2 KUMPI NIHNATE 8:4 - Tedim Bible

⁴ Tu-in Pasian’ mipa’ nasem Gehazi tawh kumpipa kiho-in, “Elisha’ sepna na lian khempeuh hong gen in,” a ci hi.

Tedim Bible Revision 2017

⁴ Tua laitakin Pasianʼ mipaʼ nasem Gehazi tawh kumpipa kiho a, “Elishaʼ sep sa na lian khempeuh hong gen in,” a ci hi.

2 KUMPI NIHNATE 8:4 Referans Kwoze

Sawltak 24:24

Tua nung ciang a sawt loin Feliks Mangpipa in Judah mi ahi, a zi Drusilla tawh hong paikhawm a, Paul samin Zeisu Khazih upna thu a ngai uh hi.

Johan 9:27

amah in, “Keimah in khatvei kong gen khit hangin na ngai kei uh hi. Bang hangin za kik nuam na hi uh hiam? Ama nungzui suak nuam na hi uh hiam?” ci-in a dawng kik hi.

Luka 23:8

Herod in Zeisu a muh ciangin nakpi-in a lungdam hi. Bang hang hiam i cih leh, Zeisu thu za ngei ahih maninah a muh nopna sauvei zoin, Zeisu’ nalamdang bawl a mu nuam hi.

Luka 9:9

Herod in, “Johan’ ngawng ka tan zo hi. Hih bang thu ka zakna hih pa in kua ahi hiam?” ci-in Zeisu mu dingin a zong hi.

Mattiu 2:8

a theih khit ciangin, “Note pai un la, tua naupang va hah zon’ un. Na muh uh leh, kei kiangah hong gen kik in. Kei zong pai-in tua naupang ka va bia ding hi,” ci-in vaikhak a, Bethlehem khua-ah a paisak hi.

2 KUMPI NIHNATE 7:10

Tua ahih ciangin amaute hong pai-in kulh kongpi cingte samin amaute kiangah, “Kote in Siriate’ phualah ka va tung uh a, en in, tua lai-ah kuamah kimu lo, bangmah kiza lo, bangmah om lo, ahih hangin sakolte kikhihin, late kikhihin, puanbukte a om bang bangin om hi,” ci-in gen uh hi.

2 KUMPI NIHNATE 7:3

Tu-in kulh kongpi lutna ah a phak mi li om hi; amaute khat leh khat in, “I sih dongin bang hangin hih lai-ah tu ding i hi hiam?

2 KUMPI NIHNATE 7:1

Ahih hangin Elisha in, “Topa’ thu za in: Topa in hih bangin ci hi. Zing ciang tu bang hunin Samaria kulh kongpi ah annel lawh khat shekel khatin kizuak ding a, mangbuhham lawh nih ciangin shekel khatin kizuak ding hi,” a ci hi.

2 KUMPI NIHNATE 6:32

Elisha a inn sungah tu a, upate amah tawh tukhawm uh hi. Tu-in kumpipa in ama omna panin mi khat sawlkhia hi; ahih hangin kamtaipa a tun’ ma-in Elisha in upate kiangah, “Hih mi thatpa in ka lutang a tankhia dingin hong sawlna na mu uh hiam? En un, kamtaipa hong tun’ ciangin kong khak un la, ama lang khatah khauh takin kongkhak lencip un. Ama nungah a topa’ kheging hong kiza hilo ahi hiam?” a ci hi.

2 KUMPI NIHNATE 6:6

Tua ciangin Pasian’ mipa in, “Koi lai-ah kia ahi hiam?” a ci hi. Amah in a mun ama kiangah a lah ciangin amah in ciangkang khat khiakin tua munah lawn a, a sik laamsak hi.

2 KUMPI NIHNATE 5:14

Tua ahih ciangin Pasian’ mipa kamgen bangin amah paisukin Jordan sungah sagih vei kidiah hi; tua ciangin a ci-le-sa naupangno’ ci-le-sa bangin a ngei bang kikin amah siang hi.

2 KUMPI NIHNATE 4:12

tua lai-ah tawlnga hi. Tua ciangin amah in a nasempa Gehazi kiangah, “Hih Shunem mi sam in,” a ci hi. Amah in tua numei a sap ciangin ama mai-ah tua nu hong ding hi.

2 KUMPI NIHNATE 2:24

Tua ciangin amah a kiimah kihei a, amah in amaute a muh ciangin Topa’ min tawh amah in amaute samsia hi. Tua ciangin gamlak panin vom a pi nih hong pai-in naupang sawmli-le-nih balgawp hi.

2 KUMPI NIHNATE 2:14

Tua ciangin amah in ama tung panin a kiakhia Elijah’ puan la-in tui sat a, “Elijah’ Pasian, Topa koi-ah om na hi hiam?” a ci hi. Amah in tui a sat khit ciangin a pang khat leh a pang lang khatah a tui kikhen hi; tua ciangin Elisha pai-in galkah hi.

2 KUMPI NIHNATE 8:3

Kum sagih a cin’ khit, Filistiate gam panin numei hong ciahkik ciangin, kumpipa kiangah a inn leh a leitang a ngen dingin paikhia hi.

2 KUMPI NIHNATE 4:25

Tua ahih ciangin amah dingkhia a, Karmel Mual-a Pasian’ mipa kiangah pai hi. Pasian’ mipa in amah hong pai a muh ciangin a nasempa Gehazi kiangah, “En in, gal-ah Shunem nu hong pai hi;