2 KUMPI NIHNATE 8:1 - Tedim Bible

¹ Tu-in Elisha in a tapa a nuntakna a hin’ kiksak numei kiangah, “Ding in, na innkuan tawh kihemkhia in la, na hih theihna peuhpeuh ah peem in; bang hang hiam cih leh Topa in kialpi khat tungsak a, gam sungah tua kialpi kum sagih sung hong tung ding hi,” ci khin zo hi.

Tedim Bible Revision 2017

¹ Tu-in Elisha in a tapa a hinkiksak numei kiangah, “Ding in; na innkuan tawh kihem khia inla, na hih theihna peuhpeuh ah peem in; bang hang hiam cih leh Topa in kialpi khat tungsak dinga, gam sungah tua kialpi kum sagih sung hong tung ding hi,” ci khinzo hi.

2 KUMPI NIHNATE 8:1 Referans Kwoze

Haggai 1:11

Keimah in gam sung teng, mual tung khempeuh, lo khempeuh, leenggui lo khempeuh, oliv cin’na lo khempeuh, leitang pan-a piang kung khempeuh, mihing, ganhing, leh mite’ nasepna khempeuh ah keuna ka tungsak hi,” a ci hi.

Late 105:16

Amah in leitungah kialpi tungsakin, an khempeuh a siatsak ciangin,

Ruth 1:1

Thukhente in a uk hun lai-in tua gam sungah kialpi tung a, Judah gam sunga Bethlehem khuami khat, amah leh a zi leh a tapa nihte tawh Moab gamah a peem dingin pai uh hi.

2 KUMPI NIHNATE 4:18

Naupang a gol ciangin ni khat a pa kiang anlate lakah pai hi.

Piancilna 12:10

Tu-in gamsungah kialpi tung hi. Tua ahih ciangin tua gamah kialpi nasia ahih manin Abram tawlkhat sung a om dingin Izipt-ah paisuk hi.

Luka 4:25

Ahih hangin ke’n aman takpi kong cih-inah, Elijah khan’ lai-in kum thum leh kha guk tawntung guahtui kang a, gam sung khempeuh ah kial a tun’ lai takin, Israel mipawlte lakah meigong tampi a om uh hi.

1 KUMPI MASATE 18:2

Tua ahih ciangin Ahab kiangah amah kilak tawm dingin Elijah pai hi. Tu-in Samaria ah kialpi nasia hi.

1 KUMPI MASATE 17:1

Tu-in Gileah gamsung Tishbe khua panin Tishbe mi Elijah in Ahab kiangah, “A mai-ah ka din’na Israel Pasian, Topa in a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

Siampi Laibu 26:26

Keimah in note’ nuntakna an ka suksiat ciangin, nupi sawm in meibung khat sungah na anlum uh em ding a, na anlum uh a tawi tehin hong pia kik ding hi; note in na ne ding uh a, na kham zo kei ding uh hi.

Sawltak 11:28

Tuate lakah Agabas kici khat in ding a, “Gam khempeuh sungah kial hong tung ding hi,” ci-in Kha Siangtho tawh a hilh hi. Tua kialpi in kumpipa Klaudias a man’ lai-in a hong tung hi.

Luka 21:22

Bang hang hiam na cih uh leh, tua ni ciangin a kigelh kholsa khempeuh a tun’ nadingin daanpiak ni ahi ding hi.

Luka 21:11

Ziin nakpi hong liing ding a, mun khat khatah kial leh pul hong tung ding hi. Van panin kihtakhuai nate leh lim lianpite hong kilang ding uh hi.

Jeremiah 25:29

Bang hang hiam cih leh, en un, ka min tawh a kilo khuapi sungah suksiatna ka pan ding hi. Note in bangmah a thuak lo ding kisa na hi uh hiam? Daan thuak loin na om kei ding uh hi, bang hang hiam cih leh a vanglian Topa in kong cih-inah, leitung-a teeng mi khempeuh that dingin namsau khat ka sawl hi,’ ci in.

2 SAMUEL NIHNA 24:13

Tua ahih ciangin David kiangah Gad hong pai-in ama tungah genin, ama kiangah, “Na gam sung nangma tungah kum thum kialpi hong tung ding hiam? Ahih kei leh na galte in nang hong delh lai takin amaute mai-ah kha thum sung tai ding na hi hiam? Ahih kei leh na gam sungah ni thum sung natna hong om ding ahi hiam? Tu-in ngaihsun in, kei hong sawlpa kiangah bang dawn’na puakkik ding ka hi hiam khentat in,” a ci hi.

2 SAMUEL NIHNA 21:1

Tu-in kum khat khit kum khat, David’ hun sungin kum thum sung kialpi tung hi; tua ciangin David in Topa’ kiangah thu dong hi. Tua ciangin Topa in, “Amah in Gibeon mite that ahih manin Saul leh a innkuan tungah mithah mawhna om hi,” a ci hi.

Piancilna 47:4

Amaute in Faro’ kiangah, “Hih gamah tawl khat a om dingin kong pai uh hi; bang hang hiam cih leh Kanaan gamah kialpi nasia lua ahih manin tua lai-ah na nasemte’ tuuhonte ading lonona om nawn lo hi; tu-in kong thum uh hi, na nasemte Goshen gamah hong teengsak in,” ci uh hi.

Piancilna 41:32

Faro’ mang nih a phakna pen tua thu in Pasian’ sehsa hi, a cih nopna hi a, Pasian in tomno sungin hong tungsak ding hi.

Piancilna 41:25

Tua ciangin Josef in Faro’ kiangah, “Faro’ mang in khat ahi hi; Pasian in ama' bawl ding Faro’ tungah hong kilangsak khin hi.

Piancilna 26:1

Abraham’ hun lai-a kialpi ban-ah, tu-in gamsungah kialpi tung hi. Filistia mite’ kumpipa Abimelek omna Gerar-ah Isaak pai hi.

Piancilna 41:54

Josef' gensa bangin kum sagih kialpi hong kipan hi. Gam dang khempeuhah kialpi om hi; ahih hangin Izipt gamsung tengah an om hi.

2 KUMPI NIHNATE 4:38

Tua ciangin tua gam sungah kialpi a tun’ lai takin Gilgal ah Elisha hong paikik hi. Kamsangte ama mai-ah a tut lai takin amah in a nasemte kiangah, “Beel lianpi suang in la, kamsangte’ ading meh huan in,” a ci hi.

2 KUMPI NIHNATE 7:20

Mite in kulh kongpi ah ama tung sikin pai-in amah si ahih manin ama tungah tua bangin piang hi.

2 KUMPI NIHNATE 8:2

Tua ahih ciangin numei ding-in Pasian’ mipa’ thugen bangin gamta hi; tua nu a innkuan tawh pai-in Filistiate gamah kum sagih sung peem hi.

2 KUMPI NIHNATE 4:36

Tua ciangin amah in Gehazi samin, “Hih Shunem numei sam in,” a ci hi. Tua ahih ciangin amah in tua nu sam hi. Tua nu ama kiangah hong pai ciangin amah in, “Na tapa la in,” a ci hi.

Amos 4:6

Na khuapi khempeuh uhah kial tungsakin, an nek ding nei loin note a hong koihpa in keimah hi napi-in, keima lamah nong kihei tuan kei uh hi, Topa in ci hi.