2 KUMPI NIHNATE 2:2 - Tedim Bible

² Tua ciangin Elijah in Elisha kiangah, “Hih lai-ah khawl in, kong thuum hi; bang hang hiam cih leh Topa in Beth-el ciang dong kei hong sawl hi,” a ci hi. Ahih hangin Elisha in, “Topa a nuntak bang, leh nang mahmah na nuntak mah bangin, nang kong nusia kei ding hi,” a ci hi. Tua ahih ciangin amaute Beth-el-ah paisuk uh hi.

Tedim Bible Revision 2017

² Elijah in Elisha kiangah, “Hih lai ah khawl in, kong thum hi; bang hang hiam cih leh Topa in Bethel ciang dong kei hong sawl hi,” a ci hi. Ahih hangin Elisha in, “Topa nungta a, nang mahmah na nuntak mah bangin, nang kong nusia ngei kei ding hi,” a ci hi. Tua ahih ciangin amaute Bethel dongah paisuak uh hi.

2 KUMPI NIHNATE 2:2 Referans Kwoze

2 KUMPI NIHNATE 2:6

Tua ciangin Elijah in ama kiangah, “Hih lai-ah khawl in, kong thum hi; bang hang hiam cih leh Topa in Jordan ah kei hong sawl hi,” a ci hi. Ahih hangin amah in, “Topa a nuntak bang, leh nang mahmah na nuntak mah bangin, nang kong nusia kei ding hi,” a ci hi. Tua ahih ciangin amaute a nih-un pai lai uh hi.

2 KUMPI NIHNATE 4:30

Tua ciangin naupang’ nu in, “Topa a nuntak bang, leh nang mahmah na nuntak mah bangin, nang kong nusia kei ding hi,” a ci hi. Tua ahih ciangin amah ding-in tua nu zui hi.

2 KUMPI NIHNATE 2:4

Elijah in ama kiangah, “Elisha aw, hih lai-ah khawl in, kong thum hi; bang hang hiam cih leh Topa in Jerikho-ah kei hong sawl hi,” a ci hi. Ahih hangin amah in, “Topa a nuntak bang, leh nang mahmah na nuntak mah bangin, nang kong nusia kei ding hi,” a ci hi. Tua ahih ciangin Jerikho ah amaute tung uh hi.

1 SAMUEL MASA 1:26

Tua nu in, “Aw, ka topa! Nangmah in a nungta na hih mah bangin ka topa aw, keimah in Topa tungah thu ngenin nangma omna hih lai mun-ah a ding nu ka hi hi.

Jeremiah 4:2

‘Topa a nuntak bangin,’ ci a, thuman tak, kip tak, thu tang tak-a thu na ciam nak uh leh, gam khempeuh in thupha ka piak ding hong ngen ding uh a, kei sungah amaute a lungdam ding uh hi,” a ci hi.

1 KUMPI MASATE 12:33

A kha giatna a ni sawm-le-nga ni, ama deih kha sungin Beth-el a, ama bawlsa biakna tau ah amah paito hi; amah in Israel mite’ adingin pawi khat kipsak a, paknamtui hal dingin biakna tau ah paito hi.

1 SAMUEL MASA 25:26

Tua ahih ciangin tu-in, ka topa aw, Topa nungta-in, nangma nuntakna a hin’mah bangin mithah nading pan leh nangma khut tawh thuhkikna na hih loh nadingin Topa in nang hong kho ahih manin, tu-in na galte leh nangma tungah siat nading a zongte in Nabal bang ta hen.

Piancilna 28:19

Amah in tua mun Beth-el ci hi; ahih hangin a masa-in tua khuamin pen Luz ahi hi.

1 JOHAN MASA 2:19

Tua mite in eite kiang pan a paikhiat uh hangin nidang lai-inah eite tawh a kipawl kei uh hi. Bang hang hiam na cih uh leh, eite tawh kipawl uh hi leh, eite tawh a omkhawm ding uh hi. Tua mite in eite tawh a kipawl loh thu a kilat nading eite kiang pan a paikhia uh hi.

1 KUMPI MASATE 12:29

Amah in Beth-el ah khat koihin, Dan ah adang khat koih hi.

1 SAMUEL MASA 17:55

Filistiapa do-in David a kuan khitna Saul in a muh ciangin galkap mangpa Abner kiangah, “Abner aw, hih tangvalpa kua tapa ahi hiam?” a ci hi. Abner in, “Na nuntakna a hin’ mah bangin, Kumpipa aw, ka thei kei hi,” a ci hi.

1 KUMPI MASATE 12:28

Tua ciangin kumpipa in thu kikupna khat bawl a, tua ciangin kham bawngno nih bawl hi. Tua ciangin amah in mite kiangah, “Jerusalem ah sau vei khop na paikhin ta uh hi. Israel mite aw, Izipt leitang panin note hong paikhiatpih na pasiante uh en un,” a ci hi.

2 KUMPI NIHNATE 2:23

Amah tua lai panin Beth-el-ah paito hi; lampi ah amah a paitoh lai takin khuapi panin naupang neu pawl khat hong paikhia-in amah zahko uh a, “Paito in, nang lukolhpa! Paito in, nang lukolhpa!” a ci uh hi.