2 KUMPI NIHNATE 3:3 - Tedim Bible

³ ahi zongin amah in Israelte a khialsak Nebat’ tapa Jeroboam’ khialhna mah pom hi; tua panin amah kihemkhia lo hi.

Tedim Bible Revision 2017

³ ahi zongin amah in Israel a khialsak Nebatʼ tapa Jeroboamʼ khialhna mah pom lai hi; tua panin amah kihem khia lo hi.

2 KUMPI NIHNATE 3:3 Referans Kwoze

1 KUMPI MASATE 14:16

Tua ciangin ama khialhna leh Israelte a khialhsakna ahi Jeroboam’ khialhna hangin amah in Israel nusia ding hi,” a ci hi.

2 KUMPI NIHNATE 17:22

Israel mite in Jeroboam’ khialhna khempeuh hih uh hi; kamsangte ahi a nasemte khempeuh tung tawnin a gensa bangin Topa in ama muhna panin Israel a hepkhiat dongin tuate panin amaute kihem lo uh hi. Tua ahih ciangin amau’ gam panin Assiria’ah tu ni dongin Israel sal-in om hi.

2 KUMPI NIHNATE 15:18

Amah in Topa muhna ah a sia gamta hi; Israel a khialhsakna, Nebat’ tapa Jeroboam’ khialhnate khempeuh panin a nuntak sung tawntung amah kihem khia lo hi.

2 KUMPI NIHNATE 15:9

A pate’ hihsa bangin amah in Topa’ muhna ah a sia gamta hi. Israel a khialhsakna, Nebat’ tapa Jeroboam’ khialhnate panin amah kihem khia lo hi.

2 KUMPI NIHNATE 14:24

Amah in Topa muhna ah a sia gamta hi; Israel a khialhsakna, Nebat’ tapa Jeroboam’ khialhnate khempeuh panin amah kihem khia lo hi.

2 KUMPI NIHNATE 13:11

Amah in zong Topa’ muhna ah a sia gamta hi; Israelte a khialhsakna, Nebat’ tapa Jeroboam’ khialhnate, khempeuh panin amah kihem khia lo a, tua mah bangin amah gamta hi.

2 KUMPI NIHNATE 13:6

Ahi zongin Israel a khialhsakna, Jeroboam’ innkuante’ khialhnate panin amaute kihem khia lo uh a, amaute in tuate zui uh hi; Ahserah milim zong Samaria mah-ah om lai hi.)

2 KUMPI NIHNATE 13:2

Amah in Topa’ muhna ah a sia gamta a, Israelte a khialhsakna, Nabat’ tapa Jeroboam’ khialhnate zui hi; tuate panin amah kihem khia lo hi.

1 KUMPI MASATE 16:31

Nebat’ tapa Jeroboam’ khialhnate zuih ding ama adingin a thu zang tawh a kibat mah bangin, amah in Sidon mite’ kumpi Ethba-al’ tanu Jezebel zi-in la a, pai-in Baal’ na semin bia hi.

1 KUMPI MASATE 15:34

Amah in Topa muhna ah a sia gamta a, Jeroboam’ khekhap mah tawnin, Israel a khialhsakna ama khialhna mah zui hi.

1 KUMPI MASATE 15:26

Amah in Topa muhna ah a sia gamta a, a pa’ khekhap mah tawnin, Israel a khialhsakna ama khialhna mah zui hi.

1 KUMPI MASATE 14:9

nangmah in na mai-a om mite khempeuh sangin siatna bawl zaw-in, pai-in pasian dangte leh a kisung milimte nang adingin bawlin ka heh nadingin nong phin a, na nung lamah kei nong paai hi;

1 KUMPI MASATE 13:33

Hih thu khit ciangin ama gamtat sia panin Jeroboam kihei tuan lo a, mite khempeuh sung panin mual tunga biaknate a, sem ding siampite bawl kik hi; amah in a ut peuhpeuh mualtunga biakna siampi dingin ap hi.

2 KUMPI NIHNATE 17:21

Amah in David innkuan panin Israel gam a balkhiat khit ciangin Israel mite in Nebat’ tapa Jeroboam kumpi-in koih uh hi. Tua ciangin Jeroboam in Topa zuihna panin Israel hawlkhia-in khialhna lianpi amaute bawlsak hi.

2 KUMPI NIHNATE 21:16

Tua tham loin amaute in Topa’ muhna ah a sia a gamtat nadingun amah in Judah mite a khialhsakna banah, Jerusalem mong khat pan mong khat sisan tawh a kidimsak dongin Manasseh in mawhbaang lo mi tampi that hi.

2 KUMPI NIHNATE 23:15

Tua tham loin Israelte a khialsak Nebat’ tapa Jeroboam in Beth-el ah a phuhsa mual tunga biakna, tua biakna mun a biakna tau tawh, amah in phelin a suangte sukham a, tuate satvui hi; amah in Asherah milim zong hal hi.