2 KUMPI NIHNATE 11:4 - Tedim Bible

⁴ Ahih hangin a kum sagihna kumin siampi Jehoiada in mi sawlin Kar mite leh kumpi inncing a ukte sam sak a, Topa’ inn sung ama kiangah samsak hi; tua ciangin amah in amaute tawh thuciamna khat bawlin Topa’ inn sungah kiciamna nuai-ah amaute koih a, amah in amaute kiangah kumpipa’ tapa lak hi.

Tedim Bible Revision 2017

⁴ Ahih hangin a kum sagihna kumin siampi Jehoiada in mi sawlin Kar mite le kumpi inncing a ukte kiangah paisak a, Topaʼ biakinn sung ama kiangah samsak hi. Tua ciangin amah in amaute tungah a ngaihsutna genin Topaʼ biakinn sungah kiciamna khat bawl uh a, amah in amaute kiangah kumpipaʼ tapa a lak hi.

2 KUMPI NIHNATE 11:4 Referans Kwoze

2 KUMPI NIHNATE 11:19

Tua ciangin amah in a ukte, Kar mite, a cingte, leh tua gammi khempeuh kaikhawm hi; tua ciangin amaute in Topa’ inn panin kumpipa paipih suk uh a, a cingte’ lampi tawnin kumpipa’ innah pai uh hi. Tua ciangin amah in kumpite’ kumpi tokhom tungah a tutna hong la hi.

2 KUMPI NIHNATE 11:9

A ukte in siampi Jehoiada’ thupiak khempeuh bangin hih uh a, Sabbath ni-in nasep a sem dingte tawh Sabbath ni-in ama mi nasep a peng dingte hong paipih ciat uh a, siampi Jehoiada’ kiangah hong tung uh hi.

2 KHANG TANGTHU NIHNATE 15:12

Tua ciangin a lungsim khempeuh uh leh a nuntakna khempeuh uh tawh a pu a pate uh’ Pasian, Topa a zon’ nading uh,

2 KUMPI NIHNATE 11:17

Tua ciangin Jehoiada in amaute Topa’ mi ahih nading uh Topa leh kumpipa leh mite kikalah thuciamna khat bawl hi; kumpipa leh mite kikalah zong bawl hi.

Sawltak 5:26

Tua ciangin biakna innpi ukpa leh palikte a paikik uh a, amau mite in suang tawh a den’ ding uh a lau manun ah gamlum loin a paipih uh hi.

Sawltak 5:24

Biakna innpi ukpa leh siampite in hih thu a zak uh ciangin, hih thu in bangci thu hi ding hiam ci-in a lunghimawh uh hi.

Nehemiah 10:29

a sanggam uh ahi, amau’ makaite pawmin, Pasian’ nasem Moses in a piak Pasian’ thukham zui-in, eite’ Topa ahi Topa’ thupiakna khempeuh, ama ngeinate leh ama thukhamte a zuih nading uh kiciamna bawl uh hi.

Nehemiah 9:38

Hih thute khempeuh hangin a kip thuciamna khat bawlin lai-in ka gelh uh a, ka uliante uh, ka Levi mite uh leh ka siampite un zong tua lai tungah a min uh gelh uh hi.

Nehemiah 5:12

Tua ciangin amaute in, “Hihte khempeuh ka pia kik ding uh a, amaute tung panin bangmah ka kal nawn kei ding uh hi; na gen bangin ka gamta ding uh hi,” hong ci uh hi. Tua ciangin siampite ka sam a, a ciamsa bangun a gamtat nadingun kiciamna ka bawlsak hi.

2 KHANG TANGTHU NIHNATE 29:10

Tu-in a lauhuai a hehna eite tung pan a kiheikhiat theih nadingin Israel Pasian, Topa tawh thuciamna khat bawl ding ka lungsim ah om hi.

1 KHANG TANGTHU MASATE 9:13

hihte banah amau’ behte, a beh lutangte, Pasian’ innah nasep nadingin a siam mahmah mihing tulkhat leh zasagih leh sawmguk ahi hi.

2 KUMPI NIHNATE 23:3

Tua ciangin khuampi gei-ah kumpipa dingin hih laibu sunga a kigelh hih thuciamna kammalte khempeuh a sep nading, Topa thu mangin a thupiaknate leh a tecipan’nate leh a thukhamte, a lungsim leh a ngaihsutna khempeuh tawh a zuih nading, Topa mai-ah thuciamna khat bawl hi; tua ciangin mi khempeuh tua thuciamna ah kihel uh hi.

1 KUMPI MASATE 18:10

Topa na Pasian in a nungta ahih mah bangin nangmah zong dingin ka topa in a sawl lohna minam ahi a, kumpi gam ahi zongin om lo hi; amaute in, ‘Hih lai-ah amah om lo hi,’ a cih uh ciangin, amaute in nang hong muh lohna thu amah in kumpi gam ahi a, minam ahi zongin kiciamsak hi.

1 SAMUEL MASA 23:18

Tua ciangin amaute nih in Topa mai-ah thuciamna bawl uh hi; Horesh ah David om lai-in, Jonathan a inn-ah ciah hi.

1 SAMUEL MASA 18:3

Tua ciangin Jonathan in David tawh thuciamna khat bawl hi.

Joshua 24:25

Tua ahih ciangin Joshua in Shekhem-ah tua ni-in mite tawh thuciamna bawl a, amaute adingin thukhamte leh biakna ngeina kipte a bawl hi.

Piancilna 50:25

Tua ciangin Josef in Israel tapate’ kiciamna bawlin, “Note' kiangah Pasian hong hawh ding a, note in hih lai panin ka guhte na pua to ding uh hi,” ci hi.

2 SAMUEL NIHNA 20:23

Tu-in Joab in Israel galkap khempeuh a uk ahi hi; Jehoiada’ tapa Benaiah in Khereth mite leh Peleth mite a uk ahi hi;

2 KUMPI NIHNATE 11:3

Athaliah in Israel gam sungah a uk sung teng tua nu tawh amah kum guk sung omin Topa’ inn sungah bu hi.

2 SAMUEL NIHNA 8:18

Jehoiada’ tapa Benaiah in Khereth mite leh Peleth mite uk hi; David tapate in gam uk uliante ahi uh hi.

1 KUMPI MASATE 14:27

tua ciangin Kumpi Rehoboam in tuate’ tangin sumngo lumte bawl a, kumpipa’ inn kongkhak a cing inncing uliante’ khut sungah tuate ap hi.

2 KUMPI NIHNATE 12:7

Tua ahih ciangin Kumpi Joash in siampi Jehoiada leh siampi dangte samin amaute kiangah, “Bang hangin inn puah lo na hi uh hiam? Tua ahih ciangin tu-in na nasepna uh mite kiang panin na sum lakte uh kem nawn kei un la, a sumte inn puah nadingin hong ap un,” a ci hi.