2 KUMPI NIHNATE 2:4 - Tedim Bible

⁴ Elijah in ama kiangah, “Elisha aw, hih lai-ah khawl in, kong thum hi; bang hang hiam cih leh Topa in Jerikho-ah kei hong sawl hi,” a ci hi. Ahih hangin amah in, “Topa a nuntak bang, leh nang mahmah na nuntak mah bangin, nang kong nusia kei ding hi,” a ci hi. Tua ahih ciangin Jerikho ah amaute tung uh hi.

Tedim Bible Revision 2017

⁴ Tua ciangin Elijah in Elisha kiangah, “Elisha aw, hih lai ah khawl in, kong thum hi; bang hang hiam cih leh Topa in Jerikho ah kei hong sawl hi,” a ci hi. Ahih hangin amah in, “Topa nungta a, nang mahmah na nuntak mah bangin, nang kong nusia ngei kei ding hi,” a ci hi. Tua ahih ciangin Jerikho ah amaute tung uh hi.

2 KUMPI NIHNATE 2:4 Referans Kwoze

2 KUMPI NIHNATE 2:2

Tua ciangin Elijah in Elisha kiangah, “Hih lai-ah khawl in, kong thuum hi; bang hang hiam cih leh Topa in Beth-el ciang dong kei hong sawl hi,” a ci hi. Ahih hangin Elisha in, “Topa a nuntak bang, leh nang mahmah na nuntak mah bangin, nang kong nusia kei ding hi,” a ci hi. Tua ahih ciangin amaute Beth-el-ah paisuk uh hi.

Joshua 6:26

Tua hun lai takin Joshua in amaute tungah thuciamna khat koih a, “Mi khat kipanin hih Jerikho khuapi a lamkikpa in Topa mai-ah samsiatna thuak ta hen. A tacil luang khaamin tua khuapi bulpi phut ding a, A tapa neu pen luang khaamin a kulh kongpite phut ding hi,” a ci hi.

Luka 19:1

Zeisu Jerikho khuapi sungah lut a, khua sung a paisuak lai takin,

2 KUMPI NIHNATE 4:30

Tua ciangin naupang’ nu in, “Topa a nuntak bang, leh nang mahmah na nuntak mah bangin, nang kong nusia kei ding hi,” a ci hi. Tua ahih ciangin amah ding-in tua nu zui hi.

1 KUMPI MASATE 16:34

Ama hun sungin Beth-el mi Hiel in Jerikho lam hi; Topa in Nun’ tapa Joshua tung tawnin a gen bangin amah in tacil Abiram’ luang khamin a bulpi phut a, a tapa neu pen Segub’ luang khamin a kongpite phut hi.

Sawltak 11:23

Barnabas a tun’ ciangin Pasian’ hehpihna thupha a muh ciangin a lungdamin amaute in a lungsim tawh Pasian beel dingin mi khempeuh a hansuah hi.

Sawltak 2:42

Amaute in sawltakte’ thuhilhna a mang uh a, kipawl khawmna, khomun balnenna leh thungetna a bawl tawntung uh hi.

1 SAMUEL MASA 1:26

Tua nu in, “Aw, ka topa! Nangmah in a nungta na hih mah bangin ka topa aw, keimah in Topa tungah thu ngenin nangma omna hih lai mun-ah a ding nu ka hi hi.

Joshua 6:1

Tu-in Israel mite hangin a sunglam leh a pualam panin Jerikho kikhak cip hi; kuamah pusuak lo hi, kuamah sungtum lo hi.

Ruth 1:16

Ahih hangin Ruth in, “Nang kong nusiat nading ahi a, nang zuihna pan ka ciahkik nading ahi zongin hong cici kei in; bang hang hiam cih leh na paina-ah ka pai ding a, na giahna-ah ka giak ding hi; na mite in keima mite hi ding a, na Pasian in keima Pasian hi ding hi;