2 KUMPI NIHNATE 2:5 - Tedim Bible

⁵ Jerikho ah a om kamsang honkhat in Elisha kiangah hong naih uh a, ama kiangah, “Topa in tu ni-in nangma kiang panin na topa a lakkhiat ding na thei hiam?” a ci uh hi. Tua ciangin amah in dawngin, “Hi hi, ka thei hi; bangmah gen nawn kei un,” a ci hi.

Tedim Bible Revision 2017

⁵ Jerikho ah a om kamsang hon khat in Elisha hong naihin ama kiangah, “Topa in tu ni-in nangma kiang panin na topa a lakkhiat ding na thei hiam?” a ci uh hi. Tua ciangin amah in dawngin, “Hi hi, ka thei hi; bangmah gen nawn kei un,” a ci hi.

2 KUMPI NIHNATE 2:5 Referans Kwoze

2 KUMPI NIHNATE 2:3

Tua ciangin Beth-el ah a om kamsang honkhat Elisha kiangah hong paikhia uh a, ama kiangah, “Topa in tu ni-in nangma kiang panin na topa a lakkhiat ding na thei hiam?” a ci uh hi. Tua ciangin amah in, “Hi hi, ka thei hi; bangmah gen nawn kei un,” a ci hi.

Sawltak 1:11

“Galile mite aw, bang hangin vantung lam ento na hi uh hiam? Note kiang pan vantungah a kilato Zeisu in vantungah a pai na muh uh bangin khatvei hong kumsuk kik ding hi,” a ci uh hi.

Sawltak 1:2

a tunglam a kilaktoh ni dong matengin a bawlsa leh a thuhilh khempeuh, a masa lai sungah ka gelh zo hi.

Luka 24:51

Tua bang a thupha a piak lai takin, amaute tawh kikhen a, vantungah kilato hi.

Habakkuk 2:20

Topa, a biakinn siangtho sungah om hi; leitung mi khempeuh, ama mai-ah dai dide-in om ta hen.

Isaiah 41:1

Tuikulh gamte aw, gamdai takin ka thu ngai un; na mite a tha uh dimsak un la, amaute a mai-ah hong paisak un. Amaute thugen theihna ding hun ngah ding uh hi. Thukhen zumah kei tawh kisi nung.

Thuhilh-sia 3:7

Balkeek hun om a, phop hun om hi. Daih hun om a, pau hun om hi.

Piancilna 48:19

Ahih hangin a pa in nial a, “Ka thei hi, ka ta aw, ka thei hi; amah zong mi khat suak ding a, amah zong lian ding hi; ahi zongin a naupa amah sangin lianzaw ding a, a suan-le-khakte in minam lianpi khat suak ding hi,” ci hi.

Sawltak 26:25

Paul in, “Mangpa Festas aw, ka hai kei hi. Thuman leh sanhuai thute ka gen hi.

1 SAMUEL MASA 10:5

Tua khit ciangin Filistia khuacingte a omna Gibeath-elohim na tung ding hi: tua lai mun khuapi sung na tun’ ciangin amaute mai-ah, harp lasakna, khuangneu, tamngai, leh laiza lasakna tawh mailam thu genkholin mual tunga biakna panin hong paisuk kamsang honkhat na tuak ding hi.

Amos 7:14

Amos in Amaziah dawng a, “Keimah in kamsang ka hi kei a, kamsangte’ ta zong ka hi beek kei hi. Keimah in tuucing ka hi a, theiba huan puah tawh a thuah ka hi hi.

1 KUMPI MASATE 20:35

Tua ciangin Topa’ thupiakna tawh kamsangte’ tapate mi khat in a lawmte khat kiangah, “Hong sat in, kong thuum hi,” a ci hi. Ahih hangin a mipa in amah sat nuam lo hi.

2 KUMPI NIHNATE 4:1

Tu-in kamsang honte sung pan khat’ zi Elisha tungah kiko-in “Na nasem ka pasal si hi; na nasempa in Topa a zahtakna na thei hi, ahih hangin ka tate nih sila dingin a la dingin a leibatna-pa hong pai hi,” a ci hi.

2 KUMPI NIHNATE 5:22

Tua ciangin amah in, “A vekpi-in hoih hi. Ka topa in, ‘Kamsangte nih Efraim mualtung gam panin kei kiangah tu mahmahin hong tung hi; kong thum hi, amaute tungah ngun talen khat leh pawi puan nih pia in,’ a ci dingin hong sawl hi,” a ci hi.

2 KUMPI NIHNATE 6:1

Tu-in kamsangte khat in Elisha kiangah, “Thei in, nangma ukna nuai-a ka ten’na mun uh kote’ adingin neu lua hi.

2 KUMPI NIHNATE 9:1

Tua ciangin kamsang Elisha in kamsangte’ sung pan khat samin ama kiangah, “Kithawi in la, hih sathau um tawi-in Ramoth-gilead ah va pai in.