2 KUMPI NIHNATE 7:5 - Tedim Bible

⁵ Tua ahih ciangin amaute Siriate phual ah a pai dingin phalvak tungin tho uh hi; ahih hangin amaute Siriate’ phual a nawl a tun’ uh ciangin en in, tua lai-ah kuamah na om lo hi.

Tedim Bible Revision 2017

⁵ Tua ahih ciangin nitak khuamial tungin amaute kithawi-in, Syria-teʼ phualah a pai uh hi. Ahih hangin Syria-teʼ phual a nawl a tun uh ciangin tua lai ah kuamah na om nawn lo hi.

2 KUMPI NIHNATE 7:5 Referans Kwoze

Thu-hilhkikna 28:7

“Topa in, note langah hong pang na galte uh na mai uhah lelhna thuak sak ding hi; amaute lampi khat tawnin hong kuan ding uh a, note mai panin lam sagih tawnin taikeek ding uh hi.

Ezekiel 12:12

Amaute a uk ulianpa in khuamial lakah ama van a liangko-ah pua-in paikhia ding hi. Ama paikhiat nadingin amaute in kulh tawhvang sakin tua panin amah suakta ding hi. Amah in a mai humcip ding ahih manin a paina mun mu thei lo ding hi.

1 SAMUEL MASA 30:17

Tua ciangin David in a zing ciang phalvak-a kipan nitak dong amaute vatgawp hi; kalaoh tungah tuangin a tai tangval zalite sim loh amaute khat zong suakta lo hi.

Thu-hilhkikna 32:30

Amau a Honkhiapa in amaute zuakin, Topa in amaute a piak khiat kei buang leh bangci-in mi khat in mi tulkhat delh mangin, mi nih in mi tulsawm do zo ding ahi hiam?

Thu-hilhkikna 32:25

Namsau in amaute gamlakah susia in, inn sungah launa lianpi om ding a, tangval leh nungak, naungek nawi nete sam kangsate tawh susia khawm ding hi.

Siampi Laibu 27:26

“Ahih hangin tacil pen Topa’ aa ahih mah bangin, kuamah in ganhing tacilte ap thei lo ding hi; bawng hita leh tuu hita leh Topa’ aa ahi hi.

Siampi Laibu 27:8

Mi khat zawng lua-in nangma seh zah a piak zawh kei leh, amah in siampipa kiangah a mi hong paipih ding a, siampipa in ama man seh ding hi; a kiciam mipa a siamna tawh kizui-in siampipa in ama man seh ding hi.

2 KUMPI NIHNATE 7:4

Eite in, ‘Khuapi sungah lut ni,’ ci lehang, khuapi sungah kialpi om a, tua lai-ah eite i si ding hi; hih lai-ah tu lehang eite i si veve ding hi. Tua ahih ciangin tu-in hong pai-un, Siriate’ phualah va pai ni; amaute in eite hong khawi leh eite i nungta ding a, ahih hangin amaute in eite hong thah leh zong a si veve ding mah i hi lel hi,” kici uh hi.

2 KUMPI NIHNATE 7:6

Bang hang hiam cih leh Topa in leengte, leh sakolte, galkap hon lianpi khatte’ ging Siria galkapte zasak a, tua ahih ciangin amaute khat leh khat in, “En un, Israel kumpipa in eite hong hih dingin Hit kumpite leh Izipt kumpite cial hi,” kici uh hi.