2 KUMPI NIHNATE 10:1 - Tedim Bible

¹ Tu-in Ahab’ suan-le-khak mihing sawmsagih Samaria ah teeng hi. Tua ahih ciangin Jehu in laikhakte gelh a, khuapi a ukte, upate, leh Ahab’ suan-le-khak a kemte tung Samaria a, Jezreel uliante’ tungah tua laite khakin,

Tedim Bible Revision 2017

¹ Tu-in Ahabʼ suanlekhak mihing sawm sagih Samaria ah teeng uh hi. Tua ahih ciangin Jehu in laikhakte gelh a, khuapi ukte, upate le Ahabʼ suanlekhak a kemte tung Samaria ah tua laite khakin,

2 KUMPI NIHNATE 10:1 Referans Kwoze

1 KUMPI MASATE 13:32

Bang hang hiam cih leh Beth-el a, biakna tau leh Samaria khuapite sunga om mual tunga biaknate khempeuh langpangin Topa’ thu tawh a kiko a thugenna hong tung taktak ding hi,” a ci hi.

Thukhente 8:30

Tu-in Gideon in tapa sawmsagih, ama aa mahmah nei hi, bang hang hiam cih leh amah in zi tampi nei hi,

2 KHANG TANGTHU NIHNATE 22:9

Amah in Ahaziah zong a, Samaria ah a buk lai takin amah kiman a, tua ciangin Jehu kiangah amah kipai pihin kithat hi. Amaute in amah vui uh hi; bang hang hiam cih leh amaute in, “Amah in, a lungsim khempeuh tawh Topa a zong Jehoshafat’ tupa ahi hi,” a ci uh hi. Tua ciangin Ahaziah innkuante in kumpigam a uk zo ding mi khat zong nei nawn lo uh hi.

2 KUMPI NIHNATE 5:3

Amah in a tonu kiangah, “Samaria ah a om kamsangpa tawh ka topa a omkhawm hi leh! Amah in a phakna damsak ding hi,” a ci hi.

1 KUMPI MASATE 16:28

Tua ciangin Omri a pate tawh ihmu a, Samaria ah kivui hi; tua ciangin ama tangin a tapa Ahab in uk hi.

1 KUMPI MASATE 16:24

Amah in Shemer’ tung panin ngun talen nih-in Samaria mual lei hi; amah in kulh tawh a mual um a, tua mual a neipa Shemer’ min tamin a lamsa khuapi min Samaria phuak hi.

Thukhente 12:14

Amah in la sawmsagihte tungah a tuang tapa sawmli leh tupa sawmthum nei hi; amah in Israelte kum giat sung thu khen hi.

Thukhente 10:4

Amah in la sawmthum tungah a tuang tapa sawmthum nei hi; amaute in Gilead gam sunga om tu dongin Havvothjair a kici khuapi sawmthum nei uh hi.

Thu-hilhkikna 16:18

“Na minam uh tawh kizui-in Topa na Pasian un note hong piakna khuate ah thukhente leh uliante na koih ding uh hi; amaute in a man thukhenna tawh mite thukhen ding uh hi.

Gamlak-vakna 11:12

Keimah in hih mite khempeuh paii ka hi hiam? Nangmah in kei kiangah, ‘Naucingnu in nawi ne naungek a puak bangin, nangmah in amau’ pate piak dingin ka ciam leitangah amaute ang puakin paipih in,’ nong cih theih nadingin kei sunga piang ahi uh hiam?

Joshua 15:56

Jezre-el, Jokdeam, Zanoah,

1 KUMPI MASATE 21:29

“Keima mai-ah bangzahin Ahab a kiniamkhiatna na mu hiam? Keima mai-ah amah kiniamkhiat ahih manin ama hun sungin siatna ka tungsak kei ding hi; ahih hangin a tapa’ hun sungin ama innkuan tungah siatna ka tungsak ding hi,” a ci hi.

Hosea 1:4

Tua ciangin Topa in Hosea kiangah, “Na tapa’ min dingin Jezre-el phuak in: bang hang hiam cih leh ama pute Jehu in Jezre-el khua-ah a mi thahna hangin, Israel kumpipa tungah daan ka pia baih ding a, Israel mite tungah Jehu’ suan-le-khakte’ ukna ka beisak ding hi.