2 KUMPI NIHNATE 7:2 - Tedim Bible

² Tua ciangin a ban tungah kumpipa a kingapna galkap ukpa in Pasian’ mipa kiangah, “Topa mahmah in vantungah kongvangneute hong bawl leh zong, hih bang thu hi thei ding ahi hiam?” a ci hi. Ahih hangin amah in, “Nangma mit mahmah tawh hih thu na mu ding a, ahih hangin nang in na ne kha kei ding hi,” a ci hi.

Tedim Bible Revision 2017

² Tua ciangin a ban tungah kumpipa a kingapna galkap ukpa in Pasianʼ mipa kiangah, “Topa mahmah in vantung tawlette hong hong taleh zong, hih bang thu hi thei ding ahi hiam?” a ci hi. Ahih hangin amah in, “Nangma mit mahmah tawh hih thu na mu dinga, ahih hangin nang in na ne kha kei ding hi,” a ci hi.

2 KUMPI NIHNATE 7:2 Referans Kwoze

Malakhi 3:10

Ka biakinn ah an a om theih nadingin sawm-ah khat a kimin hong paipih un. Kei hong ze-et dih un; vantung kongkhakte hongin, note’ adingin na hoih tampi kong piakna na mu ding uh hi.

Piancilna 7:11

Noah’ nuntak kum zaguk kum, a kha nihna, tua kha ni sawm-le-sagih ni-in van-a om a thuk mahmah tuikhukte puakkhamin, vantung kongvangneute kihong hi.

2 TIMOTI NIHNA 2:13

Eite i muanhuai loh hangin, Ama muanhuaina a kip den hi. Bang hang hiam cih leh, Amah in amah leh amah a kitheihmawh bawl thei kei hi.

ROM (Romans) 3:3

Judah mi kimkhatte in upna nei lo ahih uh leh, a up lohna un Pasian’ dikna a siasak ding hiam?

Late 78:41

Amaute in amah ze-et kikkik uh a, Israelte’ Siangtho Pa phin uh hi.

Isaiah 7:9

Efraim’ lutang in Samaria hi a, Samaria’ lutang in Remaliat’ tapa ahi hi. Hih thu upna kho na neih kei leh, nang na kip kei ding hi,’ va ci in,” ci-in a gen hi.

2 KHANG TANGTHU NIHNATE 20:20

Tua ciangin zingsangin amaute tho baihin Tekoa gamlakah paikhia uh hi; amaute a paikhiat lai takin Jehoshafat ding-in, “Judah leh Jerusalem a, teengte aw, ka thugen za un! Topa na Pasian uh um un, tua hi leh note na kip ding uh hi; ama kamsangte um un, tua hi leh na mavang ding uh hi,” a ci hi.

2 KUMPI NIHNATE 5:18

Ahi zongin hih thu-ah Topa in na nasempa a mawhna hong maisak hen: ka topa Rimmon inn sungah a bia dingin pai-in ka ban tungah kingam a, Rimmon inn sungah kei ka kun ciangin, hih thu-ah Topa in na nasempa hong maisak hen,” a ci hi.

Thu-hilhkikna 3:27

Pisgah mual dawnah paito in la, nitumna lam, leilu lam, leitaw lam leh nisuahna lamah na mit sang hah to in la, na mit tawh gal-et in; bang hang hiam cih leh nangmah in hih Jordan na kantan kei ding hi.

Jeremiah 29:32

Topa in kong cih-inah: En un, keimah in Nehelam khuami Shemai-ah leh a suan a khakte daan ka tat ding hi. Amah in keimah hong langpan nading thu gen ahih manin ka mite ading-a a hoih ka bawl ding nate, amah leh a suan a khakte khat beek in a mu kei ding uh hi,” Topa in kong ci hi,” a ci hi.

Gamlak-vakna 11:13

Hih mite khempeuh piak ding koi lai-ah sa ngah ding ka hi hiam? Bang hang hiam cih leh ka mai-ah amaute kap-in, ‘Ka nek ding uh sa hong pia in,’ hong ci uh hi.

Gamlak-vakna 23:19

A zuau dingin Pasian in mihing hi lo hi, a kisik dingin mihing’ tapa hi lo hi. Amah in ci khin hi, amah in hih lo ding ahi hiam? Amah in gen khin hi, amah in tangtungsak lo ding ahi hiam?