2 KUMPI NIHNATE 9:3 - Tedim Bible

³ Tua ciangin sathau um la-in ama lu tungah sung in la, ‘Topa in hih bangin ci hi, ‘Israel tungah kumpi-in sathau kong nilh hi, ci hi,’ va ci in. Tua ciangin kongkhak hong in la, tai in; zekai kei in,” a ci hi.

Tedim Bible Revision 2017

³ Tua ciangin sathau biing la-in ama lu tungah sung inla, ‘Topa in hih bangin ci hi: Israel tungah kumpi-in sathau kong nilh hi, ci hi,’ va ci in. Tua ciangin kongkhak hong inla tai in; zekai kei in,” a ci hi.

2 KUMPI NIHNATE 9:3 Referans Kwoze

1 KUMPI MASATE 19:16

tua ciangin Israel tungah kumpi dingin Nimshi’ tapa Jehu sathau na nilh ding hi; tua ciangin nangma munah kamsang dingin Abelmeholah khuami Shafat’ tapa Elisha sathau na nilh ding hi.

Mattiu 2:13

Tua mite a pai khit uh ciangin Pasian’ vantungmi khat in Josef’ mang sungah kilang a, “Tho in, naupangno leh a nu sam in la, Izipt gamah taipih in. Ka hong hilh kik matengin tua gamah va om in. Herod kumpipa in naupang that nuamin a zong ding hi,” a ci hi.

Daniel 5:18

Sangpen Pasian in na pa Nebukhadnezzar kumpi lianin koih a, zahtakna leh vangliatna a pia hi.

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

Daniel 2:1

Nebukhadnezzar kumpi a suah zawh a kumnih lai takin mang khat a man’ hi. A lungsim patau lua mahmah ahih manin a ihmu thei kei hi.

2 KHANG TANGTHU NIHNATE 22:7

Ahih hangin Jehoram kiangah hawh dingin a paina tawh Ahaziah’ puk nading a tun’ nading Pasian’ sehsa a hi hi. Bang hang hiam cih leh tua lai-ah amah hong pai ciangin, Ahab innkuan a susia dingin Topa in sathau a nilhsa Nimshi’ tapa Jehu tawh a kimu dingin Jehoram tawh paikhia hi.

2 KUMPI NIHNATE 8:13

Tua ciangin Hazael in, “Ui a hi lel na nasempa in hih na lian a hih nadingin bang ahi hiam?” a ci hi. Elisha in dawngin, “Nangmah in Siria tungah kumpi na hih ding thu Topa in kei tungah hong lakkhin zo hi,” a ci hi.

1 SAMUEL MASA 16:2

Samuel in, “Bangci pai theih ding ka hi hiam? Saul in za leh, amah in kei hong that ding hi,” a ci hi. Tua ciangin Topa in, “Bawngla khat paipih in la, Topa tungah biakna pia dingin kong pai hi,’ ci in.

1 SAMUEL MASA 15:17

Tua ciangin Samuel in, “Nang na kineu ngaihsut hun a om hangin, tu-in nang in Israel minamte’ lutang hilo na hi hiam? Topa in Israelte tungah kumpi-in nang sathau hong nilh hi.

1 SAMUEL MASA 15:1

Samuel in Saul kiangah, “Topa in ama mi Israelte tungah kumpi dingin nang sathau a nilh dingin kei hong sawl hi; tua ahih ciangin tu-in Topa’ kammalte ngai in.

1 SAMUEL MASA 9:16

“Zing ciang tu bang hunin Benjamin gam sung panin nang kiangah mi khat kong sawl ding a, nangmah in ka mi Israel tungah ulian dingin amah sathau na nilh ding hi. Amah in Filistiate khut sung panin ka mite honkhia ding hi; bang hang hiam cih leh amaute’ kikona kei kiang hong tung khin ahih manin ka mite’ gimna ka mu khin zo hi,” a ci hi.

Siampi Laibu 8:12

Amah in nilh sathau kimkhat Aaron’ lu tungah sung a, ap dingin amah sathau nilh hi.

Paikhiatna 29:7

Nangmah in nilh sathau la-in, ama'lu tungah sungin amah na nilh ding hi.

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Mattiu 26:7

numei khat in a manpha mahmah paknamtui suangngo thawl khat a kiangah paipih a, Topa sabuaiah a tut lai takin, a lu tungah a buak hi.

1 SAMUEL MASA 10:1

Tua ciangin Samuel in sathau thawl khat la-in ama lutungah buak a, tua ciangin amah namin, “Topa in ama mi Israelte tungah ulian dingin nang sathau hong nilh khin hilo ahi hiam? Nangmah in Topa’ mite ukin a kiim-a om amau’ galte’ khut sung panin amaute na honkhia ding hi. Hih in nang tungah, Topa in ama luahte tungah ulian dingin nang sathau hong nilh khitna lim hi ding hi.

1 KUMPI MASATE 1:34

Israel tungah kumpi-in tua lai munah siampi Zadok leh kamsang Nathan sathau nilhsak un; tua ciangin peengkul tum un la, ‘Kumpi Solomon khan’ sau hen!’ ci un.

2 KUMPI NIHNATE 9:6

Tua ahih ciangin amah ding-in inn sungah pai hi; tua ciangin tangvalpa in ama lu tungah a sathau sungin, ama kiangah, “Israel Pasian, Topa in hih bangin ci hi, Israel mite’ tung, Topa’ mite tungah kumpi-in nang sathau kong nilh hi.