2 KUMPI NIHNATE 1:9 - Tedim Bible

⁹ Tua ciangin kumpipa in ama kiangah mihing sawmnga a ukpa a mihing sawmnga tawh sawl hi. Mual dawn khatah a tu Elijah kiangah amah paito-in ama kiangah, “Pasian’ mipa aw, kumpipa in, ‘Hong paisuk hen,’ ci hi,” a ci hi.

Tedim Bible Revision 2017

⁹ Tua ciangin kumpipa in ama kiangah mihing sawm nga a ukpa a mihing sawm nga tawh a sawl hi. Mual dawn khat ah a tu Elijah kiangah amah pai to-in ama kiangah, “Pasianʼ mipa aw, kumpipa in, ‘Hong pai suk hen,’ ci hi,” a ci hi.

2 KUMPI NIHNATE 1:9 Referans Kwoze

Hebru 11:36

Kim khatte in kosiatna, satgawpna tham loin, leh-henna, thongkiatnate tawh ze-etna a thuak uh hi.

Marka 15:32

Ka muh uh a, ka up nadingun Israel’ Kumpipa Khazih in singlamteh tung pan hong kumsuk ta hen,” ci-in khat leh khat a kici uh a, a zahko uh hi. Singlamteh tungah Zeisu tawh a kikhai khawmte in zong a zahko uh hi.

Marka 15:29

Lampi-ah a pai mite in, “Hei, biakna innpi susia-a nithum sunga a lam kik dingpa aw,

Mattiu 27:29

Tua ciangin ling tawh kigan lukhu a khusak uh a, pumpeeng khat a tak lamah a tawisak khit uh ciangin, ama maiah khukdin’in, “Judah kumpipa aw, nang na ci dam ta hen!” ci-in a zahko uh hi.

Mattiu 26:68

“Khazih aw, nang kua in hong beeng hiam? ci-in kamsangte bangin hong gen in,” a ci uh hi.

Mattiu 14:3

Herod in a nau Filip’ zi Herodias thu hangin Johan a matsak khit ciangin, henin, thong sungah a khia hi.

Amos 7:12

Tua ciangin Amaziah in Amos kiangah, “Kamsanga kineipa aw, na Judah gamah ciah in la, tua lai-ah na nuntak nading nasemin, thu va gen gen in.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih ding, Imlah’ tapa Mikaiah kici mi khat om lai hi; ahih hangin amah in kei’ thu a hoih gen ngei loin a sia gen ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

1 KUMPI MASATE 19:2

Tua ciangin Jezebel in Elijah kiangah kamtai khat sawlin, “Zing ciang tu bang hunin amaute khat’ nuntakna bangin nangma nuntakna ka bawl kei taak leh pasiante in kei hong dawm kei ta hen,” cisak hi.

1 KUMPI MASATE 18:42

Tua ahih ciangin a ne a dawn dingin Ahab paito hi. Karmel dawn-ah Elijah paito hi; amahmah lei lakah kun sukin a khukte kikalah a maitang phum hi.

1 KUMPI MASATE 18:10

Topa na Pasian in a nungta ahih mah bangin nangmah zong dingin ka topa in a sawl lohna minam ahi a, kumpi gam ahi zongin om lo hi; amaute in, ‘Hih lai-ah amah om lo hi,’ a cih uh ciangin, amaute in nang hong muh lohna thu amah in kumpi gam ahi a, minam ahi zongin kiciamsak hi.

1 KUMPI MASATE 18:4

Jezebel in Topa’ kamsangte a hon thah lai-in Obadiah in kamsang za khat la-in sawmnga sawmnga-in leihawm sungah seel a, amaute an leh tui tawh vaak hi.)

Luka 9:54

Tua thu a nungzuite Jakob leh Johan in a muh uh ciangin, “Topa aw, kote in vantung panin mei kiasakin tua mite a kat nading na awi hiam?” ci-in a dong uh hi.

Jeremiah 35:4

Amaute, Topa’ biakinn sung, kumpi uliante’ inn dei gei, Shallum’ tapa kongpi uk biakinn upa lian Ma-aseiah’ inndei tung-a, Igdaliah’ tapa, Pasian’ mi ahi Hanan’ tate’ inndei sungah ka lutpih hi.

1 SAMUEL MASA 19:21

Hih thu Saul kiangah a kigen ciangin, amah in midang sawl leuleu a, amaute in zong mailam thu mah genin om uh hi. Tua ciangin Saul in mi a thumveina sawl a, amaute in zong mailam thu genin om veve uh hi.

1 KUMPI MASATE 17:18

Tua ciangin amah in Elijah kiangah, “Pasian’ mipa aw, kei lang khatah bang thu nei na hi hiam? Ka khialhna kiphawk kiksak ding leh ka tapa’ sihna a piangsak dingin kei kiangah nong pai hi!” a ci hi.

2 KUMPI NIHNATE 2:25

Tua lai panin amah Karmel Mual ah paisuak a, tua ciangin Samaria ah ciahkik hi.

2 KUMPI NIHNATE 4:25

Tua ahih ciangin amah dingkhia a, Karmel Mual-a Pasian’ mipa kiangah pai hi. Pasian’ mipa in amah hong pai a muh ciangin a nasempa Gehazi kiangah, “En in, gal-ah Shunem nu hong pai hi;