2 KUMPI NIHNATE 21:3 - Tedim Bible

³ Bang hang hiam cih leh amah in a pa Hezekiah’ suksiatsa mual tunga biaknate lamkik hi; tua ciangin amah in Baal adingin biakna taute phut a, Israel kumpipa Ahab’ bawl bangin Asherah milim khat bawl a, vantung a, om nate khempeuh bia-in tuate’ na sem hi.

Tedim Bible Revision 2017

³ Bang hang hiam cih leh amah in a pa Hezekiahʼ suksiat sa mual tunga biaknate lamkik hi. Tua ciangin amah in Baal adingin biakna taute phut a, Israel kumpi Ahabʼ bawl bangin Asherah milim khat bawl a, vantung a om nate khempeuh bia-in tuateʼ na a sem hi.

2 KUMPI NIHNATE 21:3 Referans Kwoze

2 KUMPI NIHNATE 18:4

Amah in mual tunga biaknate hemkhia-in, khuampite sutan a, Asherah milim phuk pai hi. Tua ciangin amah in Moses’ bawlsa sumngo gulpi satnen hi; bang hang hiam cih leh tua ni dongin Israel mite in tua tungah paknamtui hal uh hi; tua pen Nehushtan kici hi.

2 KUMPI NIHNATE 17:16

Amaute in Topa a Pasian uh thupiakte khempeuh nusia-in amau’ adingin a kisung bawngno nih lim bawl uh hi; amaute in Asherah milim khat bawl uh a, vantung a, om nate khempeuh bia-in Baal’ na sem uh hi.

Thu-hilhkikna 17:3

pasian dangte’ na semin tuate bia ahi zongin, keimah in ka kham ahi ni ahi a, kha ahi a, vantung na khatpeuh peuhte’ na semin bia ahi zongin,

Thu-hilhkikna 4:19

Note in na mit uh tawh vantung lam en to-in, ni leh kha leh aksite, vantung na khempeuh na muh uh ciangin, vantung nuai khempeuh a, mite tungah Topa na Pasian un a piak nate lamah kihei-in tuate bia-in a na na sep khak ding uh kidawm un.

Micah 6:16

Bang hang hiam cih leh Kumpi Omri’ gamtatna teng zui-in, ama tapa Kumpi Ahab’ sep khempeuh na sem uh a, amau’ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amaute’ simmawhna na thuak ding uh hi.

JOB (Job) 31:26

A taang mahmah ni ahi a, a hoih mahmah kha ahi zongin, cik mahin ka bia ngei kei hi.

2 KHANG TANGTHU NIHNATE 34:3

Bang hang hiam cih leh ama uk a kum giatna sung, amah naupang ahih laipi mahin, amah in a pu David’ Pasian zon’ ding kipan hi; a kum sawm-le-nihna ciangin amah in Judah leh Jerusalem panin mual dawn a, biak piaknate, Asherah milimte, leh a kiseek leh a kisung milimte beisiang sak ding kipan hi.

2 KHANG TANGTHU NIHNATE 32:12

Hih Hezekiah mah in mual dawn a, a biak piaknate leh ama biakna taute la khia-in Judah leh Jerusalem thu pia a, “Biakna tau khat mai-ah note in bia-in tua tungah na biak piaknate uh na hal ding uh hi,” ci hilo ahi hiam?

2 KUMPI NIHNATE 18:22

Ahih hangin note in kei kiangah, “Kote in Topa ka Pasian uh ka suang uh hi,” na cih uh leh, Hezekiah in mual tunga biaknate leh a biakna taute hepkhiat sakin Judah leh Jerusalem tung a, “Jerusalem khua sung hih biakna tau mai-ah na bia ding uh hi,” a cihpa hilo ahi hiam?

2 KUMPI NIHNATE 8:27

Amah in zong Ahab’ innkuante’ makpa ahih manin Ahab’ innkuante’ gamtatnasa bangin Topa’ muhna ah a sia gamta a, Ahab’ innkuante’ lampi mah tawn hi.

2 KUMPI NIHNATE 8:18

Ahab’ tanu in ama zi ahih manin Ahab’ innkuante’ gamtatnasa, Israel kumpite’ lampi mah amah in tawn hi. Amah in Topa muhna ah a sia gamta hi.

1 KUMPI MASATE 18:26

Tua ciangin amaute in amau tungah a kipia bawngtal la-in bawl uh a, zingsang-a kipan sun dong Baal tungah thu ngenin, “Baal aw, kote hong dawng in!” a ci uh hi. Ahih hangin awging om lo a, kuamah in dawng lo hi. Tua ciangin amau’ bawlsa biakna tau-ah amaute diang uh hi.

1 KUMPI MASATE 18:21

Tua ciangin mi khempeuh mai-ah Elijah hong pai-in, “Ngaihsutna kibang lo thu nih-ah bang tan vei kip loin om ding na hi uh hiam? Topa in Pasian ahih leh amah zui un; ahih hangin Baal pen Pasian ahih leh amah zui un,” a ci hi. Tua ciangin mite in kam khat beek dawng lo uh hi.

Thu-hilhkikna 16:21

“Note in na bawlsa uh ahi Topa na Pasian uh biakna tau kiangah Asherah milim dingin khuam khatpeuh peuh na phut kei ding uh hi.

Thu-hilhkikna 17:2

“Topa note’ Pasian in note hong piak khua khatpeuh peuh sungah numei ahi a, pasal ahi zongin, ama thuciamna palsatin, Topa na Pasian uh muhna ah a sia-a gamta kimu-in,

Jeremiah 7:30

“Bang hang hiam cih leh, Topa in kong cih-inah, Judah mite in hoih ka sak loh nate a hih khin zo uh hi. Ka min tawh a kilo ka biakinn a nit sak nadingun kihhuai milimte a koih uh hi.

2 KUMPI NIHNATE 13:6

Ahi zongin Israel a khialhsakna, Jeroboam’ innkuante’ khialhnate panin amaute kihem khia lo uh a, amaute in tuate zui uh hi; Ahserah milim zong Samaria mah-ah om lai hi.)

Isaiah 65:11

Ahih hangin kei a hong nusia, keima mual siangtho a mangngilh, Gad pasian’ adingin sabuai phahin, Meni pasian’ adingin zu helsa hai sungah a dim note pen;