2 KUMPI NIHNATE 2:3 - Tedim Bible

³ Tua ciangin Beth-el ah a om kamsang honkhat Elisha kiangah hong paikhia uh a, ama kiangah, “Topa in tu ni-in nangma kiang panin na topa a lakkhiat ding na thei hiam?” a ci uh hi. Tua ciangin amah in, “Hi hi, ka thei hi; bangmah gen nawn kei un,” a ci hi.

Tedim Bible Revision 2017

³ Tua ciangin Bethel ah a om kamsang hon khat Elisha kiangah hong pai-in ama kiangah, “Topa in tu ni-in nangma kiang panin na topa a lakkhiat ding na thei hiam?” a ci uh hi. Tua ciangin amah in, “Hi hi, ka thei hi; bangmah gen nawn kei un,” a ci hi.

2 KUMPI NIHNATE 2:3 Referans Kwoze

2 KUMPI NIHNATE 4:38

Tua ciangin tua gam sungah kialpi a tun’ lai takin Gilgal ah Elisha hong paikik hi. Kamsangte ama mai-ah a tut lai takin amah in a nasemte kiangah, “Beel lianpi suang in la, kamsangte’ ading meh huan in,” a ci hi.

2 KUMPI NIHNATE 4:1

Tu-in kamsang honte sung pan khat’ zi Elisha tungah kiko-in “Na nasem ka pasal si hi; na nasempa in Topa a zahtakna na thei hi, ahih hangin ka tate nih sila dingin a la dingin a leibatna-pa hong pai hi,” a ci hi.

2 KUMPI NIHNATE 9:1

Tua ciangin kamsang Elisha in kamsangte’ sung pan khat samin ama kiangah, “Kithawi in la, hih sathau um tawi-in Ramoth-gilead ah va pai in.

1 KUMPI MASATE 20:35

Tua ciangin Topa’ thupiakna tawh kamsangte’ tapate mi khat in a lawmte khat kiangah, “Hong sat in, kong thuum hi,” a ci hi. Ahih hangin a mipa in amah sat nuam lo hi.

Sawltak 22:3

Paul in a gen-inah: “Kilikia gam, Tarsas khua-a suak, Judah mi ka hi hi. Ahih hangin hih khua sungah Gamaliel’ khe kiangah anvaakna ngahin, i pu i pate’ thukhamte sinin a siamsa ka hi a, tuni-a note khatpeuh peuh zahin Pasian’ ading a hahkat mipa ka hi hi.

Isaiah 8:18

En un, Topa in kei hong piak ka tate leh keima pumpi pen, Zion Mual tunga a teeng Vanglianpen Topa’ tung panin Israel mite sungah lim leh kihilna ka hi uh hi.

2 KUMPI NIHNATE 5:22

Tua ciangin amah in, “A vekpi-in hoih hi. Ka topa in, ‘Kamsangte nih Efraim mualtung gam panin kei kiangah tu mahmahin hong tung hi; kong thum hi, amaute tungah ngun talen khat leh pawi puan nih pia in,’ a ci dingin hong sawl hi,” a ci hi.

2 KUMPI NIHNATE 2:15

Tu-in Jerikho ah a om kamsangte in amah a muh uh ciangin amaute in, “Elijah’ kha Elisha tungah om hi,” a ci uh hi. Tua ciangin amah dawn dingin amaute hong pai uh a, ama mai lei lakah amaute kun uh hi.

2 KUMPI NIHNATE 2:7

Kamsang mihing sawmnga zong pai a, amaute gel Jordan gei-ah a din’ lai tak, a kiang panun a gamla simah amaute ding uh hi.

2 KUMPI NIHNATE 2:5

Jerikho ah a om kamsang honkhat in Elisha kiangah hong naih uh a, ama kiangah, “Topa in tu ni-in nangma kiang panin na topa a lakkhiat ding na thei hiam?” a ci uh hi. Tua ciangin amah in dawngin, “Hi hi, ka thei hi; bangmah gen nawn kei un,” a ci hi.

1 KUMPI MASATE 18:4

Jezebel in Topa’ kamsangte a hon thah lai-in Obadiah in kamsang za khat la-in sawmnga sawmnga-in leihawm sungah seel a, amaute an leh tui tawh vaak hi.)

1 SAMUEL MASA 19:20

Tua ciangin David a man dingin Saul in mi sawl hi; amaute in kamsang honte mailam thu genin omin amaute a makai-in Samuel a ding a muh uh ciangin, Saul’ sawltakte tungah Pasian’ kha hong tung a, amaute in zong mailam thu gen uh hi.

Thu-hilhkikna 33:3

Hi taktak hi, amah in a mite it a, ama tungah a ki-ap mite khempeuh a khut sungah om hi; tua ahih ciangin amaute in na khephung ah hong kun uh a, nang tung panin lamlahna ngah uh hi.

1 SAMUEL MASA 10:5

Tua khit ciangin Filistia khuacingte a omna Gibeath-elohim na tung ding hi: tua lai mun khuapi sung na tun’ ciangin amaute mai-ah, harp lasakna, khuangneu, tamngai, leh laiza lasakna tawh mailam thu genkholin mual tunga biakna panin hong paisuk kamsang honkhat na tuak ding hi.

2 KUMPI NIHNATE 6:1

Tu-in kamsangte khat in Elisha kiangah, “Thei in, nangma ukna nuai-a ka ten’na mun uh kote’ adingin neu lua hi.

Amos 7:14

Amos in Amaziah dawng a, “Keimah in kamsang ka hi kei a, kamsangte’ ta zong ka hi beek kei hi. Keimah in tuucing ka hi a, theiba huan puah tawh a thuah ka hi hi.