2 KUMPI NIHNATE 4:1 - Tedim Bible

¹ Tu-in kamsang honte sung pan khat’ zi Elisha tungah kiko-in “Na nasem ka pasal si hi; na nasempa in Topa a zahtakna na thei hi, ahih hangin ka tate nih sila dingin a la dingin a leibatna-pa hong pai hi,” a ci hi.

Tedim Bible Revision 2017

¹ Tu-in kamsang honte sung pan mi khatʼ zi Elishaʼ tungah kiko-in, “Na nasem ka pasal si hi. Na nasem pa in Topa a zahtakna na thei hi. Ahih hangin ka tapate nih sila dingin a la dingin a leibatna pa hong pai hi,” a ci hi.

2 KUMPI NIHNATE 4:1 Referans Kwoze

Mattiu 18:25

Tua pa in a leiba loh nading nei lo ahih ciangin, ‘Amah a kipan, a zite, a tate, a sum khempeuh zuakin a leiba hong loh ta hen,’ a topa in a ci hi.

2 KUMPI NIHNATE 2:3

Tua ciangin Beth-el ah a om kamsang honkhat Elisha kiangah hong paikhia uh a, ama kiangah, “Topa in tu ni-in nangma kiang panin na topa a lakkhiat ding na thei hiam?” a ci uh hi. Tua ciangin amah in, “Hi hi, ka thei hi; bangmah gen nawn kei un,” a ci hi.

Mangmuhna 19:5

Tokhom sung pan a pusuak aw in: “Topa a kihta a neu a lian mi, a silate aw, eite Pasian phat un,” a ci hi.

Mattiu 18:30

sum neipa in hehpih nuam lo a, a leiba khempeuh a loh khit matengin thong sungah a khum hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

Malakhi 3:16

Topa a zahtak mite khat leh khat in tua bangin thu kigen uh a, amaute’ thugennate, Topa in ngai-in za hi. Topa in laibu khat nei a, amah zahtakin a thupi ngaihsut mite khempeuh tua sungah kiciamteh hi.

Late 147:11

Topa in amah a zahtak mite leh ama itna kip a muangte tungah lungkim hi.

Late 103:17

Ahih hangin, Topa’ itna kip pen, amah a zahtak mite tungah a tawntung panin a tawntung dongin kip ngitnget a, ama thumanna pen, ama thuciamna zui-in a thupiakna bangin sep ding a phawk mite’ tungah a khang khangin kip tawntung hi.

Late 103:11

Vantung in leitung panin a san’ mah bangin, amah a zahtakte tungah ama itna kip lianin sang mahmah hi,

1 SAMUEL MASA 22:2

Tua ciangin a lungkham mi khempeuh, leh leiba a nei mi khempeuh, leh a lungkim lo mite khempeuh ama kiangah kikhawm uh hi; amah in amaute tungah a ukpa a suak hi. Tua lai-ah amah tawh mihing zali bang om hi.

Mangmuhna 15:4

Topa aw, nang min kua in kihta lo, phat loin a om ding hiam? Bang hang hiam na cih uh leh, Nang bek na siangtho a, Nangma dikna gamtatnate in a kilang zo ahih ciangin Mipawl khempeuh in na mai-ah hong thuumin, hong bia ding uh hi,” ci-in a phat uh hi.

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

Sawltak 13:26

“Abraham’ suan akipan ute naute leh no lakah Pasian a kihtate aw, hih gupna thu eite kiangah hong khak zo hi.

Mattiu 18:35

Note in zong na u na nau uh’ khialhna na lungsim panun maisak kei le-uh teh, vantung khua-ah a om ka Pa in tua kumpipa mah bangin, note khempeuh tungah hong bawl ding hi.” a ci hi.

Jeremiah 34:14

note kianga nasem dinga hong kizuak na Hebru mipihte uh in no adingin kum guk na hong sep sak khit a kum sagihna sungin na khah khia ding uh a, na na uh na sem sak nawn kei ding uh hi, ka ci hi. Ahih hangin na pute na pate un ka thu hong ngai lo uh a, hong mang lo uh hi.

