna un mite’ pilna-ah kip loin Pasian’ vangliatna-ah a kip nadingin,

Efesa 4:14

Bang hang hiam na cih uh leh, mi dangte in mi kheemna mawhna lamah zol dingin, kheemna thu gen ahih ciangun, eite in a nung ciangin thuhilhna khempeuh ah huih in a let kawikawi naupang suak loin,

1 KORIN MASA 1:17

Khazih in baptaiz dingin kei hong sawl lo hi; Lungdamna Thu hilh dingin hong sawl hi. Ahih hangin Khazih’ singlamteh a mawkna ahih loh nadingin kam pilna tawh hilh ding hong sawl kei hi.

Mangmuhna 1:7

En un, Topa in meiite tawh hong kumsuk ding a, mittang khempeuh a, kipan amah a sun mite in amah hong mu ding uh hi. Leitung mipawl khempeuh in zong amah hangin a kap ding uh hi. Tua bang a man hi. Amen.

Juda 1:14

Adam pan akipan khang sagihna mi Enok in kamsangpa thu a gen-inah, “Topa in mi khempeuh thukhenin,

2 THESALONIKA NIHNA 2:9

Tua a kiseel Gilo a hong pian’na thu in, Satan bawlna bangin zuauna tawh kipawl vangliatna, nalamdang leh dipkuat huaina apawl pawlte tawh ahi zongin,

2 KORIN NIHNA 4:2

Zumhuaina tawh kipawl a kiseel nate ka paaikhia zo uh hi. Kikheemna zang loin Pasian’ thu im loin, lumlet loin, thuman a tel takin hilhin Pasian mai-ah mi khempeuh in a kitheihna lungsim tawh hong phat nading phathuaina ka gamta uh hi.

2 KORIN NIHNA 2:17

Met nadingin Pasian’ thu a zuak kawikawi mite tawh kote kibang loin, lungsim siangthoin Pasian’ sawltak mite bangin Pasian mai-ah lungsim tak tawh Khazih’ thu ka hilh uh hi.

Mattiu 28:18

Zeisu in amau kiangah va pai a, “Vantungah ahi zongin, leitungah ahi zongin, vangliatna khempeuh kei hong kipia zo hi.

Malakhi 3:2

Ahi zongin ama hong pai ni ciangin kua in thuak zo ding a, amah hong kilat ciangin kua nungta zo ding ahi hiam? Amah in, sikte a siangthosak mei, leh puante a siangthosak satpiang tawh kibang hi.

1 THESALONIKA MASA 2:19

I Topa Zeisu hong kum ciangin a mai-ah kote lametna, lungdamna leh kisaktheihna lukhu in bang ahi hiam? Note hilo na hi uh hiam?

Filippi 3:21

Topa in na khempeuh ama nuai-ah a khia thei, a bawlphatna vangliatna hangin a ginalo eite pumpi, minthan’na tawh a dim pumpi a suahsak nadingin hong kikheelsak ding hi.

1 KORIN MASA 5:4

Ka thukhenna in i Topa Zeisu’ min tawh note in keima kha tawh na kikhop uh ciangin, i Topa Zeisu’ vangliatna suangin,

1 KORIN MASA 2:1

Ute naute aw, note’ omna-ah kong pai ciangin kamsiamna leh pilna tawh Pasian’ teci thu note kiangah gen dingin hong pai ka hi kei hi.

1 KORIN MASA 1:23

Eite i hih leh, singlamteh tungah a si Khazih’ thu i hilh hi. Tua thu in Judah mite ading kipukna ahi hi. Gentailte ading haina ahi hi.

1 KORIN MASA 1:7

Tua ahih ciangin note in i Topa Zeisu Khazih hong kilat ding ngakin na om lai takun hong piakna thupha khat beek na sam kei uh hi.

ROM (Romans) 1:4

Rom khua sungah a om misiangtho kikoih Pasian a it khempeuhte kiangah thu kong zasak hi. Tua Topa Zeisu Khazih leh i Pa Pasian’ hehpihna thupha leh nopna in nomau tungah om ta hen. Tua Topa Zeisu’ min hangin mipawl khempeuh in a up nadingin ama kiangah hehpihna thupha leh sawltak-za ka ngah hi. Zeisu Khazih’ mi suah nading hong sapsa note in zong tua mite lakah na om uh hi.

Johan 17:2

Nang in Ta’ khut sungah na piaksate khempeuh, nuntak tawntungna a piak nadingin mi pawl khempeuh uk nading thu Ta na pia hi.

Mattiu 24:27

Bang hang hiam na cih uh leh, khuaphialep in nisuahna lam pan phia a, nitumna lam dongin a taang mah bangin, Mihing Tapa hong kumna a piang ding hi.

Mattiu 24:3

Tua lai takin Zeisu in, Oliv Mual tungah tu-a a om lai takin a nungzuite in a kiangah va pai sim uh a, “Tua thute in cikciang a hong piang ding hiam? Topa, nong kum ding ahi zongin, leitung bei ding ahi zongin, bang limin hong kihil ding cih hong hilh in,” ci-in a dong uh hi.

Mattiu 16:28

Ke’n aman takpi kong cih-inah, Mihing Tapa, ama Gam sungah hong pai kik, hih san takah a ding mi kimkhat in a muh matengun a si kei ding uh hi,” ci-in a nungzuite kiangah a gen hi.

Malakhi 4:5

“Ahi zongin tua a lauhuai a lian mahmah Topa’ ni hong tun’ ma-in note kiangah kamsangpa Elijah kong paisak ding hi.

Mattiu 16:27

Mihing Tapa in, a Pa vangliatna nei-in, vantungmite tawh hong paikhawm ding hi. Tua ciangin mi khempeuh a gamtatna ciat uh bangin a thuksak ding hi.

Mattiu 17:1

Ni guk khit ciangin Zeisu in Piter, Jakob leh a nau Johan-te samin, mualsang tungah, gam daihna munah paipih a,

Marka 13:26

Tua lai takin, vangliatna leh minthan’na tawh Mihing Tapa meii tungah hong kumsuk a mu ding uh hi.

Marka 14:62

Zeisu in, “Ka hi hi. Mihing Tapa in vangliatna ziatlam ah tu a, meii tungah hong kumsuk note in na mu ding uh hi,” a ci hi.

Luka 1:2

eite lakah a hong piangsa thu teng, eite hong zaksak a kizomin lai a gelh mi tampi a om hi.

Luka 9:43

Amau khempeuh in Pasian’ vangliatna lamdang a sa uh hi.

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.