2 KUMPI NIHNATE 18:3 - Tedim Bible

³ Amah in a pu David’ hihna khempeuh tawh kizui-in Topa’ mit-ah a man gamta hi.

Tedim Bible Revision 2017

³ A pu Davidʼ hihna khempeuh tawh kizui-in Topaʼ mitah a man gamta hi.

2 KUMPI NIHNATE 18:3 Referans Kwoze

2 KUMPI NIHNATE 20:3

“Nangma mai-ah thuman tak leh lungsim khempeuh tawh ka gamtatna, leh nangma muhna ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpi takin kap hi.

JOB (Job) 33:27

Tua ciangin amah in mihonpite’ zakin, ‘Kei ka khial khin hi. A manin ka gamta kei a, ahi zongin Pasian in hong suaktasak hi.

2 KHANG TANGTHU NIHNATE 29:2

A pu David’ hihnasa khempeuh bangin Topa’ mit-ah a man gamta hi.

2 KUMPI NIHNATE 22:2

Amah in Topa’ mit-ah a man gamta-in, a pu David’ khekhap khempeuh zui cinten a, tak lamah ahi a, vei lamah ahi zongin pial lo hi.

1 KUMPI MASATE 15:11

Asa in a pa David gamtat bangin Topa’ mit-ah a manin gamta hi.

1 KUMPI MASATE 15:5

bang hang hiam cih leh Hit mi Uriah thu-ah cih sim loh David in ama nuntak sung tawntung Topa’ mit-ah a manin gamta-in a thupiakte khat peuhpeuh panin amah pial lo hi.

1 KUMPI MASATE 11:38

Ka nasempa David bangin ka thukhamte leh ka thupiaknate zuihna tawh nang kong thupiak khempeuh ngai-in, ka lampite tawnin ka mit-ah a manin na gamtat leh, nang tawh hong omkhawmin, David adingin ka hih bangin nang adingin innkuan kician khat kong phuhsak ding a, nangma tungah Israel kong pia ding hi.

1 KUMPI MASATE 11:4

Bang hang hiam cih leh Solomon a teek ciangin a zite in pasian dangte lamah ama lungsim heikhia uh hi; ama pa David’ lungsim bangin ama lungsim Topa tungah thuman bup taktak lo hi.

1 KUMPI MASATE 3:14

Na pa David in a tot bangin nangmah in ka lampite tawnin ka thukhamte leh ka thupiaknate na zuih leh na khan’ ka sausak ding hi,” a ci hi.

Thu-hilhkikna 6:18

-

Paikhiatna 15:26

“Note in Topa na Pasian’ thu lim takin na ngaih uh a, ama' maiah a man nate hih-in, ama' thupiakte don a, ama' ngeina kipte khempeuh na zuih uh leh, Izipt mite' tungah ka tun’sak natnate khat beek note' tungah kong tungsak kei ding hi; bang hang hiam cih leh keimah in Topa, note hong damsakpa ka hi hi,” a ci hi.

Efesa 6:1

Tanute tapate aw, Topa’ deih bangin na nute na pate thu uh na mang un. Bang hang hiam na cih uh leh, hih gamtatna in thuman ahi hi.

ROM (Romans) 7:12

Tua hi a, Thukham in a siangtho hi. A thu in zong a siangtho, a dik, a pha hi.

Late 119:128

Tua ahih ciangin na thuhilhte khempeuh tawh kituakin kei ka gamta hi; a man lo lampi khempeuh ka mudah hi.

Thu-hilhkikna 10:12

“Israelte aw, tu-in, Topa na Pasian uh zahtak ding, ama lampite tot ding, amah it ding, na lungsim khempeuh uh leh na nuntakna khempeuh uh tawh Topa note’ Pasian’ na sep ding,

2 KUMPI NIHNATE 12:3

Ahi zongin mual tunga biaknate kila khia lo hi; mite in tuate tungah biakna pia-in paknamtui hal lai uh hi.

2 KUMPI NIHNATE 14:3

Amah in Topa’ mit-ah a man gamta a, ahi zongin a pu David bang zo lo hi; a pa Joash’ hihsa na khempeuh hih hi.

Isaiah 38:3

“Topa aw, lungsim khempeuh leh thuman tak tawh nangma mai-ah gamta-in, nangma muhna ah a hoih nate ka sepna thu, tu-in nong phawk nadingin kong thuum hi,” a ci hi. Hezekiah nakpi takin kap hi.