Thuhilh-sia 12:13

Hih thute khempeuh banah, gen ding thu khat bek om hi. Mihing hong kipian’sakna, a thu bulpipen in: Pasian zahtakna, leh a thupiaknate man’na ahi hi.

Thuhilh-sia 8:12

Mawhnei khat in zavei dong siatna bawl napi-in, a khan’ sau veve hi. Ahi zongin, “Pasian a zahtakte adingin, thu khempeuh nuam ding hi.

Nehemiah 10:31

Hih mite in sabbath ni-in van ahi a, an ahi zongin hong zuak leh sabbath ni leh ni siangtho khat peuhpeuh ni-in i lei kei ding hi. Kum sagihna-a an piangte lo-ah nusia-in tua kumin leiba khempeuh i maisak ding hi.

Nehemiah 7:2

ka sanggampa Hanani leh galdalna inn a uk Hananiah in a et dingin Jerusalem ka pia hi; bang hang hiam cih leh Hananiah in midang tampi sangin a citakzaw, Pasian a zahtakzaw mi khat ahi hi.

2 KUMPI NIHNATE 4:38

Tua ciangin tua gam sungah kialpi a tun’ lai takin Gilgal ah Elisha hong paikik hi. Kamsangte ama mai-ah a tut lai takin amah in a nasemte kiangah, “Beel lianpi suang in la, kamsangte’ ading meh huan in,” a ci hi.

2 KUMPI NIHNATE 2:5

Jerikho ah a om kamsang honkhat in Elisha kiangah hong naih uh a, ama kiangah, “Topa in tu ni-in nangma kiang panin na topa a lakkhiat ding na thei hiam?” a ci uh hi. Tua ciangin amah in dawngin, “Hi hi, ka thei hi; bangmah gen nawn kei un,” a ci hi.

1 KUMPI MASATE 20:35

Tua ciangin Topa’ thupiakna tawh kamsangte’ tapate mi khat in a lawmte khat kiangah, “Hong sat in, kong thuum hi,” a ci hi. Ahih hangin a mipa in amah sat nuam lo hi.

1 KUMPI MASATE 18:3

Tua ciangin Ahab in kumpi inn sung a ukpa Obadiah sam hi. (Obadiah in nakpi takin Topa zahtak hi;

Siampi Laibu 25:48

amah in a kizuak khit ciangin amah kitanh kik thei ding hi; ama sanggamte khatpeuh peuh in amah tanh thei ding hi;

Piancilna 22:12

Amah in, “Tangvalpa su kei in, ama' tungah bangmah hih kei in; bang hang hiam cih leh nang in Pasian na zahtakna tu-in ka thei a, na tapa, na tapa khat bek ahi, keima adingin na humcip lohna ka mu hi,” ci hi.

Late 115:13

amah in Topa a zahtakte alian aneu-in thupha hong pia ding hi.

2 KUMPI NIHNATE 6:9

Ahih hangin Pasian’ mipa in Israel kumpipa tungah thu puak a, “Siriate in hong buksim uh ahih manin hih mun na nawk khak loh nadingin kingaihsun in,” a ci hi.

Isaiah 50:1

Topa in: “Amah ka ciahsakna, na nu a kimakna lai koi-ah om ahi hiam? Tua ahih kei leh, nang kong zuakna ka lei batnate koi pen ahi hiam? En un, nomau’ mawhna hangin note hong kizuak a, nomau’ khialhna hangin na nu uh kipaikhiasak hi.

Ruth 1:3

Ahih hangin Naomi’ pasal Elimelek si a, a tapa nihte bek tawh tua nu om hi.

2 KUMPI NIHNATE 2:7

Kamsang mihing sawmnga zong pai a, amaute gel Jordan gei-ah a din’ lai tak, a kiang panun a gamla simah amaute ding uh hi.

2 KUMPI NIHNATE 2:15

Tu-in Jerikho ah a om kamsangte in amah a muh uh ciangin amaute in, “Elijah’ kha Elisha tungah om hi,” a ci uh hi. Tua ciangin amah dawn dingin amaute hong pai uh a, ama mai lei lakah amaute kun uh hi.

Paunak 22:7

Mihaute in mizawngte uk a, leitawi a late in a piate’ sila suak hi.