2 PETER NIHNA 1:11 - Tedim Bible

¹¹ Tua bang hangin eite Topa leh Honpa Zeisu Khazih’ tawntung Gam sung lut theihna thu note a kicingin hong kipia ding hi.

Tedim Bible Revision 2017

¹¹ Tua hileh eiteʼ Topa le Honpa Jesu Khris Uk tawntungna sungah nuam takin na lut thei ding uh hi.

2 PETER NIHNA 1:11 Referans Kwoze

Mangmuhna 5:10

Ko’ Pasian mai-ah kumpi za-ah ahi zongin, siampi za-ah ahi zongin na koih hi; tuate in leitung ukin a om ding uh hi,” ci-in la thak a sa uh hi.

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Mangmuhna 3:21

Keimah in ka zawh khit ciangin ka Pa tawh tokhom tungah ka tut khawm bangin, a zo mi in kei tawh ka tokhom tungah tut khawm theihna thu ka pia ding hi.

Hebru 6:17

Tua ahih ciangin thuciamna a luah ding mite in Pasian’ hanciamna a kikheel zo lo a theih tel nadingun, Pasian in kiciamna tawh a kikham hi.

2 TIMOTI NIHNA 4:8

Tu-a kipanin dikna lukhu, keimah ading a kikoih khol zo hi. Tua Ni ciangin thuman tawh a khenpa in tua lukhu kei hong pia ding hi. Keimah bek hong pia kei ding hi, ama kilat ding thu a lamente khempeuh zong a pia ding hi.

Johan 10:10

Gutate in gu ding that ding leh susia ding longal a hong pai kei uh hi. Kei ka hih leh, tuute in nuntakna ngah tham loin nuntakna a dimtak a ngah nadingun kong pai hi.

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

Efesa 3:20

Eite tungah hong bawl vangliatna mah bangin, i nget i ngaihsut sangin ahih thei zaw Pasian tungah pawlpi sungah ahi zongin, Zeisu Khazih sungah ahi zongin khan tawntungin minthan’na om tawntung ta hen! Amen.

Daniel 7:14

Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.

2 KORIN NIHNA 5:1

Kote omna ahi leibuk in a siat leh, khut tawh kibawl lo Pasian’ bawlsa, a kisia ngei lo vantungah inn a om cih ka thei uh hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

Isaiah 35:2

tampi takin palhkhia ding a, lung nopna leh lasakna tawh lungdam ding hi. Lebanon mual a minthan’na, Karmel mual leh Sharon mual, a min liatna ama tungah kipia ding hi. Amaute in Topa’ minthan’na, i Pasian’ liatna mu ding uh hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Solomon la 5:1

It luat, ka lawmnu aw, ka huan sung hong tung zo ing, Ka paknamtuite ka kaikhawm hi. Ka khuaizu leh ka khuailuzu ka ne a, ka leenggahzu leh ka bawngnawite ka dawn hi. Nungak dangte: Nungak leh tangval aw, na lungkim piikpeek dongun, ne-in dawnin nuam sa un. Kikhen Man-a Lunggimna Nungak:

Late 36:8

Na inn sunga na tampite tawh amaute nuamsa uh a, na lungkimna gun panin amaute dawn ding na pia hi.

Late 145:13

Na Kumpigam pen a tawntunga om kumpigam hi a, na ukna in khang tawntungin a kip hi. Topa pen ama thute khempeuh ah thutak a, a gamtatna khempeuhah hehpihna nei hi.

ROM (Romans) 2:4

Pasian’ hehpihna thupha in nang kisikna lamah hong zol ciamteh loin na om lai takin, a kicing hehpihna leh lungduaina leh itnate don lo na hi hiam?

1 KORIN MASA 15:24

Tua ciangin Khazih in ukna aana leh vangliatna apawl pawlte khempeuh siangsakin Pa Pasian tungah Gam a piak khit ciangin leitung a bei ding hi.

1 TIMOTI MASA 6:17

Hih leitungah sum hau mite in lungsim kiliatsakna tawh kipelhin, a kip tawntung thei lo sum hauhna muang loin, eite lungdam nading na khempeuh a kicingin hong pia Pasian muangin, nuntakna taktak ahi nuntakna ngah nadingin, hong tung ding hun ciangin, amau ading a bulpi pha zong kholin, midangte tungah thupha bawlna, gamtat hoihna kicingin, midang hopnopna lungsim nei-in, khat leh khat kipawl nadingin kilemna thu bawl nading thu na pia in.

2 TIMOTI NIHNA 4:18

Topa in thu hoih lo khempeuh pan hong honkhia a, ama vantung dongin hong kha ding hi. Tua Topa in a tawntungin minthan’na ngah ta hen. Amen.

2 PETER NIHNA 1:5

Ahi hi. Tua thu hangin note in upna tungah hoihna, hoihna tungah lungpilna,

2 PETER NIHNA 2:20

I Topa leh Honpa Zeisu Khazih theihtelna hangin leitung kihhuaina tawh a suahtak khit uh ciangin, khat vei awk kikin a lelh uh leh, a nung ciangin a pian’ in a pian’masak sangin a gilo zaw hi.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.