2 KUMPI NIHNATE 8:3 - Tedim Bible

³ Kum sagih a cin’ khit, Filistiate gam panin numei hong ciahkik ciangin, kumpipa kiangah a inn leh a leitang a ngen dingin paikhia hi.

Tedim Bible Revision 2017

³ Kum sagih a cin khit, Filistia-te gam panin tua numei hong ciahkik ciangin, kumpipa kiangah a inn le a leitang a ngen dingin a pai hi.

2 KUMPI NIHNATE 8:3 Referans Kwoze

Jeremiah 22:16

Amah in mizawngte leh mi cimawhte thuman tawh thukhen a, na khempeuh hoih pah hi. Tu-a banga hihna in kei nong theihna-uh hilo ahi hiam? Topa in kong ci hi.

2 KUMPI NIHNATE 8:6

Kumpipa in numei kiangah a dot ciangin tua nu in ama kiangah gen hi. Tua ahih ciangin kumpipa in a uliante khat sawlin, “Leitang a nusiat ni-a kipan tu hun dong lo pana a piang khempeuh tawh ama’ aa ahi khempeuh piakik in,” a ci hi.

2 KUMPI NIHNATE 6:26

Tu-in Israel kumpipa kulh zangah a pai lai takin numei khat ama tungah kiko-in, “Hong huh in, ka topa, Aw kumpipa!” a ci hi.

2 KUMPI NIHNATE 4:13

Tua ciangin amah in ama kiangah, “Tu-in tua nu kiangah hih bangin gen in, Thei in, kote’ adingin hih haksatna khempeuh na thuak hi; nang adingin bang kihih ding ahi hiam? Kumpipa kiang ahih kei leh galkap a ukpa kiangah nang tangin thu khat hong kigensak ding na ut hiam?” a ci hi. Amah in dawngin, “Keimah in ka mipihte lakah teng ka hih manin bangmah ka kisam kei hi,” a ci hi.

2 SAMUEL NIHNA 14:4

Tekoa numei kumpipa kiangah a pai ciangin lei-ah mai pukin zahtakna bawl a, “Hong huh in, Aw kumpipa,” a ci hi.

2 KUMPI NIHNATE 8:2

Tua ahih ciangin numei ding-in Pasian’ mipa’ thugen bangin gamta hi; tua nu a innkuan tawh pai-in Filistiate gamah kum sagih sung peem hi.

2 KUMPI NIHNATE 8:4

Tu-in Pasian’ mipa’ nasem Gehazi tawh kumpipa kiho-in, “Elisha’ sepna na lian khempeuh hong gen in,” a ci hi.

Ruth 1:7

Tua ahih ciangin a omna mun panin a mo tegel tawh tua nu dingkhia a, Judah gamah ciahkik dingin lam pai uh hi.