2 KUMPI NIHNATE 19:3 - Tedim Bible

³ Amaute in ama kiangah, “Hezekiah in hih bangin ci hi: Tu ni in lungkham ni, hong kitai ni, min dai ni ahi hi; naungekte a suah hun tung a, amaute hin’ khiatna ding thatang om lo hi.

Tedim Bible Revision 2017

³ Amaute in ama kiangah, “Hezekiah in hih bangin ci hi: ‘Tu ni pen lungkham ni, hong kitai ni, mindai ni ahi hi. Naungekte a suah hun tunga, amaute hinkhiat nading thatang om lo hi.

2 KUMPI NIHNATE 19:3 Referans Kwoze

Hosea 13:13

Israel mite, naungeek bangin a suah khiat hun tung khin napi-in, a hai luat manin suak khia loin a nu sung mahah omom lai hi.

Isaiah 66:9

Nau suah hun tungsak napi-in suakkhia sak lo ding ka hi hiam? Topa in ci hi; nau a suakkhiasak keimah in naugil khakcip ding ka hi hiam? na Pasian un ci hi.

Hosea 5:15

Ka mite in a mawhna hangun gimna thuakin kei hong zon’ kik mateng ka tuaci nusiat phot ding hi. A lungkham uh ciangin kei hong zong ding uh a,

Late 95:8

Amaute in ka nasepna mu khin napi, Meribah leh Massah mun-ah na pate un kei hong ze-etin, gamtatna tawh ka lah ding hong kalh hun lai bangin, note in na lungsim uh khauhsak kei un.

Late 39:11

Mawhna hangin mi satin na tai ciangin, nget in a nektum bangin ama na manpha na beisak hi; mi khempeuh in husan’ khat bang bek hi takpi hi.

2 KUMPI NIHNATE 18:29

Kumpipa in hih bangin ci hi: ‘Hezekiah’ khemsa-in om kei un; bang hang hiam cih leh amah in keima khutsung panin note hong honkhia zo lo ding hi.

2 KUMPI NIHNATE 19:2

Tua ciangin amah in inn sung a ukpa Eliakim, leh lai-atpa Shebna, leh siampi luite puanhampi silhsakin Amoz’ tapa kamsangpa Isaiah kiangah sawl hi.

2 KUMPI NIHNATE 19:4

Ama topa ahi Assiria kumpipa in a nungta Pasian a zahko dingin a sawl a ulianpa’ kammalte khempeuh Topa na Pasian in za-in Topa na Pasian in a zaksa thute nial khin kha ding hi; tua ciangin a om lai mite adingin thungen in,” a ci uh hi.