2 KUMPI NIHNATE 3:4 - Tedim Bible

⁴ Tu-in Moab kumpi Mesha in tuu khawipa ahi hi; amah in Israel kumpipa tungah kum simin tuuno tul zakhat, leh tuutal tul zakhat’ mul a piak ding ahi hi.

Tedim Bible Revision 2017

⁴ Moab kumpipa Mesha pen tuu khawi pa ahi hi. Amah in Israel kumpipa tungah kum simin tuuno tul za khat le tuutal tul za khatʼ mul a piak ding ahi hi.

2 KUMPI NIHNATE 3:4 Referans Kwoze

2 SAMUEL NIHNA 8:2

Tua ciangin amah in Moab mite zo a, amaute khauzang khat tawh tehin, lei lakah amaute lumsak hi; amah in thah dingin gual nih leh khah dingin gual khat dim teh hi. Tua ciangin Moab mite in David’ nasemte suakin siah puak uh hi.

Late 60:8

Moab gam in ka kisilna kuang hi; Edom gam tungah ka khedap ka lawn hi; Filistia gam tungah gualzawhna tawh ka awng hi,”

JOB (Job) 42:12

Tua tham loin Topa in Job’ nuntakna a masa lam sangin a nunung lamah thupha lim piakzaw hi. Job in tuu tulsawm leh tulli, kalaoh tulguk, bawngtal kap tulkhat, leh la a pi tulkhat nei hi.

JOB (Job) 1:3

Amah in tuu tulsagih, kalaoh tulthum, bawngtal kap zanga, leh la a pi zanga, leh nasem tampi tak nei hi; tua ahih manin nisuahna gam sungah Job in a haupen khat ahi hi.

2 KHANG TANGTHU NIHNATE 26:10

Tua ciangin amah in gamlakah tausangte lam a, Shefelah leh zanglei ah ganhon tampi nei ahih manin tuikhuk tampi to a, amah in lei nasep uk ahih manin mual tung leh lei hoihna gamte ah lokhote leh leenggui puahte nei hi.

1 KHANG TANGTHU MASATE 18:2

Tua ciangin amah in Moab mite zo a, Moab mite David’ nasem suakin siah hong puak uh hi.

Piancilna 13:2

Tu-in Abram in ganhing, ngun, leh kham hau mahmah hi.

2 SAMUEL NIHNA 8:6

Tua ciangin David in Damaskas gam Aram ah khuacingte koih hi; Siria mite David’ nasem suak uh a, siah puak uh hi. Topa in David a paina peuhpeuh ah gualzawhna pia hi.