2 PETER NIHNA 1:12 - Tedim Bible

¹² Tua ahih ciangin na ngahsa uh thuman thutak note in thei-in tua thu-ah kip khin na hi uh zongin tua nate ngaihsunin note hong phawksak kik dingin ka om khol tawntung ding hi.

Tedim Bible Revision 2017

¹² Tua ahih manin note in hih thute thei khinin, na theih sa uh thuman ah kip takin na om khin uh ahi zongin a hong phawksak kikkik ka hi hi.

2 PETER NIHNA 1:12 Referans Kwoze

1 JOHAN MASA 2:21

Note in thuman thutak na thei loh manun lai hong gelh ka hi kei hi. Note in thuman thutak na thei uh ahi zongin, thuzuau khat beek in thuman tawh kipawl lo ahi zongin na theih manunah lai kong gelh hi.

Filippi 3:1

A khak bel thu in: ka it ka ute ka naute aw, Topa sungah na lungdam ta un. Hih bangin ka hong gelhkik hangin ka gim kei hi, note ading bitna ahi hi.

Juda 1:5

Note in na khempeuh thakhatin na theih uh hangin note ka hong phawksak nop thu in: Topa in Izipt gam sung mi pawlkhat a gupkhiat khit ciangin, a nung nihveina ah a um lo mite a siasak hi.

2 PETER NIHNA 1:13

I Topa Zeisu Khazih in hong lah sa mah bangin a sawt loin ka pumpi nuntakna ka nutsiat ding thei ka hih ciangin,

Juda 1:17

Ka itte aw, note na hih uh leh, i Topa Zeisu Khazih’ sawltakte in a masa-in a genkholh thute na phawk un.

Juda 1:3

Ka itte aw, eite in i ngah khawm gupna thu tawh kizomin note kiangah ka hong gelh thu hahkat a, ka bawl lai takin, misiangthote kiangah khatvei bek a piaksa upna thu ading, lungsim khauhin na do nadingun hansuahin ka hong gelh hi.

2 PETER NIHNA 3:17

Tua ahih ciangin ka itte aw, mi gilote khialhna note in zui-in note lungkipna uh pan na puk loh nadingun, tua nate thei khol na hih ciangun na kikem un.

2 PETER NIHNA 3:1

Ka itte aw, hih nih veina lai kong gelh hi.

2 PETER NIHNA 1:15

Ahi hi. Ka sih khit ciangin note in hih thute na phawk tawntung nading uh ka hahkat ding hi.

1 PETER MASA 5:12

Keimah in note hong hansuahin, hih thute in Pasian’ hehpihna thupha thu a man takpi ahi ci-in teci pangin hih lai a tomin ka gelh khit ciangin, midik ka sak sanggampa Silvanas’ khut sung pan ka hong pia hi.Tua sungah na kip un.

1 PETER MASA 5:10

Khazih hangin note, ama vangliat tawntung minthan’na ah hong sam, hehpihna thupha khempeuh’ Pasian in tawlkhat gimna na thuak khit uh ciangin, hong cingsak, hong kipsak, hong khauhsak ding hi.

Hebru 13:9

A tuam dangdang, a lamdangdang thuhilhna thak zui kei un. An nek hang hi lo, thupha hehpihna hangin lungkhauh a, na om uh leh, a pha hi. An nekna bek a ngaihsun mite in na manpha a ngah zo kei uh hi.

Hebru 10:32

Note khuavak sungah na tun’ khit uh ciangin mite mai-ah kisiatna, bawlsiatna thuakin, tua bang a thuakte tawh kipawl khat na hi uh ahi zongin, gimna lian mahmahte dona, nidang lai-a na thuak uh na ngaihsun un.

2 TIMOTI NIHNA 1:6

Tua ahih ciangin nangma tungah ka khut ngakna tawh, nang, Pasian in hong piak letsong thupha na kuan’sak det nadingin kei in ka hong phawksak hi.

1 TIMOTI MASA 4:6

Hih nate nang in ute naute kiangah na hilh leh, upna thu leh tu dongin nang na zuih thuhilhna a hoih tawh kivakin, Khazih Zeisu’ nasem hoihpa na hi ding hi.

Sawltak 16:5

Tua ahih ciangin pawlpite’ upna a kip semsem a, ni simin mimal a khang semsem uh hi.